فعالية عاشورائية (دمعة قلم)

[انين الالم]

رد: فعالية عاشورائية (دمعة قلم)

يا ابن امي وداعا وداعا يا ابن امي وداعا وداعا

لاتزل ايها الليل عني فاغدا يملا الدمع عيني
حيث يقطع راس الحسين ورؤوس الكرام طباعا

ايها الليل اقصدجناحا انا ملا اريد صباحا
فبصبحك ابدي النياحا وابراحي تزيد تساعا

أي عز لانافي الحياة ادهم فريق رمز الابات
ثم نغد اسار الطوغات يالها حسرات وقياعا

من عامل كون يجل الظلما من يميت الطوغات لللاما
من مين الظلم يوي اياما لو جدار اوداق تداعا

يا ابن امي وداعا وداعا يا ابن امي وداعا وداعا
منقول​

 

[انين الالم]

رد: فعالية عاشورائية (دمعة قلم)

عليله وداب دلالي ***** خلص بالاه والونه
ابويه احسين فاركني ***** خبر لليوم مامنه
اخذ وياه كل اهلي ***** كطع رجواي والضنه
اريد وياك تاخذني ***** ياريح الهاب وتعنه

على النسمات ياريح خليني واشوف الوين وليان دليني
ضعنهم شال وانا بهل حال ضعنهم شال وانا بهل حال
ازور احباب غياب عن عيني ياريح الهاب وياك وديني
سفرهم طال وانا بهل الحال سفرهم طال وانا بهل الحال
ازور احباب وياك وديني

مشو ضليت عد بيته ***** نضر مايوش اتلمع
ترك بالروح حسراتي ***** نصب بالعين دم يسفع

علل وهموم والليل واليني سعير الشوك لو هاد لاليني
هجر جثال وانا بهل حال هجر جثال وانا بهل حال
ياريح الهاب وياك وديني ازور احباب غياب عن عيني
سفرهم طال وانا بهل حال سفرهم طال وانا بهل حال
ازور احباب وياك وديني

ياريح الهاب احجيلي ***** وانا الحسرات تشغلني
نذر انطيك كل عمري ***** لون وياك تحملني
اصوم اعليك بارينا ***** ضعن وليان وصلني
ابويه احسين لوشفته ***** ياريح الهاب نزلني

تراني الضيم والبين عاميني مثل حسبات مليت تجريني
اش يضل عالبال وانا بهل حال اش يضل عالبال وانا بهل حال
ازور احباب غياب عن عيني ياريح الهاب وياك وديني
سفرهم طال وانا بهل حال سفرهم طال وانا بهل حال
ازور احباب وياك وديني
منقول​

 

[انين الالم]

رد: فعالية عاشورائية (دمعة قلم)

لتودعوني لتودعوني
مااحمل فركه تعوفوني

فراكك ياحسين بجويني ***** جمره وتسعر وتا ديني
يحسين اسمعني وحاجيني ***** شيصبرني من تودعوني

منهو الوصيه برضعانك ***** وياهو الكلفته ابنسوانك
باجر لو حركو صيوانك ***** وعيالك كامو ينخوني

بين امي وشيغمض عيني ***** عطشانه اطفاله وتنخيني
لو حركو خويه اصواويني ***** لاوين اتوجه دلوني

بعيوني اعيالك ارعاها ***** وبروحي اداري ايتاماها
يحسين وانحبب وياها ***** منهو ينشف دمع عيوني

بين امي وباجر لو شفتك ***** وبدمع عيوني لو غسلتك
ولو بيدي خويه ماعفتك ***** عنك بالكوه يمشوني

احلف يحسين بخوتنه ***** واقسم بالزهره الربتنا
بعدك خويه مااتهنا ***** ولا تتهنا بنوم اعيوني

لتودعوني لتودعوني
مااحمل فركه تعوفوني
منقول​

 

[انين الالم]

رد: فعالية عاشورائية (دمعة قلم)

اسمع صوت من كبرك يناديني
رقيه وين يا زينب اخبريني

صاح احسين ايا زينب**** صارت وين ايا زينب

اسمع صوت من كتر الكبر يضهر
رقيه وين يازينب بنت حيدر
اسمع كل بناتي اتنوح تتحسر
بس هيه يزينب ما تناديني

يزينب ما تناديني عليها اشصار
احجيلي اشجره يوم الضعنكم صار
عزيزه كلبي عنها مالفتني اخبار
شنهو الحال يختي بينها وبيني

تكله والدمع يتسايل امن العين
رقيه بالغرب ماتت يخويه حسين
اعله راسك عالطشت تالي لفاها البين
حين الشافته ماتت يضي عيني

بخرابه الشام نزلونه العده البيها
وجابو بالطشت راسك يخليها
ولمن نضرته الطفله انغمه اعليها
وما ادري الدهر بعد اشيراويني

جانت تنشد وكلبي يضل حاير
واكلها والدج يرويحتي امسافر
يوميه اكلها ايعود الج باجر
من تسالني عنك خويه تاذيني

امن اخبرك خويه عن حالته اتالم
جسمها امن السياط ازرك غده اموسم
تصحيها السياط وبيها ماترحم
وبدمع النضر جانت تحاجيني




هالطفله ادفنتها خويه بارض الشام
واجيتك بالضعينه امحمله بالالام
بينه مادريت اشلعبت الضل
يخويه اكعد يخويه واسمع اونيني

انشد راسك يخبرك ماسينه
هو الشاف شنهو الي جره اعلينه
من رحنه لحد ما خويه ردينه
محد جان وياي اويباريني

يكلها والونين اتسمعه يتعاله
مصيبتها جوتني وصعبه هالحاله
كلبي من سمع كطعتي اوصاله
اعله كبري يختي اكعدي اليوم واسيني


اسمع صوت من كبرك يناديني
رقيه وين يازينب اخبريني
منقول​

 

[انين الالم]

رد: فعالية عاشورائية (دمعة قلم)

الشاعر ابو ايمان المجراوي
لا هيهات .. صاحت أنصاره
لا هيهات .. من تشن غاره
لو ألف مره نموت آوياك يحسين . خل يگطعونه ويحرگونه احنه باقين
************
يا حسين العمر بعدك قيمته مسلوبه
والوجود إبلا وجودك ظلمه يصبح ثوبه
نعوفك وننجي بنفسنه هاذي ما محسوبه
لا وحق الله ونبينه وفاطمة المهيوبه
بايعناك .. وانته عزتنه
بايعناك .. يا كرا متنه
لا حياة إبلا كرامه يا موالين . خل يگطعونه ويحرگونه احنه باقين
************
ارتجت الگاع بفعلهم حين داسو بيها
اليوث والحومة اتفاخر من تعنو ليها
على عاليها الجحافل وانگلب واطيها
والكتايب والسرايه گطعو رجليها
يا منصور .. أمت نادوها
يا منصور .. بدر عادوها
سجل التاريخ صفحه أتكحل العين . خل يگطعونه ويحرگونه احنه باقين
************
طب حبيب ينادي والكل تسمع اجواباته
انه ابن مظهر وسيفي من يرد ضرباته
صال بيهم والمؤرخ كتب عن صولاته
للحسين إبلا مقابل ينطي نفسه وذاته
يا كرار .. بكربله ينادي
يا كرار .. ولايتك زادي
الله يلعنها السقيفة والملاعين . خل يگطعونه ويحرگونه احنه باقين
************
من حبيب النافع إلي رميته معروفه
يرسل إسهام ألمنيه من يشيل چفوفه
گال دون حسين أموتن واندفن بطفوفه
وازرع بگلب النواصب خوفه تتبع خوفه
يا دنياي .. طالق أيگلها
يا دنياي .. هذا رده الها
دون أبو أليمه جهنم تگضي السنين . خل يگطعونه ويحرگونه احنه باقين
************
من زهير الصيحة تعله وتستمع عدوانه
صاحب الزود أيتقدم فنه طب ميدانه
بالحرب سيفي أرد اخلي بالعدو نيشانه
الثار أبو الحسنين روحي تندفع ولهانه
بي تذكار .. دمكم بسيفي
بي تذكار .. واخذ بحيفي
انه روحي رخصتها الآل ياسين . خل يگطعونه ويحرگونه احنه باقين
************
جسدو معنى البطولة والرجولة الحره
من برير وجون والي ناده باسم ألزهره
قاسط ومقسط وشوذب دم فدوها ألعتره
ما يموت إلي فداهم للأبد حي ذكره
والأجيال .. درس تتعلم
والأجيال .. تنتصر بالدم
ناصر الناصر محمد تعرف الدين . خل يگطعونه ويحرگونه احنه باقين
************​

 

[انين الالم]

رد: فعالية عاشورائية (دمعة قلم)

بسم الله الرحمن الرحيم

شعر عن الامام الحسين عليه السلام


حسين فيك تشرفت كربلاء
ولمصابك بكت كل اركان السماء
ولك ياحسين دمي ودمعي فداء

قلبي انفجع لمصابك
ابروحي نار اصوابك
يصعب عليٌ غيابك
يومك أشد وأصعب يوم

سأبكـي وألطـم يـا سيـدي
وآتيك زحفـا إلـى كربـلاء
ولست أبالي دعـاة الظلال
ويكتب دمعـي فـوق التـراب

يا كربلاء حـق أن تفخريـن
وأصبحـت قبلـة للزائـريـن
يطوفون حول ضريح الحسيـن
يناجونـه بـفـؤاد حـزيـن

تعالـوا بقلبـي حسيـن دفيـن
ولا اختشي خسـت اللائميـن
أعفـر فـوق ثـراك الجبيـن
ولو قطعوا في هـواك اليديـن


منقول

 

[انين الالم]

رد: فعالية عاشورائية (دمعة قلم)

بسم الله الرحمن الرحيم


رجفــــــــــــت كربله مــن ريشة العباس
يعني المــــــــوت اجــه والركَب تتحضر
فاضت كربلــــه وناعــــــــورسيفه يدور...
جثث جرت جثث والــــــــــروس تطشر
بالبــــــرزخ علـــــــي ويتباهه بالعباس
كـــــــام وصف كَالك مــــــــــــالك الاشتر
يغرف بالزلم جــــــــــن ماي بيده تصير
كام الزلم توكع بــــــــــــــــــيده لو اشر
خــــط خـــطة منــــــايه بساحة الميدان
وحصراً تحت سيفـــــــه الموت والمعبر
خفيف السيف بيـــــده وحار ملك الموت
عاف الدقه كــــــام بعــــــــــــقله يتصور
اتصــــــور كتل مـــــــيه بهذاك الصوب
لايمكن الف شـــــو قـــــــبط الدفـــــــتر
تاهـــــــت حسبــــــــته والموت بالالاف
نادى ياالاهي شـــــبقى مـــــــن العسكر
جام الزلم صارت واكَفه منل خــــــــوف
من صوت ابـــو فاضل كـــــــــام تتكسر
ملك المــــــــوت روحه لعبت من الموت
مـــــن شاف الجثث والــــــروس تتشمر
ورطه تورطـــــو وي غيــــــــرة العباس
غيــــــــر ام البنين الربتــــــــــــه وحيدر
وحــــــك صوت العقيله الكَلـــه الله وياك
حسين الوكَفاه والجيش مــــــــــــــايكَدر
كَله الجــــــيش يخلص خويه لوهديـــــت
هســــــه اوكـــــف اريدك كـــــون تتكَنطر
وريــــــــد سهامهم مـــــــن كل كتر توليك
وريد السهم خــــويه يكَطــــع الـــــمنحر
وريـــــــدن جربـــتك والمـــــــــاي يتبده
وريـــــــدن هامتـــــك بالعــــــــمد تتفطر
[size=14.44]حتى الدين يبقـــــــــى بصايتك عــــــباس
وبطيحت جفوفـــــــك جسـمـــــــــي يتوذر
منقول[/size]​

 

[انين الالم]

رد: فعالية عاشورائية (دمعة قلم)

مامات الحسين ,, للشاعر ميرزا عادل اشكناني

بسم الله الرحمن الرحيم


و آنا اصغير گالولي حُسينك مات
ذبحوه العِـده ابطف كربلا ظامي..
أصدِّگ عيني لو صدِّگ كلام الناس؟
و آنا ابعيني شفت احسين جدَّامي..!
**
ما مات الحُسين ، الناس مشتبهين
و اضعيف العقيده يوگع ابشبهات..
فكّـر بيهـا لــو تسـتـوعـب الفكـرة
اشلون اِيموت گلّي اليحيي الأموات..؟
**
نعم أدري او أقر {كُلْ مَن عَليْهَا فانْ}
بيـها ايصـرّح الله ابـنُـص قرآنه..
و ما يبقى سوىظ° وجه الله ذو الإكرام
او يبقى احسين لأن وجه الله سبحانه..!
**
أسعد الله أيامكم
#الإمام_الحسين




للشاعر الحسيني : ميرزا عادل أشكناني​

 

[انين الالم]

رد: فعالية عاشورائية (دمعة قلم)

عراق علي والحُسين


يشور موطني وشاراته بيهن صيت


وبجروحه تشم عـــــطر الورد فــــــــواح


ودمعات الوطن تنزل وفه موماي


ويخط اسم الحُسين بدمعته لو نــــــــــاح


مبخوت العراق بصاية اهل البيت


وحب بضعة مُحمد بيده صــــــار اسلاح


وطنه اصبح سفينه اتحدت الطوفان


لأن حيدر علي بالموطن المـــــــــــلاح


شراع الهه الحُسين ورايته العباس


وبسبعه الطُهر متوشحه بوشـــــــــــاح


جم طاغوت اجه واسس ركن للجور


جم مجرم اجـــــه وجم ناصبي وذبــــــاح


جم ظالم زرع ارض الوطن بارورد


جم زنديق اجه ومر بيه جم ســـــــفاح


كل ظنهم يطيح وينسه درب الطف


وكلهه اتساقطت بس الوطن ماطــــاح


اشكد بيه تاجرت كل ظنهه تربح يوم


يظنون بدمانه السالت الاربـــــــــــــاح


صح قبضو ثمن بس ياثمن قبضوه


باعوه للضمير وخانو الامـــــــــــــلاح


وظل صامد وطنه بغيرة العباس


جبل عالي بشموخه وماتهزه اريـــاح


حيّه اعله الفلاح وحي على الاحرار


وعلى خير العمل بالغيره ناد وصــــاح
منقول​

 

[انين الالم]

رد: فعالية عاشورائية (دمعة قلم)

عراق علي والحُسين


يشور موطني وشاراته بيهن صيت


وبجروحه تشم عـــــطر الورد فــــــــواح


ودمعات الوطن تنزل وفه موماي


ويخط اسم الحُسين بدمعته لو نــــــــــاح


مبخوت العراق بصاية اهل البيت


وحب بضعة مُحمد بيده صــــــار اسلاح


وطنه اصبح سفينه اتحدت الطوفان


لأن حيدر علي بالموطن المـــــــــــلاح


شراع الهه الحُسين ورايته العباس


وبسبعه الطُهر متوشحه بوشـــــــــــاح


جم طاغوت اجه واسس ركن للجور


جم مجرم اجـــــه وجم ناصبي وذبــــــاح


جم ظالم زرع ارض الوطن بارورد


جم زنديق اجه ومر بيه جم ســـــــفاح


كل ظنهم يطيح وينسه درب الطف


وكلهه اتساقطت بس الوطن ماطــــاح


اشكد بيه تاجرت كل ظنهه تربح يوم


يظنون بدمانه السالت الاربـــــــــــــاح


صح قبضو ثمن بس ياثمن قبضوه


باعوه للضمير وخانو الامـــــــــــــلاح


وظل صامد وطنه بغيرة العباس


جبل عالي بشموخه وماتهزه اريـــاح


حيّه اعله الفلاح وحي على الاحرار


وعلى خير العمل بالغيره ناد وصــــاح
منقول​