رنہا الہ بٰٰيٰلہٰيٰ
💅🏻وتہٰٰ۪۪۫۫ﹻﹷﹷۣۗﻳﹷﹷﹷۣۗنٰ قہٰٰ۪۪۫۫لہبيّٓ💅🏻
- إنضم
- 27 يونيو 2021
- المشاركات
- 3,334
- مستوى التفاعل
- 8,893
- النقاط
- 113
هاي صديقة أمي جوارينا هيج عمرها بالستينات تجي يمنه مرات مره اجت تسولف أسمعها تكول لأمي( خية راح أهج من البيت منوراه سناء زوجة حيدر مرمرتني تمرمر أيدها طويلة كلش ماخلت عليه فلس حتى تأخذ موبايلي وتحوللها رصيد خية تبوك الكحل من العين وفوكها خارمة ماعون ماتغسلها وخايسة ومكطنة) كتلها ( حجية معقولة تبوكج وأبنج يدري وساكت؟!) كالت( جا خالة غير ساحرته منثول مايشوف دربه حتى لسانه عاكدته يحجي خرابيط وبيني وبينج خالة يشرب ) كتلها (شيشرب) كالت (طواحيل ياخالة شيشرب بعد قابل ماي ورد ) شوي الموضوع ثار حفيظتي وهي هم كسرت خاطري شكوتها تزرف الكلب سألتها( جا حجية أنتي وين ناوية تهجين بأذن الله) كالت ( أرض الله واسعة حتى لو اشوفلي شويب اتزوجه ويستر علي ) وراه ماراحت أمي كالت(تولي هاي بعد من تجي ماانطيها وجه جذابة تحجي على أبنها وجنتها وبيني وبينج هي حاطة عينها على أبوج تكول بلكي يأخذني) والله حيرة وبيني وبينكم أنى ماادري أصدك منو
امي لو صديقتها

