أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

تگدر بچم فلس تشري المستحيل
بس تره الأخلاق ماإلها سعر
سلم القمة يريد العنده حيل
ويصعد بأخلاق بعدين الشعر
==============

 

[mohammed.shams]

تعرف كلشي بية وماعرفت اشبيك
لغز حلك لغز من يگدر يحلك
راح اشرد واجيك ومدري ليش الخوف
خاف تخاف مني بسدك اختلك

 

[mohammed.shams]

أگولن راح اسولف كلشي من الگاك
واصفن وانشده من اگعد بگربك
هلگد ماأحبك خلص حته الشوگ
ماحبك گمت من كثر ماحبك
==============

 

[mohammed.shams]

يلنك مو مثل كلمن مشه اعله الگاع
ولا وصفك سهل لمن يوصفونك
من ضحكة عيونك شفنه وجه العيد
چا شنشوف لمن تضحك اسنونك

 

[mohammed.shams]

مادامك عدل ماشيها لتخاف
من خصمك وابد لتشيل همه
بس الحذر واجب لأن نوبات
تره الرجلين منهم تجي الحمه

 

[mohammed.shams]

مو كلمن يدگلك صدره وفاي
ولا كل أخ صدگ أخ ايتسمه
أحيانا عدوك ينصح اوياك
وبزادك أخوك ايخلي سمه

 

[mohammed.shams]

كتبت اسمك اعناد بورقة الشمات
گالوا ينمسح وتراهنت يبقه
رادوا يمسحونك بلكت آنه انساك
حروفك چلبت وانمسحت الورقة
==============

 

[mohammed.shams]

ربع حبي يعادل كل اللي يحبون
ونص حبي إلك ماحبتك أمك
من تنجرح إنته يسيل منك دم
دروح افحص وشوفه دمي لو دمك

 

[mohammed.shams]

إذا فعلا تحبني هذا بيتي گريب
جيب اهلك تعال ويالله خطبوني
ولتگلي تعارف نرتبط بعدين
تره صارت قديمة وداعت عيوني

 

[mohammed.shams]

من جاني الخبر گالولي إنته هنا
تمنيتك بگربي وحيل اشمك
وبلهفة إجيتك واسرع من الصوت
لگيت گليبي واصل گبلي يمك