رواية جرحني وصار معشوقي للكاتبه رسمتك حلم ..كامله

[قيصر الحب]

رد : رواية جرحني وصار معشوقي للكاتبه رسمتك حلم ..كامله

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[تہؤُلَيہبہ]

رد: رواية جرحني وصار معشوقي للكاتبه رسمتك حلم ..كامله

نورت اخي قيصر الحب

 

[تہؤُلَيہبہ]

رد: رواية جرحني وصار معشوقي للكاتبه رسمتك حلم ..كامله

الفصل الثامن:

دخل رعد للصاله وشاف ريم جالسه قدام التلفزيون وفي حضنها بوب كورن و ع الطاوله بيبسي ومتحمسه

إبتسم ولف نظراته للميس الجالسه بعيد عن التلفزيون

لابسه برموده بيج غامق وبلوزه كت نيلي مبرزه بياض بشرتها الناعمه حاطه رجل ع رجل‎ ‎بجلستها المستقيمه والأنيقه وفي حضنها مجله تقراها

تأملها وهي تبعد خصلات شعرها عن وجهها ومانتبهت له
مركزه مع المجله

رعد وعيونه ع لميس:إحم إحم

ريم لفت راسها ع ورى تطالعه:رعد تعال تعال لايفوتك الفيلم

رعد إبتسم:لا شايفه قبل كمليه إنتي

إستغرب من لميس اللي مارفعت راسها من المجله

مشى لعندها وجلس قريب منها

لميس حاسه بنظراته لها من دخل بس ماعطته وجه
سافهته بس ماقدرت تركز بالمجله تطالع الحروف بدون تركيز

سمعت صوته الساخر:لهدرجه المجله ماخذه عقلك

ماعطته وجه وقلبت الصفحات

رعد سحب المجله من إيديها:أحاكيك

رفعت عيونهاورافعه حاجبها:خير

رعد بلع ريقه لماشاف عيونها الزرقاء الجذابه

طالع في المجله علشان مايشوف عيونها وقال بسخريه:ماشوف فيها شئ يشد قلت يمكن صوره واحد من المعارف فيها

لميس مقهوره لأنه يبحث عن أي شئ يقهرها فيه

سحبت المجله من إيده وقلبت الصفحات وطلعت صورة شاب وسيم يكتب مقالات ويلحقها بصورته إبتسمت بخبث ممزوجه باستهزاء

ووقفت قربت منه وهو يطالعها متعجب

رمت المجله ع الصفحه في حضنه وقالت بدلع:إمممم وش رايك فيه كيوت صح

لفت بدلع وطلعت من الصاله

رعد خاق ع دلعها نزل عيونه ع المجله وانصدم استوعب اللي قالته وانقهههر قام من مكانه بغيض ورمى المجله ع الأرض وطلع من الصاله

لميس دخلت الغرفه ودموعها ماسكتها بقهر"أنا إيش سويت
اه غبيه بدل ما أقهره أثبت إتهاماته لي غبيه "

جلست ع السرير وسندت جسمها عليه ومددت رجولها"بس هو اللي جبرني أسوي كذا قاهرني بنظراته وشكه وإتهاماته الباطله لي "

*****************

في الصاله

دخلت رغد ووجهها مشرق بابتسامه حلوه:مرحبا

ريم متمدده ع الكنب:أهلين خير اللهم اجعله خير

لميس معاها الريموت تضحك:ههههههه لا اللي يشوف ابتسامتها يقول أكيد خير

رغد جلست بدلع:أكيد خير

دخل عادل ووراها فيصل ورعد راجعين من الصلاة

لميس ماتدري ليش خافت لماشافت نظرات رعد وتذكرت اللي صار بينهم ولفت وجهها لرغد

فيصل بدهشه:أو و و و و وه رغيده عندنا

رغد وخدودها حمرا:لا تقول رغيده قول(وبحيا) أم سعود

الكل ساكت وعلامات إستفهام ع وجيههم من شكل رغد الخجول ولا إستوعبوا اللي قالته

فجأه أخترق الهدوء صرخة ريم بفرحه وهي تنط من مكانها:حا ا ا ا ا ا ا ا ا ا ا ا ا ا ا ا ا ا ا ا مل

حضنت رغد بقوه:مبر و و و و و و و و و و و وك

عادل فاتح فمه بعدم تصديق: من جدك

فيصل ضحك وراح باس خد رغد :مبرو و وك

رغد مستحيه:الله يبارك فيك

لفوا كلهم لما سمعوا صرخت عادل وهو ينطط بفرحه: بصير خا ا ا ا ا ا ا ال يا ا ا ا نا ا ا ا ا ا ا ا ا ا اس أنا خا ا ا ا ا ال يا ا ا ا ا ا ا ا ا اهو و و و و و و و

الكل فطس ضحك على شكله

ورغد ماتت من الحيا خصوصا لما حضنها عادل

راحت لها لميس وحضنتها بفرحه:مبر و و و وك رغوده

رغد:الله يبارك فيك

ابعدت لميس لما قرب رعد لرغد وحضنها:مبرو وك رغد

عادل مبسوط:يالله ماصدق إني بصيرخال (طالع رعد بنص عين)عقبال ما أصير عممم

رعد تكتف ورفع حاجبه

فيصل :هههههههههههه

عادل التفت لرغد:قلت شئ غلط

لميس مو متخيله شكل رعد مع دلال الكريهه راح يبتلش فيها ماقدرت تمسك نفسها وضحكت :ههههههههههههههههههه
هههههههههههههههههههههه

الكل استغرب من ضحكها وفسروه ع إنه بسبب شكل عادل وسؤاله وابتسموا

أما رعد طالع لميس بقهر ورافع حاجبه لماشافها تطالعه وتضحك بمسخره
وفهم عليها

قرب منها بجرأه خلت الكل يطالع فيه بدهشه وإستغراب
وقف قبالها وقريب منها

لميس سكتت وبلعت ريقها بخوف ومن جرأته

تكتف رفع حاجبه :خير ست لميس إيش اللي يضحك

لميس رجعت ع ورى خطوتين
وناظرته بتحدي يعني ماخوفتني
وابتسمت بسخريه:مو متخيله شكلك أبو وههههههه(ضحكت باستهزاء)وزوجتك دلول

رعد رفع حاجبه :والله وليش مو متخيله

لميس شافت نظراته المرعبه ومابينت خوفها طالعت فيه بتحدي ممزوجه باحتقار:شكلك غلط ومولايق عليك الأبوه لا إنت ولا دلولتك

رعد عصصب من حكيها وإرتفع الدم لراسه يعني إنك مو رجال ومستصغرته ولا صاحب مسؤليه واللي قهره طريقة نطقها لدلال(دلولتك)

ريم سحبت لميس بسرعه لأنها خافت لماشافت شكل رعد الواضح إنه معصب وخافت من رده:لميس يالله تأخرنا ع البنات

لميس ماتدري ليه إرتاحت لما انقذتها ريم من رد رعد اللي نظرات عيونه ماتبشر بخير

رغد :وين أمي ببشرها

فيصل ضحك:هههههه أمك مو موجوده

رغد :ليه وينها

فيصل حرك أكتافه:ماأدري

****************

 

[تہؤُلَيہبہ]

رد: رواية جرحني وصار معشوقي للكاتبه رسمتك حلم ..كامله

في الحديقه جالسين يسولفون
ع الكراسي

ريم:ههههههههههههه

رغد بقهر :لا ا ا ا غش غش ماعاد ألعب معاكم يالغشاشين

ضحكوا ريم ولميس وهم يجمعون البلوت

ريم:ههههههههه روحي بس يالخسرانه

رغد قامت ورفعت جوالها من الطاوله:أروح أكلم عموري أحسن

ريم:إلا متى يرجع عمورك من السفر ماكأنه طول هالمره(حطت إيدها ع فمها بشهقه مصطنعه)أخاف إنه تزوج عليك

ضربتها رغد ع كتفها بقوه:ياحماره لا تفاولين علي

ريم تحك كتفها:اخ والله جد أخاف عجبوه الشقر هناك وقال لازم ماأرجع إلا وأنا ماخذ وحده تذكرني فيهم تعرفين هم ماشاءالله حلوين وهو يبي يصون نفسه هناك

عصبت رغد ودفة ريم بقوه

طاحت ع ورى من قوتها
وهربت

لميس ميته ضحك ع شكل ريم وهي طايحه ع الكرسي وتحاول تشيل روحها وهي تضحك وتسبها بنفس الوقت
ريم ماسكه ظهرها وتصارخ:ا ا ا ا ا ا ا ا ا ا اخ الحماره مو إيد هذي هذي طابو و و و و قه اإخ كسرت ظهري

لميس تضحك موقادره تتنفس من الضحك شكل ريم مره مضحك

طلع فيصل:السلا......(سكت يطالعهم بحيره)إيش فيكم

لميس ميته ضحك وماقدرت تتكلم أما ريم قامت داخله جوا بتلحق رغد

صرخت لميس تناديها بين ضحكاتها:يا خبله ترأها حامل هههههههه

فيصل جلس ع الكرسي قدام

لميس اللي بدت تهدى من نوبة الضحك

فيصل:إيش فيكم إيش فيها ريم

قالت له لميس السالفه وضحك

فيصل:هههههههههههه تستاهل ماجاها ماحد قالها ترفع ضغط رغد عاد رغد كل شئ ولا ذالحكي تمووووت في مكانها

:فيصل

لفت لميس نظرها لرعد الواقف قريب منهم

فيصل:هلا

رعد بأمر :روح لمكتبي جيب الأوراق والعقود اللي في أدراجي بسرعه

قام فيصل:أوكيه

أخذ مفتاح المكتب من رعد وراح

رعد متعود يتأمر ع إخوانه في كل شى وفيصل وعادل يحترمونه بحكم إنه الكبير وله هيبته وإحترامه وهذا يقهر لميس لأنه مغرور ومتكبر

رعد بنبره حاره:أنا قلت إبعدي عن فيصل ماتفهمين

لميس حطت رجل ع رجل بغرور:ليه أبوي وإلا أخوي أقولك حاضر وتامر أمر

رعد باستفزاز:والله عاد إذا صاروا ماربوك ماعندي مانع

وقفت لميس بغضب:إحترم نفسك لا تغلط ع أهلي أنا سكت عنك كثير

ولفت ظهرها عنه تمشي بسرعه مقهوره منه ومن تقليل إحترامها لأبوها اللي يصير عمه وأخوها اللي ولدعمه وغير كذا عليها هي يقلل من أخلاقها وتربيتها

بس يده القويه حاوطة معصمها بقوه ولفهاله بغضب

شهقت وطالعت فيه بصدمه وهي تحاول تسحب يدها من إيده:إترررررركني

رعد بصوت كله غضب:لما أحاكيك ماتعطيني ظهرك وترفعين صوتك سامعه

رفعت نظرها له بتحدي ممزوج بقهر:من تكون علشان تامر علي وإلا تمد يدك وتلمسني فك يدي

رفع حاجبه باحتقار وع وجهه إبتسامة سخريه: لا ا ا ا ا الأخت شريفه وطاهره ماتبغى أحد يلمسها

لميس صرخت فيه وهي تسحب يدها:إترررررركنييي يا نذذذذل

ومشت بسرعه عنه وهي تقاوم دموعها
*******************

دخلت عليهم أم رعد في الغرفه:ريم

ريم فزت واقفه من سدحتها:أيوه

أم رعد:عندنا ضيوف اليوم اجهزي أبغاك في البيت

ريم باستغراب:مين

أم رعد :أم بسام صاحب أخوكي أول مره تزورنا لا تطلعين من البيت

ريم فتحت فمها بعدم إستيعاب:ها

أم رعد:لا تنسين

ريم ساكته ولاردت مو مستوعبه

لميس طالعت ريم لقتها مبلمه وخافت خالتها تشك بشئ قالت بسرعه:إن شاءالله خالتي
طالعتها وصدت طالعه برى الغرفه

لميس نغزت ريم بكتفها بقوه:ريمو و و و و و و و و و ه

ريم وعيونها ع الباب:سمعتي اللي قالته أمي

لميس:سمعتها،وفضحتينا ليش مارديتي ع امك

ريم:مادري إنربط لساني لما قالت أمي بيجون

لميس بلا اهتمام وهي تجلس تمشط شعرها:طيب وإذا جوا

ريم لفت عليها بحماس:تهقين بيخطبون

جمدت إيد لميس ع شعرها تطالع صورة ريم المعكوسه في المرايه للحظه ثم انفجرت تضحك:هههههههههههههههههههههه
خبله إنتي لايروح فكرك بعيد

ريم بخيبه:أنا أقول يمكن

المغرب تجهزوا البنات

لميس لبست فستان ناعم لونه أحمر وحطت مكياج هادي وشعرها فكته مسيحته ع أكتافها ولابسه شريطه حمرا ساتان

ريم لبست فستان ممزوج ألوان زاهيه وفكت شعرها ولففته وحطت مكياج ناعم

لميس بابتسامه:الله كل هالحلا علشان أم بسام

ريم تحرك شعرها باستهبال:أكيد هذي خالتي أم زوجي لازم
أكشخ لها

لميس:هههههههه لابعد زوجتي نفسك لولدها

ريم تغمز:إن شاءالله

نزلوا تحت البنات ولما وصلوا للمجلس وقفت ريم فجأه ولفت ع لميس وهمست:شكلي حلو

لميس ابتسمت:أيوه حلو يالله ندخل

ضحكت لميس لماشافت ريم تاخذ نفس وتعدل وقفتها كأنها بتدخل ع خطيبها مو حريم

دخلوا :السلام عليكم

شافوا وحده كبر أم رعد تقريبا ومعاها ثلاث بنات

:وعليكم السلام

سلموا وجلسوا جنب بعض

أم رعد عرفتها عليهم :هذي بنتي ريم وهذي لميس بنت عمهم

أم بسام ونظراتها تتأمل لميس:ماشاء الله الله يحفظهم

سولفوا شوي وقاموا البنات يجلسون في المجلس الثاني

عند البنات

يسولفون مع بعضهم وكأنهم يعرفونهم من زمان كانوا مرره حبوبين ويدخلون القلب بسرعه

لميس لاحظت إن البندري(بعمرهم) تتأمل ريم وتبتسم ونظراتها غريبه

بشرى( سنوات) ببرائه تطالع
ريم: بندري هذي اللي يحكي عنها بسام

ريم وكأن مويه با ا ا ارده انكبت عليها تطالع بشرى بصدمه

البندري خزت بشرى بنظرات سكتتها

لميس بتسحب الحكي من بشرى :بسام

بشرى تحمست:أيوه بسام شافها وقالنا إن.....

البندري:بشرى

ريم منحرجه مررره ووجهها أحمر من الفشيله"ياويلي قايلهم.لايكون قالهم بعد إيش لابسه يا ا ا ا ا ا ا افشلتييييي"

البندري شافت وجه ريم الأحمر وضحكت:سوري ريم ..بس أخوي شافك مره بالغلط ...و.. وإحنا بغينا نشوفك ونتعرف عليكي

بشرى لسانها مفلوت:يقول حلوه مرررره

البندري خزتها:بشرى روحي العبي برى في الحديقه

طلعت بشرى مبوزه

وريم تمنت تدخل جوه الكنبه وتختفي من المكان من الإحراج
لميس:ههههههههه

البندري تطالع ريم وتبتسم: بصراحه أخوي صادق إنتي تهبلين وعسل

ريم ساكته باحراج أول مره تنحط في الموقف هذا ومن مين من إخت فارس أحلامها

دخلت رغد وانقذتها من الموقف

ومر الوقت سوالف بينهم وريم أختفى الإحراج منها وسولفت مع البندري وأخذت عليها

دق جوال البندري قطع عليم سوالفهم شافت المتصل وردت وهي تبتسم و تطالع ريم:يا ا اهلا.....تمام...هههههه مو وقته ....أيوه خلاص.....أوكيه باي
سكرت جوالها :هذا بسام ينتظرنا برى

ريم خفق قلبها بقوه ووجهها احمر من نظرات البندري:خلا ا ا ا ا ا ا ا ا ا ا ا اص

ضحكت البندري والبنات وودعوا بعض وطلعوا

ريم مسترخيه ع الكنبه بفستانها وحاطه إيدها ع فمها تتثاوب:أبغى أنا ا ا ا ا ام

لميس تطالع ساعة يدها الألماس الناعمه: بدري لسى

ريم قامت:لا دايخه أبغى أنام(مدت يدها للميس)قومي

قاموا وطلعوا من الصاله ع دخلت الشباب :السلام عليكم

:وعليكم السلام

فيصل:وشرايكم في خوات بسام

لميس لاحظت نظرات العيون العسليه الناعسه وطنشتها

ريم بحماس:يووووووووه حبوبات مره ويدخلون القلب

فيصل يطالع لميس:وإنتي لميس وشرايك

إبتسمت:أيوه ماشاءالله كيوت

رعد بنغزه:وأكيد عاقلات ومتربيات زين

لميس فهمت نغزته وانقهرت منه ناظرته ببروووود وصدت عنه:ريم يالله مو تقولين بنام

عادل:لا أسهروا معي

ريم :فاضيين لك إحنا .نايم النهار كله وشبعان

عادل فتح عيونه بصدمه:بسم الله أكلتيني روحي نامي نامت عليك طوفه

ضحكت لميس وريم ضربت كتفها:وتضحكين بعد.يالله إمشي قدامي

تحركت لميس معاها وهي ماسكه ضحكتها وعادل يقول باستنكار:خير لايكون خدامه عندك وإلا بنتك(يقلد صوتها)يالله إمشي قدامي

ريم :وإنت وش دخلك

فيصل بطفش:أقول تراكم صدعتوا روسنا اسكتوا وكل واحد ع غرفته

وطلع الدرج مع رعد

وعادل دف ريم من كتفها:روحي نامي جعلي أصحى بكره علشان أشيل الطوفه عنك

وانحاش يركض ع الدرج

لما صرخت ريم:عدووووووووووووووووووووول

*************

 

[تہؤُلَيہبہ]

رد: رواية جرحني وصار معشوقي للكاتبه رسمتك حلم ..كامله

كانت جالسه في الصاله لمادق جوالها

لميس:hello

هند:هلا لموس.كيفك؟

لميس:تمام وإنتي

هند:.cool‏ إسمعي اليوم لازم تجين عندنا مع ريم

ريم عقدت حواجبها بتساؤل:whay

هند:بيجون عندي بنات عمي ويبغون يقابلونك ولازم تجين
إنتي واعدتني إنك تزوريني

لميس إبتسمت:إن شاءالله.محاضره

هند ضحكت:هههههه إيش أسوي ماينفع معاك إلا كذا

لميس:أوكي بقول لريم واردلك

سكرت منها ع سؤال ريم:مين

عادل طرف عينه:يالقفك

ريم بنفس النظره:وإنت وش لقفك إنطم بس

عادل بلعانه:إنتي اللي إنطمي

ريم بتأفف:أفف بزر

عادل:وإنتي عجوز

ريم فتحت فمها بترد عليه بس
لميس قاطعتها بطفش:خلا ا ا ا اص عاد أعوذ بالله توم وجيري

ريم :مين كنتي تكلمين

لميس:هند وعازمتنا اليوم

رنا باشمئزاز:يييع لايكون القرويه

لميس باستخفاف:أيوه القرويه عندك مانع

رنا بسخريه:ووع كيف مصاحبتها صدق قالوا الطيور ع أشكالها تقع

عادل بنرفزه:رنا إبلعي لسانك واسكتي

رنا طالعته بقرف:مابقى إلا البزران تسكتني علشان هذي(تأشر ع لميس بقرف)

مشت طالعه من الصاله وهي تقول بغرور:وحده زباله سمعتها ع كل لسان

إنصدمت لميس تطالع الباب اللي طلعت منه

ريم:ماعليك منها هذي تقول أي شئ علشانها مقهوره

لميس رمشت بعيونها بعدم تصديق"إيش قصدها أنا سمعتي ع كل لسان...لا..لا هذي وحده حاقده ومقهوره وتقول أي شئ"

قامت ريم لماشافت لميس سرحانه وأكيد تفكر بكلام رنا
:يالله لميس علشان نجهز

قامت لميس معاها مقرره
تطنش كلام رنا
**************

ماسكه فستان أخضر وبنطلون وبلوزه ومحتاره:إيش رايك ألبس الفستان وإلا البنطلون

لميس:إممم لا إلبسي الفستان لأنك أول مره تروحي لهم

ريم رمت البنطلون والبلوزه ع السرير وهي تلف لغرفة التبديل:أوك

لبست فستان عشبي ناعم علاقي وعليه جاكيت قصير للصدر أبيض بتطريز ناعم بلون الفستان وحطت لمسات ميك أب ناعم وانثرت شعرها الكستنائي بأريحيه ع أكتافها

أخذت عبايتها وطلعت من غرفتها مرت ريم ونزلوا تحت بعد ماكلمت ريم السواق يقرب السياره من المدخل
**********

جالسين في المجلس بعد ماعرفتهم هند ع بنات عمها

كانوا ثنتين مره عسولات بشاير وميساء بس وحده خجوله والثانيه جريئه وحركاتها تشبه حركات هند وبينهم مناوشات ماتخلص

دخلت هند معها كتاب ومدته للميس:هذا الكتاب اللي تبغيه

أخذته لميس وفتحته :وا ا ا او حامد زيد

ميساء تحاكي لميس:تحبي الشعر

لميس:أيوه

بشاير تغمز لها:أجل إنتي رومانسيه

لميس ضحكت:مو شرط

بشايرباصرار:لا أكيد رومانسيه
دامك تحبي الشعر

ريم:بنت عمي تحب الشعر وشكلها مرررره نعوم بس تشوفينها تقولين الرومانسيه من هنا وهي من هنا (تقصد أمل)

ضحكت لميس:هههههه حرام عليك أمول عسل

ميساء تحمست:شكلها وناسه ليه ماجبتوها معاكم

ريم:مره ثانيه إن شاءالله

هند تحاكي لميس:ها لميس بتاخذينه

لميس تفتح شنطتها:أكيد باخذه
ودخلته داخل الشنطه

إنبسطوا كثير في زيارتهم وناسه ورقص وسوالف يعني فلللللللللله وونا ا ا اسه

بعد العشى وصل السواق عندالباب والبنات طلعوا في الصاله عند المدخل يلبسوا عباياتهم

لمحت لميس شاب من المرايه اللي كانت قدام باب المدخل وتعكس اللي عندالباب للي برى

وواضح إنه كان بيدخل بس شافها كان يطالعها بذهول

رجعت ع ورى بسرعه وداست رجل ريم اللي كانت وراها
ريم دفتهاعنها كردة فعل:ا ا ا اه شفيك

لميس بربكه تأشر ع الباب:فيه أحد برى

هند مستغربه:والله

مشت للباب وطلت منه شافت باب الشارع مفتوح

هند لفت للبنات:معقوله بدر رجع

لميس إنحرررجت لأن بدر شافها
وتفشششلت

طلعوا في الشارع ولمحت من طرف عينها شاب في سيارة سودا ورى سيارة السواق وعرفت إنه بدر
ركبت بسرعه بعد مافتح لها السايق الباب

 

[تہؤُلَيہبہ]

رد: رواية جرحني وصار معشوقي للكاتبه رسمتك حلم ..كامله

العصر

صحت من النوم مصدددددعه لأنهامانامت زين كانت سهرانه ونامت الفجر

دخلت الحمام وأخذت شور سريع تتنشط فيه طلعت لابسه روبها الوردي ولافه المنشفه ع شعرها

وقفت قدام المرايه وشالت المنشفه عن شعرها وإنتثر ع أكتافها حركت شعرها يمين ويسار بدلع وهي تبتسم

تحس بنشاط بعد الشور والصداع خف
مشطت شعرها وراحت لدولابها فتحت ودارت بنظرها ع ملابسها محتاره إيش تلبس
تذكرت إن أمل بتجي عندهم

طلعت لها تنوره مكسره كسرات خفيفه سودا ميدي
وبلوزه بيضاء نص كم عليها جاليه بألوان متداخله وخلت شعرها بطبيعته حطت كحل خفيف وقلوس
لبست صندل واطي

وطلعت مرت ع غرفة ريم ماحصلتها

نزلت تحت في الصاله شافتها منسدحه ع الكنبه قدام ال تي في ومعاها الريموت وتقلب في القنوات

لميس:ريم

ريم وعيونه ع ال تي في:هممممم

سحبت منها الريموت:قومي غيري بيجامتك أمول بتجي اللحين

قامت ريم تأفف لأن باين مالهاخلق شئ

جلست لميس مكانها تقلب في القنوات بطفش

سمعت ضحكه والتفت شافت رعد داخل والجوال في إيده يكلم ويضحك ولماشافها إختفت إبتسامته وسكر الجوال
وجلس ع كنبه مفرده

كان ودها تقوم بس غيرت رايها وقررت تنطشه وركزت نظراتها ع ال تي في

تحس بنظراته وتوترت وصارت تهز برجلها بدون ماتحس

سمعت صوته الغاضب:إذا مو طايقه الجلسه قومي لاتنكسر رجلك

سفهته ولا ردت عليه ولاحتى بنظره وزادت هز رجلها عناد فيه وتأففت

سمعته بعصبيه:هي إنتي تراك مصختيها قومي إنقلعي برى

ناظرته باحتقار:إذا موعاجبك إطلع ماحد حالف عليك تجلس

قال بعصبيه:شكلك ناسيه نفسك
هذا بيتي ياحلوه أنا أجلس وإنتي تطلعين إذا ناسيه إنتي هنا إيش وإلا حابه أذكرك

جرحها حكيه وطريقته وهويأشر عليهابقرف وإحتقار كأنها حشره قدامه وإلا جالسه ع قلبه هذا بيته موبيتها وهي الغريبه بينهم أهان كرامتها للمره ألف وللأسف غبيه عطته وجه لين أهانها

قامت من مكانه وحابسه دموعها ومشت بانكسار مع إنهاتحاول ماتوضح له إنها تأثرت
بس غصب عنها وضح عليها لأنها ماردت عليه ولا طالعته
ماتبيه يشوف دموعها وينبسط
طلعت وسمعته يتنهد

"لهدرجه أنا كابته عليه واكيد ع البيت كله"

شافت ريم نازله تبتسم لها إبتسمت لها وهي تحس ريم غير إختهاللي ماجابتهاأمها......

 

[تہؤُلَيہبہ]

رد: رواية جرحني وصار معشوقي للكاتبه رسمتك حلم ..كامله

ريم تدور حول نفسها:إيش را ا ايك

لميس تبتسم:تهبلين

طلع من الصاله وشهقت ريم لماشافته:رعد متى جيت

ضربها ع راسها بخفه:كم مره قلت لك لا تشاهقي

لميس بدون ماتناظره:ريم بطلع للحديقه

جلست ع الكراسي قدام النافوره وطلعت جوالها وفتحت الصور

بلعت غصتها لماشافت صورته
كان لابس شورت وبلوزه كت ويبتسم إبتسامته الجذابه لها واقف عند البحر كانت هي اللي مصورته

غرقت عيونهابالدموع"ا ا ا اه رامي وينك أنامن غيرك ضايعه
عايشه في بيت غريبه فيه .كله كره وحقد وحب من طرف واحد متخبطه بينهم بعد ماكنت عايشه في بيت كله حب وحنان
ا ا ا ا اه را ا ا امي وينك "

حطت إيدها ع فمها تمنع شهقتها ودموعها تنزل ع خدها بحراره

سندت إيدها ع الطاوله وراسها عليها وإنتثرشعرها حول وجهها وعيونها الدامعه مافارقت وجهه

مسحت دموعها بكفها ورفعت راسها لماسمعت خطوات
شافته يطالعها ثم لف متجه لمواقف السيارات ورافع جواله لإذنه

جلست ريم قدامها:إيش فيك

إبتسمت غصب:مافيني شئ

سحبت منها الجوال:أشوف إيش تطالعين

إختفت إبتسامتهالماشافت الصوره ورفعت راسها تطالعها

إبتسمت لميس بضعف ودموع مغرقه عيونها:إشتقت له

شهقت وغطت فمها تمنع شهقاتها ودموعها الحاره تنزل ع خدها

قامت ريم وجلست جنبها تحضنها:لميس حياتي إهدي

ضمتها لميس وإيدها تشد ع بلوزة ريم تبكي بحرقه وتشهق بألم تحس قلبها ينعصر بألم
إشتاقت له إشتاقت لحضنه لضحكته لإبتسامته لحكيه لإيده تمسح ع شعرها بحنان
ماهي قادره تطفي نار شوقها بشوفته

ريم تقطع قلبها ع لميس تحاول ماتبكي علشان ماتزيدها:خلاص لموس ياقلبي إدعيله

بعدتهاعنها وهي تمسح دموعها وتهديها:حبيبتي إهدي خلاص
قومي غسلي وجهك اللحين توصل أمل مابغيهاتشوفك كذا(كملت بمزح تلطف الجو)عاد لماتشوفك تهج وماعاد ترجع.عاد مشكله ماأصبرع لجتها

إبتسمت لميس وقامت تغسل وجهها ورجعت

شافوا أمل تمشي لهم محتاسه إيدها ماسكه أكياس وتصارخ:ميري

رمت الأكياس ع الطاوله معصبه:وين الخدم وش كثرهم ولا فيه أحد يجي ياخذ الأكياس مني والسواق لابارك الله فيه وصلني وهرب

كتموا ضحكتهم وهم يشوفوا ميري ووحده من الخدم جايين يركضوا:‎ yes miss

ريم بطنازه وإيدها ع خصرها:لا كان ماجيتوا تعبتوا نفسكم بصراحه

ريم وصوتها فيه الضحكه:‎It's ok you can go

ريم تفسخ عبايتها:لا وش قو خذي عبايتي

لميس تطالع الأكياس:إيش جايبه معك

أمل تبتسم:جايبه حلى ياحلو

ضحكوا ودخلوا داخل
***********

طلع من الحمام بعد ماأخذ شور وهو يجفف شعره بالمنشفه ولاف منشفه ع خصره

شاف شاشة جواله يولع نورها كان ناسيه ع الصامت

رفعه وعض ع شفته لما شاف المتصل يدري إنه معصب عليه
ورد:هلا

جاله صوته معصب:لا ا ا ا ا لسى كان نمت بعد إنت ووجهك

إبتسم بحرج:سوري بسام والله ناسيه عالصامت

بسام معصب:وإن شاءالله بعد لسى ماجهزت ترى والله ذابحك ذابحك يافيصلوه

فيصل بضحكه:لا قايم اللحين نازل إنت وينك اللحين

بسام:وين يعني في البيت أنتظر حضرتك مو تقول بمر عليك

رمى المنشفه من إيده ع السرير:لا خلاص دقايق وأكون عندك

سكر منه ودق ع رقم:ألو سامر جهز سيارتي بسرعه

لبس بسرعه بنطلون جينز وتي شيرت برتقالي
وأخذ أغراضه ونزل

سمع أصوات عندالمجلس ونادى ع ريم
سمعها تناديه ودخل إبتسم وهو يسلم لماعرف أمل
:كيفك أمل

أمل:تمام وإنت

إبتسم :أكيد تمام

خفق قلبها من إبتسامته اللي دوختها

إنحنى ياخذ من الحلى وأكلها:مين جايبه شكله بيتي

ريم:أمول

فيصل رفع جاجبه:أمل غريبه جايبه حلى وش صار بالدنيا

أمل بقهر:إذا مو عاجبك لاتاكل منه

فيصل عجبه الوضع:بصراحه طعمه مر

أمل عصبت:أحسن لا يعجبك مو مهم رايك

ريم:فيصل شرايك تطلع

فيصل:أصلا انا طالع

أخذمن الحلى وطلع وهو يضحك

أمل شالت الغطا عنها:أففففف
أخوك يرفع الضغط

ريم تاكل من الحلى بلا مبالاه:طنشيه

دخلت بغرور وسلمت ع رنا
جلست وحطت رجل ع رجل:إنتي هنا (وطالعة لميس بطرف عينها)والغريب يعرف وأنا اخرمن يعلم

ريم بقهر تشد ع حكيها:مافيه غريب إلا الشيطان وبعدين ماحد قالك إنطقي في غرفتك ولا تدري عن أحد

رفعت حاجبها بغرور وطنشت حكيها وهي تاخذ قطعه من الحلى وتاكلها وتوقف:وشكلي برجع لها أحسن من مقابلتك إنتي واللي جنبك

رفعت حاجبها لميس لأنها عرفت إنها المقصوده وطنشتها
كانت مقرره تطنش رنا وحكيها ولاتعطيها أهميه لانهافي نظرها بياعة حكي

طلعت ريم ورى رنا ناوية عليها

وقفت أمل بمرح:يالله نطلع

لميس :Wher ‎

مسكت يدها تقومها:نطلع للمجالس اللي برى نفسي أجلس فيها دايما مستحلينها الشباب (غمزت لها)فرصه مافيه أحد

قامت معها لميس ونادوا ع الخدم يشيلوا الأكل ويقولوا لريم إنهم في المجالس

طلعوا لها بس خاب أملهم لماشافوهامقفله

أمل بقهر:أففففف مقفلينها قهر أبغى أجلس فيها

لميس بضحكه:وإنتي ليه تبغيها
تعالي بس للحديقه عند المسبح أونس

راحت معها مقهوره أمنيتها تدخلها تبغى تشوف إيش عاجبهم فيها الشباب دايما يجتمعوا فيها

دخل يصفر برواقه حامل بإيده كتاب يلعب فيه:لمو و وس

طلعت له ريم:خير إيش عندك

طالعها بابتسامه:وين ميسو

عقدت حواجبها باستغراب:مين ميسو

ضحك:مين يعني لموس

ريم تخصرت:وتدلع بعد.إيش تبغى فيها

رفع الكتاب في وجهها:علشان هذا طالبته مني

مدت إيدها له:عطني بعطيها لها هي عند أمل

عطاها لها:أوك

مشى بيطلع ووقفته:عادل

لف يطالعها:هلا

قربت منه:بتطلع

عادل:لا برقص وش شايفتني

ضحكت:ههههه طيب ب..

قطع كلامها فيصل وهو يدخل :السلام

ريم رفعت حاجبها:أمداك تطلع
شرط ماأمداك تطلع من الحي إلا وأنت راجع

ضربها ع جبهتها:وإنتي دايم لسانك طويل

حطت إيدها ع جبتها:أحححح وجع يالم

عادل بتريقه وهو طالع:يا رقيقه

طلعت برى تقلب في الكتاب متجهة للمجالس

فتحت الباب وشهقت لما صدمت في شئ وطاحت ع الأرض

رفعت راسها بعصبيه:وووجع ماتش........

*************

 

[تہؤُلَيہبہ]

رد: رواية جرحني وصار معشوقي للكاتبه رسمتك حلم ..كامله

في د.كيف

جالس ع الكرسي ورافع نظارته(ارماني) ع شعره ويحرك السكر في كوبه بسرحان

إنتبه ع صوت أعزأصحابه: وين وصلت

رفع راسه وإبتسم: للحين ماوصلت لشئ

ضحك يطالع كوبه:ع فكره ترى ذاب السكر

ضحك يشيل الملعقه عن الكوب:ياخي لاتدقق

تنهد بضحكة:ياخي طفشت جايبني هنا علشان تراقب الكوب وتسرح

ضحك:هههههه إيش أسوي إذا إنت أعز أصحابي ولازم أشوفك كل يوم لو ساكت

إبتسم بغرور:يحق لك مو أنا سعود بن فهدال.....لازم أكون أعزأصحابك

ضحك وهو يرفع الكوب لفمه يشرب ويطالعه بطرف عينه

سعود:المهم مارح تروح للشركه

طالع ساعته :إلا دقايق ورايح
عندي إجتماع بعد ساعه
بعدين تعال إنت متى إن شاءالله تجي تشتغل معاي في الشركه

سعود بضحكة:لا ا ا الله يعافيك خلني كذا مرتاح

طالعة بتريقه:ياخي ماتلاحظ إني قاعد أطر منك

سعود ضحك:ياحبيبي شغلكم متعب مره وأنا مافيني ع التعب الزايد

قطع حكيهم صوت الجوال ورفعه:هلا محمد......أوك إسمع أبغى كل شئ جاهز أنا خلال نص ساعه بكون في الشركه والعقود كلها ع مكتبي.....إتصل في شركة (.......)وحدد معاهم موعد أبغاه خلال يومين فاهم

بعد ماسكر منه
سعود:أقول رعد شكلك ناوي ع سفره

رعد تنهد:أيوه تخاويني تراها ع لندن

سعود بضحكة:والله ياليت بس
عندي مشاغل

قام رعد وأخذ جوالة:يالله أنا ماشي

قام معاه سعود وطلعوا

************

في أحد الأحياء الراقيه بالتحديد في أحد القصور اللي تدل ع رفاهية أصحابها

في أحد الغرف الواسعه بأثاثها الفخم اللي يسودها الظلا ام

كانت جالسه في ركن غرفتها ع الأرض ضامه رجولها لصدرها
وتبكي بألم

كانت دموعهاماتوقف واللي كانت المفروض إنها ماتنزل لأي سبب وخصوصا في هالقصر
اللي يدل ع أن أصحابه في قمة السعاده والراحه اللي يفتقر لها الان

ع العكس كان يسوده الحقد والكره ،العذاب،الألم،،،

والضحيه هي

رفعت راسها تمسح دموعها بإيدها الصغيره بارتجاف
لماسمعت صوت الباب ينفتح والنور ينتشر في الغرفه

ضمت نفسها لماشافت إختها تطالعها بحقد وكره واقفه عند الباب بأناقتها المعتاده ع عكسها تماما اللي كانت ماتعرف عن الأناقه والموضه إلا إسمها

: إنتي للحين جالسه هنا ياحر ا ا م

قربت منها ولصقت جسمها في الجدار بخوف

انحنت ومسكتها من كتفها بقوه ووقفتها

وبحقد وتوعد تناظرها من فوق للتحت بقميصها الأبيض بنقط حمرا بأكمامها الطويله:شوفي إنتي يالنتفه هذا درسك لك علشان تحرمي تتحديني أو تجسسي علي وإن فتحتي فمك بكلمه سامعه بكلمه وحده
راح تتمني إنك ماإتولدتي وإسمك النجس هذا ينضم لإسمي

رمت جسمها الصغير والنحيل ع الأرض بقوه وطلعت

حطت إيدها ع فمها تكتم شهقتها وغمضت عيونها وجسمها يرتجف

قامت بسرعه للباب وقفلته

رمت جسمها ع السريرالواسع وأطلقت العنان لدموعها بلا توقف

**************

شهقت بصدمة والدم تجمد بعروقها وهي تشوفه واقف قدامها يطالعها بدهشه

نزل لمستواها ورفع الكتاب عن الأرض ومده لها بابتسامه تدوخ
:سوري مانتبهت

بغى يغمى عليها مدت إيدها وسحبت الكتاب وقامت بسرعه تركض ووجهها يحترق من الفشييييييله

طلعت عليها تركض وطاحت عندهم حاطه إيدها ع صدرها تلهث

طالعتها بدهشه:شفيك

رمت الكتاب عليها بعصبيه بعد ماستوعبت :خذي كتابك لا بارك الله فيه

أخذت الكتاب تطالعه عاقده حواجبها:من وين

حطت إيدها ع قلبها اللي تحس دقاته للحين تدق بقوه:هذا اللي هامك

طالعتها:ليه إيش فيك

حمر وجههابفشيله وإيدها ع قلبها:يو و و ه صدمت فيه عند الجلسات

عقدت حواجبها:من

نزلت راسها بإحراج:ب...بسام

شهقت:NO Way.إيش خلاكي تروحي هناك

ريم بعصبيه:مو إنتو بتروحوا هناك

أمل بحيره:ترى مو فاهمه شئ

ريم تذكرت وجود أمل وزاد إحراجها

لميس بضحكه:هذا حبيب القلب

رفعت راسها ريم بقهر:جب

أمل :لا ا ا ا ا ا ا ا ا ا السالفه كبيره يالله أشوف غردوا

لميس قالت لها قل شئ وأمل ميته ضحك ع ريم مومصدقه هذا يطلع منها

ريم ساكته مقهوره من ضحكهم

لميس لماشافت شكلها غيرت الموضوع:من وين لك الكتاب

ريم:من عادل

لميس بابتسامه:ياحبيله مانسى

أمل باستنكار:وشو ياحبيله

لميس ضحكت:ههههه لاتفهمي غلط تراه مثل إخوي

أمل:أشوه بعد عاشقه وحده والله يعينا عليها بعد ثنتين

رمتها ريم بشنطتها:و و و و و جع

************
.
,
,
,
,
,
,
,
,
,
,
,
,
,.

إخترقت الصاله ركض وعيونها مركزه ع التلفون اللي يرن هذي عادتهم من هم صغار من يسمعوا صوته يتسابقوا له مع إنهم كبروا ع هالحركه بس يحسوا بمتعه فيها

رفعت السماعه:الو

غمضت عيونها بتكشيرة قرف وهي تسمع صوته اللي تكرهه:هلا ريامي

ردت ببرود:نعم

سمعته بثقة:أكيد عرفتيني

كشرت بعناد:لا ا

رد بخيبه:افا أنا عبدالله....كيفك

ببرود:تمام......

عبدالله:.....أناتمام الحمدلله

"يا ا اكرهك":سوري إيش بغيت

عبدالله:عادل موجود

ريم:أيوه بس نايم

عبدالله:طيب صحيه بسرعه وخليه يرد ع جواله أبغاه ضروري

"ويتأمر بعد خلاص مو قلت لك نايم خلاص أفففففف ماتفهم":أوكيه

سكرت منه وهي تكش بإيدها ع التلفون بقرف

شافتها لميس داخله للصاله وضحكت: هههههههه شفيك إنهبلتي

كشرت بضيق:أيوه بنهبل من هالعبدالله أففف مايسمع أقوله عادل نايم يقول صحيه و و وجع

لميس بضحكه:طيب روحي صحيه بسرعه

ريم بقهر:لا ا ا ا ا ا ا ا اوالله ينثبر والله ماأصحيه خليه يدق لين يقول بس

ضحكت لميس وسحبتها ريم معاها طالعه من الصاله

وقفوا وهم يشهقوا بفرحه لما شافوه واقف قدامهم ركضوا له وضموه

إبتسم يضمهم:هلا والله في بناتي الحلوات

سلموا عليه باسوا راسه وإيده:الحمد لله ع السلامه

لف إيديه حولين أكتافهم ومشاهم معاه للصاله وجلسهم جنبه:كيفكم

لميس وريم:الحمد لله تمام

التفت للميس:كيفك لميس إن شاءالله مرتاحه عجبتك غرفتك وإلا أغيرها لك

لميس بحب وإمتنان باست راسه:مشكور ياعمي ماتقصر الله يطول في عمرك

دخلت بفرحه ركض وضمته:يبه متي جيت

ضحك:قبل شوي

رنا بزعل:ليش ماقلتي لي(ناظرت لميس بحقد)وإلا من شاف أحبابه نسى أصحابه

أبورعد:افا إنتي رنو بنتي

رنا بزعل:أيوه زين إنك متذكر إني بنتك من جات عندنا لميس وإنت ناسيني كنها هي بنتك موأنا

سكتت لميس ونزلت راسها

أبورعد:كلكم بناتي

رنا كانت بتتكلم بس سكتها ابوها لماقام:أنا بروح ارتاح اللحين أمكم موجوده

ريم:أيوه فوق بغرفتها

طلع من الصاله ووراه رنا بعد ما رمت لميس بنظرات كره وحقد

**************

 

[تہؤُلَيہبہ]

رد: رواية جرحني وصار معشوقي للكاتبه رسمتك حلم ..كامله

ضحك وهو يدخل أصابعه تتخل شعره الأسود الكثيف الواصل لنهاية رقبته وهو يسمع صوتها الناعم تعاتبه لإنقطاعه عنها بالإمس:خلاص ياقلبي أنا قلتك إني إنشغلت شوي تعرفين هذي اخر سنه لي في الجامعه ولازم أشد حيلي

سمعها تعاتبه:ولو المفروض ماتنساني ولو حتى بمسج بس إنت شكلك ماهتميت

ضحك وهو يمدد رجوله ع السرير :ولو حياتي كيف ماهتميت إنتي حبيبتي
خلاص عمري أوعدك ما تنعاد
خلاص فروحه

فرح إبتسمت لماسمعته يتغزل فيها بدلع:توعدني

إبتسم لماعرف إنها رضت عنه:أوعدك ياروحي

قطع كلامه دخولها المفاجئ لغرفته كالعاده بدون إستئذان:رووودي

أشر لهاتطلع بسرعه بس عاندت وجلست ع الكنبه بعناد
وحطت رجل ع رجل

إنقهر وحاكى فرح:أوك أحاكيك بكره أوكيه باي

سكر جواله ونزل من سريره متجه لها بعصبيه:أمل أنا كم مره قلتلك لا تدخلين كذا فجأه إستئذني قبل

ردت بلا مبالاه:نسيت

جلس عندها:خير إيش بغيتي

عدلت جلستها بطفش:مليت طفشت بس جالسه لوحدي ساره ماكله كتبها كن مافيه أحد يدرس في الجامعه غيرها أنا ماأدري مين لعب عليها وقال لها تدرس صيفي وإنت ياإما طالع أو بغرفتك

تأفف:طيب وش أسوي لك يعني

قالت بحماس:نطلع ونتمشى

ناظرساعته:قولي لخالد

هزت راسها بنفي وهي تستضعف:خالد بالشركه..رائد تكفى الله يخليك

سكت شوي بعدين قال:أوك ساعه بس

ماأمداه يكمل إلا أمل منطلقه لغرفتها أخذت عباتها ونزلت تنتظره تحت

شافت ياسر جالس يلعب بلاي ستيشن

طالعها باستغراب:وين رايحه

جاوبته تلبس عبايتها:بطلع مع رودي

ترك اللي في إيده وقام ركض لفوق بحماس:بر و و و و و و وح معاكم
************
في نفس القصر الكئيب وتحديدا
في نفس الغرفه المظلمه

والهدوء يطغى ع الغرفه لأنه ببساطه مافيها مايصدر صوت

هذي حالتها من كانت صغير
وحده في وحده
هدوووووء في هدووووووء

من أكتشف أبوها وجودها وأخذها من أمها بدون رحمه أو بالأصح أمها اللي ماهتمت أبدا وكأنهاتبغى الفكه منها

مع إن ابوها أنكر إنها بنته بشده
لكن أمها هددته إنهابتفضحه في الديره كلها

أبوها خاف ع سمعته خصوصا إنه من الهوامير اللي له سمعه كبيره وخاف تلطخ سمعته

أخذها ورماها ع الخدم ولا سأل فيها كأنها نكره مو موجوده أبدا

كبرت ع إيدهم بس ماكانوا حنونين عليها بلعكس كانوا قاسيين عليهابشده لأنهاببساطة مفروض عليهم

حتى إختها اللي أكبرمنها بثلاث سنوات كرهتها وحقدت عليها وكانت قاسيه عليهاوتضربها وماتخلي سبه ماتسبها فيها لدرجة إنهاحتى الدراسه منعوهامنها جابوا لها مدرسه أجنبيه تقوم بتعليمهابعدها إنقطعت عنها

حتى الشارع ممنوعه تطلع له من كان عمرهاسنتين ماطلعت برى القصر ولاتعرف شئ في الدنيا ببساطه كانت محبوسه خلف قضبان هالسجن

حتى عمتها الوحيده ماكانت أقل منهم قسوه لدرجة إنها ماعترفت فيها وتكره تشوفها أو تسمع شئ عنها

ماكانت عارفه سبب هالكره والتهميش وكان هذا العذاب في حد ذاته

كانت جالسه ع سريرها الواسع وضامه رجولها لصدرها وشعرها الطويل الفاحم شديد النعومه متناثر ع ظهرها بفوضى

عيونها السودا الواسعه برموشها الكثيفه تبعثر نظراتها في الغرفه بتوهان ولمحة الحزن فيها

كان الهدوء طاغي في الغرفه لأن ببساطه ماكان فيهامايصدر الصوت حتى التلفزيون محرومه منه

تنهدت بألم ونزلت رجولها الحافيه ع رخام الغرفه البارد
مشت للنافذه الكبيره وأبعدت الستاره عنها

طالعت في الحديقه وشهقت من اللي شافته.......

************

طالعت شكلها في المرايه الطويله المثبته ع الجدار

بفستانها النيلي الملتف بنعومه ع قوامها الرشيقه
وشعرها الكيرلي المنسدل ع أكتافها بدلع
ومكياجها الهادي الناعم اللي زادها جمال ورقه

لبست ساعتها الألماس وألقت نظره أخيره ع شكلها ولبست عبايتها ولفت طرحتها ع شعرها
أخذت شنطتها وجوالها وطلعت

قابلت ريم بفستانها الوردي في طريقها طالعه من غرفتها ونزلوا مع بعض

كانوا طالعين للحفلة رهف اللي انبسطت لماشافتهم

كانوا جالسين بجهه بعيد عن الحريم ويسولفوا

دخلت عليهم تمشي بغنج وظهرها كله مكشوف
رافعه شعرها الأسود بتسريحه


سميه تهمس للبنات بتريقه:شكلها غلطانه بدل ماتشتري فستان اشترت قميص نوم

البنات كتموا ضحكتهم و ضربتها سديم ع ظهرها ووجهها يحمر خجل:سميييييه

سميه حطت إيدها ع مكان الضربه:احححح وأناصادقه شوفي مابقى شئ ماطلعته

سكتوا البنات لماوقفت عندهم بدلع:هاي بنات كيفكم

رنا قامت لها:دلوووول

سلمت عليها وجلست جنبها

غطت سميه عيونها بشكل مضحك لماجلست رنا قدامها وحطت رجل ع رجل وإنكشف فخذها

البنات ضحكوا وسديم قرصتها ووجهها أحمر البنت هذي مره حيويه يبان ع وجهها إنفعالاتها

سميه كشرت ولفت ووجهها للبنات

أما دلال مانتبهت لهم تسولف مع رنا

ريم بقهر:اللي قاهرني إنها خطيبة أخوي و و و و وع ماتستاهله

إبتسمت لميس بسخريه"أحسن خليه يبتلش فيهاوبنشوف إذا بربيها أو لا"

دخلوا أعمامهم يسلمون ع رهف
وانقلبت وجيههم لماشافوا دلال اللي كانت حاطه الطرحه ع شعرها باهمال ومتلثمه والجسم طالع

واضطروا يطلعوا وهي ماكان هامها أحد أبدا رافعه خشمها بغرور

أم رعد بضيق:أقول أم عبدالله إيش فيها بنتك الله يهديها لابسه هالفستان

أم عبدالله بلا مبالاه:شفيه

أم رعد:مررره كاشف جسمها الله يهديها

أم عبدالله:عادي ماجلست مع رجال مع حريم والبنات هذا لبسهم هالأيام<<<عذر أقبح من ذنب

أم رعد ماردت عليها لأن قامت تسلم ع الحريم اللي دخلوا
وهي متضايقه

بعد العزيمه

دخلوا الشباب يسلموا
والبنات تغطوا

دلال مانزلت عينها عن رعد أبدا
اللي مو معاهم يسولف مع عمته وأمه بالرضاع أم ماجد

فيصل لمح أمل وعرفها إبتسم لها ولف يسولف معاهم

خفق قلبها من إبتسامته اللي ماعرفت إيش قصده منها أو إيش مناسبتها ظلت تطالع فيه وهو مانتبه لها

بعدها لفت لداليا اللي تسولف معاها

طلعوا الشباب وبقى رعد سلم عليهم ووعد أم ماجد إنه يزورها قريب لأنها ظلت تعاتبه ع إنقطاعه عنهم الأيام الفايته

مشى بيطلع وسمع صوتها تناديه بدلع لف وشافها تطالعه بابتسامة دلع

عقد حواجبه بضيق مكبوت من لبسها

دلال ماقدرت تمنع نفسها من إنها تلحقه وتخليه يشوفها كانت متوقعه إنه بيخق عندها

دلال بدلع:كيفك رعد

رعد:تمام وإنتي

دلال إبتسمت:تمام بشوفتك

لاحظت نظرات رعد المركزه خلفها مو لمها

عقدت حواجبها ولفت راسها تشوف إيش يطالع

عضت شفتها بقهر لما شافت لميس طالعه مع ريم

لفت وجهها له مقهوره وقالت بدلع مايع تلفت إنتباهه لها:رعد شرايك في لون شعري

ناظرها رعد مستغرب وش دخله في شعرها بس إبتسم مجامله:حلو

طار عقلها من إبتسامته مو مصدقه إنه يبتسم لها

بس إنقهرت لماسمعت صوت ريم وراها وأكيد لميس معاها

ريم:رعد

رفع عيونه لها:هلا والله

لميس متجاهلته باحتقار واقف معاها وهي متفسخه كذا

ريم ناظرت دلال باحتقار ممزوج بعصبيه:هي إنتي
إستحي ع وجهك واستري نفسك ترى رعد ولد عممك مو زوجك متفسخه كدا قدامه

دلال إنقلب وجهها وإنقهرت من ريم ودها تذبحها وتقطعها تكرهها مووت
لفت وراحت عنهم مقهوره

رعد كبح إبتسامته من أخته اللي ماهمها أحد ترمي الكلام وتدوسه

رنا بعصبيه لأنهاسمعت كلامها:هي إنتي ليه تحرجي دلال كذا
إنتي ما ا الك دخل فيها هي حره

ريم كشرت:والله عاد خليهاتحشم نفسها وإلا تضرب راسها بالطوفه

رنا :شوفي الله جنبك بعدين تكلمي

تركتهم تلحق دلال ولميس إنقهرت من رعد اللي ناظرها وهو رافع حاجبه

صدت عنه ببرود ورجعت للصاله

**************

 

[تہؤُلَيہبہ]

رد: رواية جرحني وصار معشوقي للكاتبه رسمتك حلم ..كامله

دلال مقهوره:الحماره ريم فشلتني عند أخوك الزففته

رنا:المهم إنك خلتيه يشوفك وتعجبيه

ردت بقهر:أي شافني أخوك مشغول يطالع الحقيره
وشكله ميت عليها

رنا:أصلا رعد شكله ماهمته مايطيقها لأنه دايم طقاق معاها

دلال تذكرت إبتسامة رعد لها وإبتسمت بخبث:أنا بخليه يمووووت فيني لأنه لي أنا بس

*************

كانت حاطه إيدها ع فمها بصدمه وفجأه حست بقرف وغثيان من اللي تشوفه قدامها

إختها جالسه بحضن ولد عمتها ريان بوضع مثير للإشمئزاز
وبالحديقه وماهمهم أحد ولاهامها أبوها يدخل للبيت ويشوفهم كذا

شهقت وهي تبعد عن الشباك لماشافت ريان رفع راسه للشباك وإبتسم لأنه شافها

ركضت للسرير وجلست وضمت لحافها بخوف وهلع خافت يقول لإختها تدفنها في مكانها

زاد رعبها لماتذكرت ضربها الهمجي لها لما شافتهم في المجلس مع بعض

غمضت عيونها بخوف وهي تحس بجسمها يالمها كل ماتذكرت ضربها لها ووحشيتها

سمعت باب غرفتها ينفتح غمضت عيونها بخوف وجسمها يرتجف

حست بخطوات إختها تقرب منها
غمضت عيونها بقوه منتظره إيد إختها تبدا بالضرب والسب

بس جمدت مكانها لما حست بإيد خشنه تتخل شعرها والإيد الثانيه تبعد اللحاف عنها

رفعت راسها بخوف وشهقت وهي تبعد إيده عنها بهلع وتبعد عنه

قرب منها وسحبها لصدره وأنفاسه القذره تلفح وجهها

ناظر جسمها بوقاحه:والله قمر وغزال بعد شويه عليك

حاولت تبعده عنها وكل خليه من جسمها ترتجف ولسانها صار ثقيل من الخوف وماقدرت تصرخ

طلع صوتها بصعوبه وإيدها الصغيره تدف صدره عنها:ب عد عن ي

ضحك وإيده تتلمس خدها الناعم:لا لا لا ترى كذا أزعل منك
تولين وإنتي تدرين إني مابي أزعل منك ياقمر خليك معاي كووول
علش....

دفته عنها وهي تصرخ فيه بصوت مرتجف:ري ان إتر ر كني الله يخل يك

مسكها من كتفها ورماها ع السرير بقوه

وعيونه مركزه ع جسمها بوقاحه

قرب منها بس تراجع بسرعه
لماسمع صوت مرام تناديه بدلع

طلع من الغرفه بسرعه قبل تشوفه
وراح لها

أما تولين ماقدرت تتحرك من مكانها
ترتجف برعب ووقلبها يرتجف
دموعها سالت ع خدها بلا توقف
كان شرفها بيضيع ع إيده
وحياتها كلها تتدمر نهائي زياده ع دمارها

سحبت نفسها سحب للباب وقفلته أكثر من قفل

إنهارت ع الأرض تبكي بقوه وصوتها يعلى

كانت مرعووووبه ومو مصدقه إنها فلتت من إيده

***************


في الكورنيش

كانوا جالسين قدام البحر ومبسوطين

أمل عجبتها هند مره وحبتها
لأن هند حبوبه وتنحب

شافوه من بعيد جاي لهم لابس بنطلون جينز فاتح وبلوزه بيضا نص كم

إبتسمت لميس والتفت لأمل اللي تطالع البحر بشرود

لميس تحرك إيدها بشكل دائري قدام وجهها:أمو و ول

انتبة لها:أيوه

همست لها:هذا رائد وصل

وقف قدامهم بابتسامه:السلام عليكم

قاموا واقفين:وعليكم السلام

رائد:كيفكم

:تمام وإنت

أمل:يالله رودي نمشي

رائد باستهبال:يالله أمولي

إبتسموا البنات وراحوا

هند دق جوالها وردت

بعد ماسكرت:هذا بدر جاي

بدر:السلام عليكم

همسوا:وعليكم السلام

بدر وعيونه ع لميس عرفها من عيونها الزرقا الذباحه:كيفكم

همسوا:تمام

بدر إبتسم والتفت لهند:سوري هنوده تأخرت عليك

ريم همست للميس وفيها الضحكه:شعندهم اليوم الشباب يدلعون في إخواتهم

مسكت لميس ضحكتها بس إختفت فجأه لما شافته جاي لهم وعيونه مضيقها بعصبيه .....