’،
دا احاول اكتب شي
بس كُل ما بديت الكتابة ،
حسيت هالشي اللي كتبته ميليق بيها
فكرت بالورد ، بالفراشات ، بقطرات الندى ،
بالنجوم ، بالغيوم ، بالكواكب بجميع مُسمياتها
و طبعاً هذا الشي اني من الظهر
دا احاول اعبّر عن شي بداخلي
لأن جنت بين زحمة الشغل
گلت من ارجع بالليل و من تصفى الجمجمة هههه
عود اصفن و اكتب شي حلو ،
و حاير شنو اكتب
عن النور ، الياقوت ، الهوا ،
الحب ، الغزل ، الاعجاب ، السعادة
الاشتياق ، الموسيقى ، الصلوات ،
الهدوء ، اللُطف ، الترافة ، العذوبة ،
النعومة ، النبض ، الهيام ، الشجن ،
الملهم ، الكمال ، الجمال ، السرور
الرقة ، الفاكهه ، الشِعر ، الاطياف
الاماكن ، الجواهر ، الارواح ، العناد
حتى العوالم الثانية ، اللي يسكنها الجن ،
ما ادري اذا بحر اللغة يكفي الها
او لا ، بس المتأكد منه
هيّ بكل مقاييسها بلل للروح
هيّ بكل صفاتها بلسم
هيّ بكل جوانبها احتواء ،
لذلك ما لگيت بس :
الدعاء أن ربي يحفظها
من كل شر و اكتب كل فكرة صادفتها
من الظهر لهسه و كلها مو بمقامها
السامي ،،
(( مُلهِمَتي ))
’،