أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

من گد ماحلو من تطلع ايخطفوك
وكل صيف التمره ينگلب أشه
شفت عكس البشر لو حطت الرجلين
الشوارع بيك هيه تگوم تتمشه

 

[mohammed.shams]

إنته بلايه صوت معذب الولهان
واذا أحد يسمعك مات هالأحد
وآنه بغير صوتك شالع الإذنين
واحس آنه بغيابك ماكو چن محد

 

[mohammed.shams]

إنته بلايه آنه محد انصير
وآنه بلايه إنته أبقه محد
مو حزورة هاي تريد تفسير
إنته وآنه واحد يعني ننعد
==============

 

[mohammed.shams]

ماترهملي بس تفصال احس بيك
ومر تكتل واضوگنك اشمحلاك
هله بجيتك أصيح وإنته ماجاي
واقشمرني واگوم اشباگ وياك

 

[mohammed.shams]

يمي بس صعب مو سهل ينلاح
وافكر بيه دايخ يمته الوحه
من گد ماحلو ومدوخ الناس
من گد ماحلو داخ اعله روحه

 

[mohammed.shams]

تظل انته الهوه ونتنفسك دوم
ودنيانه حبيبي انته شمسها
گبال المراية تجي وتتعدل الناس
والمراية گبالك تعدل نفسها

 

[mohammed.shams]

رقيق انته وحلو شخصك يشفاف
يالعينك بحر وسهام رمشك
شما وصفك حبيبي مقصر اوياك
إذا حظنك إلك رايد يحظنك

 

[mohammed.shams]

لحيت اعله ابويه وگتله بيع البيت
يمهم بيت بويه وخاف يتأجر
فرح والله أبويه وگام يطي الوان
طلع حته أبويه اعليچ هم يفتر
==============

 

[mohammed.shams]

السر بمحبتك من اريد انساك
شما أنساك احبك أكثر وأكثر
أنسه وأنشغل وبعزة النسيان
أتذكر نسيتك وارجع اتذكر
==============

 

[mohammed.shams]

إذا ساس البشر من الرمل والطين
إنته من الذهب بس منصنع ساسك
واذا تسعة من عشرة ليوسف الحلوين
إنته العشرة كلها بشعرة من راسك