أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

اختصر ربك بعينك كل جمال الكون
وبخدودك ترافة الماحواها انسان
موش السان واحد يكفي يوصف بيك
اليوصفك بعد يرادله الف السان
==============

 

[mohammed.shams]

يمن بيك الجمال اتعده الحدود
ومن خدك خذوا لمعات النجوم
نحضر اهدوم حلوة لخاطر العيد
وانته العيد لجلك يشتري هدوم

 

[mohammed.shams]

وي گلبي امن اسولف تسمع انته شلون
چنت وين انته گاعد والحچي اسمعته
حيرني الأمر بس طلع بية الصوچ
أسولف للگلب والگلب ثاري انته

 

[mohammed.shams]

شگگت الرسايل حته أنساك
ومن بالي شلت كل العناوين
لگيت اسمك على الحيطان مكتوب
أدري شلون افلشها الحياطين

 

[mohammed.shams]

صفات البيك ماشايلها إنسان
ولاتگدر على اوصافك قصيدة
العسل لو يوم صدفة اتلاگه وياك
يمد ايده عليك ويلحس ايده
==============

 

[mohammed.shams]

رئيس الدولة شاعر لو يصحله ايصير
لأن شاهد بعينه وعاين الحالة
تمثال الرئيس انداس بالرجلين
والشاعر بقه وماطاح تمثاله
==============

 

[mohammed.shams]

أبعد ياحزن خليني مرة ارتاح
خل مرة بحياتي أفرح بروحي
جبت اسنين عمري بس اصب ادموع
أشل اجروح غيري وأنزف جروحي
==============

 

[mohammed.shams]

مسجون الصدگ ياناس تدرون
وخذوا كل الچذب طلقوا سراحه
كل تعبان گالوا يبقه تعبان
والمرتاح يحتاج استراحة
==============

 

[mohammed.shams]

انته يالانواع بيك من الجمال
گلي هم تنباع حته آنه اشتريك
يم المراية تجي تباوع الناس
وانته المراية تجي تباوع عليك
==============

 

[mohammed.shams]

وصل حبي إلك حد ماهو معقول
بحيث اوياي إنته وآنه مشتاگ
تشابگني وتشاقيني واشاقيك
واصيح الله اكبر بسك فراگ