’،
الكل مَر بتجربة الحب بمرحلة من حياته
و هاي التجربة ممكن كانت ناجحة ،
ممكن فشلت ، و ممكن استمرت و لا تزال ..
و القليل ما مَر بهاي التجربة لكن اكيد
شافها عند صديق او صديقة او اقارب
أو .. أو .. أو …. الخ
المهم فترة البداية اللي تكون جداً جميلة
و البعض يعقب عنها و يشبهّها
بـ [ همس الملائكة ] و البعض يسميها
[ تغريد البلابل ] .. المهم اللي تكون
من اجمل اللحظات بأي علاقة كانت
مو شرط إلا علاقة حُب ..
و بعد مضي فترة على تغريد البلابل
راح تشوف كلشي بدأ يتغير من ناحية
الاسلوب و طريقة التعبير و حتى الشوق
و اللهفة و كمية الحب نفسها تبدأ تصير
روتين ، و اذا وصلت مرحلة الروتين ،
هنا الحب راح يكون مجرد تمثيل ادوار
مو اكثر ..
العلاقة الحقيقية ما بيها ملل ابداً
راح تشوف الشخص المقابيلك دائماً
بلحظات البداية الاولى لذلك نسمع
المقولة ( [BGCOLOR=rgb(239, 239, 239)]الحب الصدك مينتهي[/BGCOLOR] ) ،
دائماً تتلهف اله ..
دائماً تحبه ..
دائماً تشتاق اله ..
دائماً نبضاتك اله ..
دائماً تحاول تثبت اله شي جديد
يتعلق بيك و بحجم حبك وياه ..
مراحل الحب السبعة اذا مريت
بيهن و تشعر بعدك بأول مرحلة
تشعر كأنه انت بعد عندك مجموعة
من الاحاسيس اللي لازم تگولها اله
تشعر بكمية الحب مثل طوفان للمشاعر
تحس بروحك دتغرك من داخلك
و تريد تعبر عن هذا الشي البداخلك
و متعرف شلون لان كل بحور اللغة
ما تلگي بيها حرف واحد ممكن يسعف
احساسك اتجاه هذا الشخص ..
لذلك من گد اشتياقك و حجم لهفتك
تشعر بداخلك تتمزق حرفياً ..
تشعر بحجم غصة كلش چبيرة
و هاي الغصة سببها حجم الاشتياق
اللي متگدر تبلع جزء منه ..
[BGCOLOR=rgb(247, 218, 100)]يعني متخيلين حجم الحب البداخلكم[/BGCOLOR]
[BGCOLOR=rgb(247, 218, 100)]لهذا الشخص شنو ؟!!!![/BGCOLOR]
توصل مرحلة أنت مُلهَمْ بهذا الشخص
و بالمقابل هاي الشخصية تكون
مُلهِمة الك بكل ما تحوي من صفات
هنا برايكم شنو الكلمة اللي تعبّر
عن حبك لهذا الشخص غير ال
أحبك ،
اعشقك ،
اموت بيك و عليك ،
اتنفسك ،
كلشي بداخلك أكبر من هاي الكلمات
بهوووووووواي و كلشي ميوصف حبك
بحيث حتى ال ( أووووف ) تطلع
منك بمعنى مشتاقلك حيل ..
هنا بس راح تعرف حبك راح يستمر
ويا هذا الشخص لو يتحول الى روتين ؟!
مشاهدة المرفق 27644
’،
