مدونتي جنات ليل..

[العـ عقيل ـراقي]

رد: مدونتي جنات ليل..

احضنتها
شميت بگذلتها مسج
حضنتني
بلهاتي عسلها رجرج

 

[العـ عقيل ـراقي]

رد: مدونتي جنات ليل..

كلها اجت..
وشالوا الضويات
وخلت كل المحلة
وأنته مامش رجه
لاشوفتك
ولا شمك
وينك انته...؟

 

[العـ عقيل ـراقي]

رد: مدونتي جنات ليل..

انه اعليك ماخذني حيل الخوف
من يجي باچر وتفرغ الچفوف
والله تكره شوفتك ويثگل النفنوف
وتدگگ راسك ندم بالحيطان..

 

[العـ عقيل ـراقي]

رد: مدونتي جنات ليل..

بجاه كل خصلة من شعرچ
وبجاه كل وردات شفتچ
لا تگلي ما حجيت
والله سولفتلك دهر
بس اعيونك ما تشوف

 

[العـ عقيل ـراقي]

رد: مدونتي جنات ليل..

حچي ارموشك
هلاهل عيد
وطش جكليت
بوجه زعلان
ولمعة اعيونك
بيادر خير
تشهگ بعنبر
وتفك بيبان
وطعم اشفاك
صحوة ليل
مليانه عشگ
وخلگ سكران
وترف اخديدك
گيظة شمس
بظهاري الصيف
تحرگ البردان
والرگبة مراية
دوخت گمرنه
وتاه بليله
نفس غرگان
وبشعرك مراجيح
يلاعبها الهوه
ويلاعبنه بسواده
مشية العميان



عقيل العراقي

 

[العـ عقيل ـراقي]

رد: مدونتي جنات ليل..

عمر واتعده الثلاثين
لا يا فلان..
عمر واتعده واتعديت
لا يفلان
واغمض عود اجيسك
يا ترف
تاخذني زخرت لوم
واگلك ليش وازيت
العمر يفلان

 

[العـ عقيل ـراقي]

رد: مدونتي جنات ليل..

طَرب ومن لايطرب
بإنوثتك صابه الخبلُ

 

[العـ عقيل ـراقي]

رد: مدونتي جنات ليل..

لا تتعب فاهكِ
فالعيون كفيلة
بقتل جيوش
الاسكندر

 

[العـ عقيل ـراقي]

رد: مدونتي جنات ليل..

كأني أشم فيها
السيف والبخور
وطعم القهوةِ

 

[العـ عقيل ـراقي]

رد: مدونتي جنات ليل..

متواعد وي شعرها اليوم
وباجر موعدي وياهه..
متواعد اخصل شعرها
بالمسج والعنبر
واشده شراع بسفينة
هوانه