مدونتي فقآر الكرخي

[فقار الكرخي]

رد : الأخذ مني الفرح سلمته للعباس

بالحلم ماريد اشوفك
ضاع كل عمري بحلم
كافي تقنعني بظروفك
اني عندك مو مهم
جان حبك مو حقيقه
وجنت اريدك بأي طريقه
انتهت قررت اعوفك
وكلشي لازم ينهدم

 

[فقار الكرخي]

رد : الأخذ مني الفرح سلمته للعباس

اسافر وين .؟
يا كاع التنسيني دفو عيونك
احاول الگه غيرك ناس
بس ماكو سما بـ لونك
يـ خنگه مغربيه وخوف
دورني بـ زحمه ظنونك

 

[فقار الكرخي]

رد : الأخذ مني الفرح سلمته للعباس

ذموني بكفاي وكلت اعديها
شلت حالهم الحجايه الاحجيها
مامعتازهم كون الوكت يندار
وايدي الصافحتهم اله اجويها

 

[فقار الكرخي]

رد : الأخذ مني الفرح سلمته للعباس

هو غير الشوك وازاني واجيت
وادري كلش زين ما ترتاحلي
ارد اشوفك انه يمكن راح اموت
لان عندي احساس الله اشتاقلي

 

[فقار الكرخي]

رد : الأخذ مني الفرح سلمته للعباس

اشترينه الموت حتى اطفالنه تعيش
و بعنه ارواحنه برخص التوابيت
عشنا بحال يشبه حال مطلوب
ثار لابن عمه وياه بالبيت

 

[فقار الكرخي]

رد : الأخذ مني الفرح سلمته للعباس

محد يدري بعيونك غفن لو سهرن
وماكو احد يكلك ليش من يشوفهن يبچن
الغلط من عدنه حبينه ورسايل شوگ ودينه
يهبلت ماتمر بينه .. تره الناس اليعرفونه ملو رجفة ايدينه
يهلبت طيفك يهدنه تره الحيطان ملت من اسامينه

 

[فقار الكرخي]

رد : الأخذ مني الفرح سلمته للعباس

انه متانيك تشريني
وتبيع الوادم بمگفاك
اثاري الدنيا ما تسوه
بدون عيونك
وملگاك

 

[فقار الكرخي]

رد : الأخذ مني الفرح سلمته للعباس

خوفـي..
واطمئنـاني عنك
والخضـار التارس الشارع بلـوني
ضحكتـي..
و چلـمة (يبـعدي)
والنهار اليبـدي بـ شلونك حبيبي
ذني شيفضهـن بـدوني؟
يمتــة عنــدك گامـن يهـونـن عيونــي؟

 

[فقار الكرخي]

رد : الأخذ مني الفرح سلمته للعباس

‏لا حچينا بألف شفّه..
‏ولا لبسنا وجوه ترفه!!
‏ولا گدرنا نعيش يوم ملونين
‏وباعنا الما مشترينا..
‏وصاحت الوادم علينا مسودنين.

 

[فقار الكرخي]

رد : الأخذ مني الفرح سلمته للعباس

‏لا حچينا بألف شفّه..
‏ولا لبسنا وجوه ترفه!!
‏ولا گدرنا نعيش يوم ملونين
‏وباعنا الما مشترينا..
‏وصاحت الوادم علينا مسودنين.