مدونتي جنات ليل..

[العـ عقيل ـراقي]

رد: مدونتي جنات ليل..

مگرود اگليبي وحباها
ومن تتمشه گام يغار

 

[العـ عقيل ـراقي]

رد: مدونتي جنات ليل..

گصر ثوبك ضيگه شويه
شما تلبس يلوگ اعليك

 

[العـ عقيل ـراقي]

رد: مدونتي جنات ليل..

ما ترم ليلة بلا گمرية
ولا يرهم شوگ بلايه
اعيونك..
وانته مطعم بطيب العنبر
شجاب الصفنات ابوجهك
چنك عيد مفارك مرجوحه
لو بيها الدنية وتحجيلك
چا ظميت الصفنه
وارجعت ذاك انت الاول
تفرح لو مر طاريي يمك

 

[العـ عقيل ـراقي]

رد: مدونتي جنات ليل..

منهو گدك يليلو
تمرجح ولاعب هوانه
انت فوگ تتمرجح
وأنه وعيوني من بعيد
سكرانين..


عقيل

 

[العـ عقيل ـراقي]

رد: مدونتي جنات ليل..

بجاه كل خطوة مشيتيه
وبجاه كل شباج حضنتيه
انتي شارة واتشورين
وعندي إگليب مسكين
غاد ابعيد طوح الجَمال
وبس بعباتج ينولد خِيال
دخيل جدج يعلوية
ردي الروح اليه..

عقيل

 

[العـ عقيل ـراقي]

رد: مدونتي جنات ليل..

تذكر شكثر
چنه واحد
يحب الثاني
وشكثر روحنه
اتعلگت بالليل
وواحدنه يتاني
شلونك انته
ياحلاتك انته
رد شمتاني
تعال اشمك
مثل شمات الحلم
تعال ياحناني
شذكروني بيك
هو انه نسيتك
دومك عله لساني
شما شفت شامة
بوسط النهد غرگانه
احن الك تلگاني


عقيل العراقي

 

[العـ عقيل ـراقي]

رد: مدونتي جنات ليل..

أجيتك
والدرب عاثور
مامش ناس مامش ابيوت
أجيتك
اچفوف محتامات
واعيون كلساع حلمها يموت
أجيتك
والگيظ ماردني
أصليلك وبس انته بالقنوت
أجيتك
وحاير شلبسلك
گطعت الگلايد وأكسرت ابتوت
خفت أصليلك وأنسه صلاتي
چنك گمر بلعته الحوت
انه گتلك
بدربهم بالك تفوت
طبع سمجة بالعجينة اتموت
هچي وتمرني
وگبل جيتك
افرشلك اسنيني كلها
ياطعم الرازقي بيك والتوت
وچنت أظنك
أخر محطة بيها گلبي ينام
ويحلم بشواطي حنينك
مادريتك خشب تابوت

عقيل العراقي

 

[العـ عقيل ـراقي]

رد: مدونتي جنات ليل..

اشمك والگه روحي مدلله بحضنك
وارد التم وسط گلبك
واغنيلك
يا هلا بطولي اليلم الليل وي شعرك
يمتيه اسنيني
بطيب نحرك
يلتسوه ما تسوه
يمگذل من الله ومترف حنين
يا أول نسمة تطر بيبان گلبي
وأعشگك

 

[العـ عقيل ـراقي]

رد: مدونتي جنات ليل..

الحياة ليست طويلة
حتى نجرب كل شيء
ولا قصيرة ، حتى نتذكر كل شيء ..
ولكنها جميلة ، إذا عرفنا أنها لا تساوي شيء .

 

[العـ عقيل ـراقي]

رد: مدونتي جنات ليل..

الليل صالبني
عله بابك مسيح
وأنت رسمك عرس
وانه بهمك مستريح