أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

صاير جلد باب البيت وياك
مدري شلون يتحمل لزمتك
واحنه البيت يهتز لو تعديت
وناس بناس توگع من خطفتك

 

[mohammed.shams]

آنه ماشايف تره بعيني أكيد
وهايه عيني تشتغل بس عالرمش
هسه شفتك إي صحيح وگمت اشوف
ومن كثر ماركزت طاح الرمش

 

[البرآق]

تدري البارحة شكد افتقدناك ؟
من كلنا انجمعنا وما لكيناك
مكانك خالي بس حاضر خيالك
وكمنا بلا وعي نحضنه ابدالك
و رد بارد حضنه وما حضناك
تدري البارحة شكد افتقدناك؟؟

 

[mohammed.shams]

من يمر رمضان حاول لاتصوم
إنته مو واجب شهر رمضانك
لأن بلسانك عسل داير عليه
يعني تفطر من تضوگ السانك
==============

 

[mohammed.shams]

گبل الجدري بس اعله الجلد صار
بس هسه الضماير صابهن جدري
بميلاد ابن مريم تدري كلها الناس
وبمولد محمد كلها ماتدري

 

[mohammed.shams]

جميل انته بجمالك دوخيت الناس
وياهو الشاف شخصك صابته الجلطة
يمعود دخيلك روح طب للبيت
شفت دعوة عليك بمركز الشرطة

 

[mohammed.shams]

==============
مرة الگمر شافك من طلعت بليل
ضل يحرگ بروحه وجر ألف حسرة
صفن صفنه اعله نفسه وگال مامعقول
أكو غيري حلو موجود بالبصرة

 

[mohammed.shams]

وين ماألتفت بعيوني تصير
ويمته ماأبچي على خدودي تصب
بعد شلي بعيني يالصرت انته عين
أخذ عيني وخل اشوفك بالگلب

 

[mohammed.shams]

آنه مال انساك أكبر مستحيل
بية كل دگة گلب تحتاجلك
وآنه ما أشتاگلك تدري انته ليش
لأن ماناسيك حته اشتاگلك

 

[mohammed.shams]

من تمشي وتدوس برجلك انته ترات
يطلعلك زمرد صافي من يملع
هاي برجلك وهيچ التدوسه ايصير
إذا لحت التراب بشفتك شيطلع