سوالف اهلنا ( الموروث من الشعر الشعبي )

[madness man]

رد: سوالف اهلنا ( الموروث من الشعر الشعبي )

طبت وطاب صباحك أخي
رضا

اذا شاءالله ساكون بالقرب

الله درر ماتنثر دائما

جميل اختيارك ياانيق

نبراس الطيب وبيدق الهدوء والطيبة

شاه

كل الهلا اختي

 

[madness man]

رد: سوالف اهلنا ( الموروث من الشعر الشعبي )

مساكم الله بالخير

اكو اسطورة عراقية عن الغرقى عندنا في الجنوب ،
تقول إن الغريق اذا اختفت جثته ولم يعثر عليها تجلس امه قبالة النهر
وتنادي عليه فتطفو الجثة....ا
الفكرة محزنة جدا ومؤلمة...
لكنها تعبر عن ايمان الناس بقوة الامومة.
حاولت البحث عن اصل هذه الاسطوره ومن اين جاءت
لم اجد غير قصة عبد الشط التي ترويها الامهات باسلوبهن المحبب
وتقول قصة عبد الشط مثلما ترويها الامهات ...
جان اكو فلاح اسمة محيسن
راح للشط ولگة فرخ اسيود (طفل صغير)يلعب بالشط
عرفة اعبيد الشط جابه وربطة يم المراح (مكان الابقار)مالت الحلال
اجت امة ادور علي مالگته
راحت ادور لما وصلت البيت محيسن ومحيسن يباوع بعيونه
اجت امه وفتحت الحبل المروبط بي اسم هذا العبد طممش
ضلت اتصيح يطممش يطمشش
صاح الطفل عليها طممش ابحضن خالة ايتطرش
راح محيسن منعها گالها مانطيج ابنج
گالتله اذا ماتنطينياه ماخلي واحد ماغرگة بشط
من شافهه مصرة اتغرگ الوادم هد اعبيد الشط وراح ويه امه للشط
ضلت تصيح

يمحسين خذيت ابني طممش
وبالك بعد يم شطي اتنطش

اتنطش يعني لاتستهين بية
گالها سؤال يم طممش
اذا واحد غرگان ونريدة يطلع من الماي شلون بطلع
گالتله خل تجي امه
وتوگف ع راگ الشط
وصيح ثلث مرات بأسم ابنها
كون اتصيح من يراعة گلبها
يمة افلان يمة
اذا صاحت راح يسمعها ويطفح لفوگ
وفعلاً مرة من المرات غرگ واحد وراح امحيسن لمة
وگالها صيحي ثلث مرات وصاحت وطلع ابنها
يگولون گلب الوالدة مربوط بگلب ابنها
وگلب الابن مربوط بسباح گلب امة
مايهون ع امة يسمعها ومايجاوبها
شوفو الام شگد حنينة حتى صدر الشط ينفتح من اتصيح يمة...
هذه القصه البسيطه التي نسمعها من الامهات
لاتعرف اصلها وحقيقتها لكن الموضوع في كثير من الاحيان يشكل حقيقيه
وهي ارتباط الام بابنها
للدرجه التي يسمع مناداتها له

ومن الاشعار التي تخص هذا الموضوع

متعجبة تلطم حيل غركَان ابنها .
.تسعة الخذت دنياي بجتني فنها .



كون امنصيح افلان يمة اگعد احذاي
شسوي حدر الماي گوم اطلع وياي

يمة الولد غرگان جيت وندهتة
والشط سبع فدوات يغدي الگذلتة

اعتقد اننا شعب يعيش على الاسطوره والجنوبيات عدهن ايمان بهذه الاسطورة
بشرط ان يكون في وقت الغروب وتفتح زيجها للسماء

 

[رمااد اانسان]

رد : سوالف اهلنا ( الموروث من الشعر الشعبي )

مشاركة رؤؤؤعه وفيها رسالة تظهر مدى آرتباط احساس الام بأحساس أبنها وبالعكس
بوركت اخي على الطرح القيم

 

[madness man]

رد: سوالف اهلنا ( الموروث من الشعر الشعبي )

عدنا

احميد وهو احد شباب الجنوب الي تعلق ببنت سلفهم
رغم الفارق الكبير بالعمر بينهم فهو اكبر منها بسنوات
لكن ماحلت بعينه اي بنت غير سعده وجان يراقبها من طرة الفجر وهي تطلع تترس ماي وتتفكد حلالهم
كانت ورده توها تفتحت للدنيا وصار كل املها ان شوفة احميد ونظراته الي اربكتها وخلتها ماتشوف طريجها ..
جانت عيون العواذل متربصه الهم ومادام الحال
لان راحت وحده من الجارات ونقلت لامها وكثرت شويه حذرتها من احميد
فماكان كدام الام الا ان تمنع سعده من طلعة البيت
وتحرض الاب على الموافقه على اول خاطب لبتهم ..
مانفع كل محاولاتها ودموعها بالرفض وحتى من اجى احميد جايب مشيه جبيره حتى يخطب
ماوافقو عليه لانه موافقتهم بالعرف الجنوبي تأكد انه بتهم بيها شي
تزوجت سعده وزفوها ودمعتها على خدها وضاكت الدنيا بوجه احميد
وقرر يترك السلف ويبتعد لان الديره المايشوف بيها محبوبته ماتنراد
مرت السنين وانكتل زوج سعده باحد عركات العشاير
وبقت ارمله ترفض كل الي يتقدملها على امل رجوع حبها الاولي ..
كل هذا واحميد مايدري وبعد مرور سبع سنوات من الفراق قرر ان يزور قريته
ويسأل عن اخبار حبه الوحيد لكن هذه السنين كبرته بشكل كلش جبير
فصار شكله قريب لشكل الشياب
بعد رجوعه عرف الي صار وكان مصدوم ومتندم ليش تأخر هالكد
وكف ثاني يوم لرجوعه بدرب حبيبته منتظر طلعتها
ولمن اجت وشافها سد عليها الطريق بلكي تعرفه ..
لكن شكله المتغير وضيم السنين خلتها ماتعرفه ولانها مارفعت شوفها حاجته وكالت
شويه من الطريج عمي


كاللهه:
عمي وعماج البين موش انا عمج
من كبل سبع اسنين شيبني همج




نشغت سعده وعرفته هذا احميد حبيبهه فكالتله:


شيبتك صح بالراس شيبي بدليلي
من كبل سبع اسنين ما نمت ليلي


ورجع احميد خطبها وتزوجو وعاشو سنين حلوه نستهم البعد والحزن.


عمي الحب الأولي بيه طعم أوفاء

 

[صاحب السمو]

رد: سوالف اهلنا ( الموروث من الشعر الشعبي )

سوالف حلوه وبصراحه خلقت متعه كبيره وفائده بنفس الوقت
شكرا اخي الغالي لاروع مجهود

تح ياتي

 

[غمزة]

رد: سوالف اهلنا ( الموروث من الشعر الشعبي )

رائع تدفق هذه الذكريات
بموضوع هدفه
زرع بهجة واعجاب وفائدة لـ كل من يمر
دمت استاذ

 

[▪ بعثرة حنين ▪]

رد: سوالف اهلنا ( الموروث من الشعر الشعبي )

اسعدتم مساءا
وقصة جديدة ~

يگولون اكو واحد صار رايه يتزوج وياخذله مره ثانيه
لان مثل ماهو يكول مريته الجبيره تعبانه وهو رجال راعي مضيف
يعني خطاره ماينگطع ..
گول خطبله مره ويوم العرس مريته العتجيه متحزمه وتركض..
بطل حيلي بين تطحن الحنطه بالرحه وبين تهبش الشلب بالجاون
وبين تطبخ وتعيبانه كلش
والعريس چان كاشخ ويتخطه بنص الوادم ويطگ بسبحته
ومتحزمله بخنجر گديمي وهاي چانت علامة العريس بوكته
المهم اتعشت الوادم وطشت..
صار رايهم يزفون العريس
وچان والى الان تقريبا يگوم سيد من الموجودين يوصل العريس لباب غرفته
والي چانت عباره عن شگص بواري تنصب وسط البيت
حتى لو كانت هناك غرف الا يخلص اول ليله بالباريه
چانت العاده بوكتها هيج ..
گول طب العريس ..
ومريته الاوليه خنست وعيونه تلصلص وشافتها صارت صدگ
گامت تحوص وافترت من وره الباريه تتباوع وتصنت شكو ماكو ...
سمعت العريس گال لعروسته( ادني )
وشافتها ادنت يمه..
وهيه ماتحملت والنار دوت بيها
وگامت اتسولف من غيروعي
وماتعرف شسوي وچان وقت حصاد
لگفت المنجل وعدهم شكه زرع نافضه وجايه للحصاد
والزرع بعده اخضر مالاحگ
وهيه بلشت تحصد وتسولف


( گالها اتدني ... او تدنت )
گاللها تدني وتدنت
وبيه لهيب النار وچت
هنيالها اتغاوت تحنت
حشيت ويگولون حشت
بعضاي حشي كون تدرون
وكاللها تدني وهل حضنها
وروحي تنوح مابطلت ونها
كون الليله روحي يحل دفنها
خوفي الشامته يطّول لسنها
وما بطليش مصبابچ يالعيون
گاللها تدني وانا اشوفن
واتنصت الليل اتگول احوفن
ماتنلم اجروحي من اروفن
شلون انساك وارسومك يطوفن
ابالي وروحي وفوگ الجفون
گاللها تدني وذكراني
اسهر الليل وچنت اتاني
ياوسفه الاحبه شو نساني
راح العشگ ذاكه وامداني
چا وين الوفه يالما يوافون



واعلى هل السالفه لمن طر الفجر
المسكينه ذبت جورها ااعلى الحصاد من ضيم گلبها..
فگدوها الصبح دوروهه لگوهه بالزرع ..
تاليهه ردت وسوتلهم ريوك وهي الممنونه.

 

[▪ بعثرة حنين ▪]

رد: سوالف اهلنا ( الموروث من الشعر الشعبي )

رائعة قصص اليوم استاذ رضا
والأجمل قصة سعدة واحميد
شكرا لك من الأعماق لعطائك الدائم
تحياتي وتقديري .

 

[نسيم الروح]

رد: سوالف اهلنا ( الموروث من الشعر الشعبي )

يامن رفع الستار عن الموروث
شاكرين امتاع الناظر والخاطر بزرع كان ثماره توسيع معلوماتنا عن الاجداد
غني عن التعريف استاذنا الفاضل الاخ رضا
لهذا ساكتفي بالمتابعة وترك ورود عبقها عظيم الاعجاب
خالص ودي

 

[جبروت أنثى]

رد: سوالف اهلنا ( الموروث من الشعر الشعبي )

عدنا

احميد وهو احد شباب الجنوب الي تعلق ببنت سلفهم
رغم الفارق الكبير بالعمر بينهم فهو اكبر منها بسنوات
لكن ماحلت بعينه اي بنت غير سعده وجان يراقبها من طرة الفجر وهي تطلع تترس ماي وتتفكد حلالهم
كانت ورده توها تفتحت للدنيا وصار كل املها ان شوفة احميد ونظراته الي اربكتها وخلتها ماتشوف طريجها ..
جانت عيون العواذل متربصه الهم ومادام الحال
لان راحت وحده من الجارات ونقلت لامها وكثرت شويه حذرتها من احميد
فماكان كدام الام الا ان تمنع سعده من طلعة البيت
وتحرض الاب على الموافقه على اول خاطب لبتهم ..
مانفع كل محاولاتها ودموعها بالرفض وحتى من اجى احميد جايب مشيه جبيره حتى يخطب
ماوافقو عليه لانه موافقتهم بالعرف الجنوبي تأكد انه بتهم بيها شي
تزوجت سعده وزفوها ودمعتها على خدها وضاكت الدنيا بوجه احميد
وقرر يترك السلف ويبتعد لان الديره المايشوف بيها محبوبته ماتنراد
مرت السنين وانكتل زوج سعده باحد عركات العشاير
وبقت ارمله ترفض كل الي يتقدملها على امل رجوع حبها الاولي ..
كل هذا واحميد مايدري وبعد مرور سبع سنوات من الفراق قرر ان يزور قريته
ويسأل عن اخبار حبه الوحيد لكن هذه السنين كبرته بشكل كلش جبير
فصار شكله قريب لشكل الشياب
بعد رجوعه عرف الي صار وكان مصدوم ومتندم ليش تأخر هالكد
وكف ثاني يوم لرجوعه بدرب حبيبته منتظر طلعتها
ولمن اجت وشافها سد عليها الطريق بلكي تعرفه ..
لكن شكله المتغير وضيم السنين خلتها ماتعرفه ولانها مارفعت شوفها حاجته وكالت
شويه من الطريج عمي


كاللهه:
عمي وعماج البين موش انا عمج
من كبل سبع اسنين شيبني همج




نشغت سعده وعرفته هذا احميد حبيبهه فكالتله:


شيبتك صح بالراس شيبي بدليلي
من كبل سبع اسنين ما نمت ليلي


ورجع احميد خطبها وتزوجو وعاشو سنين حلوه نستهم البعد والحزن.


عمي الحب الأولي بيه طعم أوفاء

اي والله خيي رضا الحب ايام زمان بي طعم وفاء
مو الحب مال هالوكت دكول للعبة حجره ورقه مقص ^_^
هسه تشوفهم حبي وحياتي ويااول زعله البنت شافت واحد ثاني
ودكت للحبيب الاول يامسربتني وهو هم لطشه بوري وشافله غير
صيده ^_^ اي مع احترامي للي حبهم صادق ولو هم قليلين
حلو خيي رضا الموضوع