أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

شوصفك ياترف ياعسل ياشفاف
عن كل البشر متميز بميزة
الوادم من تسافر تختم وتأشير
وانته امريكا لجلك تدخل بفيزة

 

[mohammed.shams]

قرينه بالدروس غراب عطشان
حط اخوانه بالجرة وطلع ماي
وقرينه بالطفوف حسين عطشان
حط اخوانه كلهم ماطلع ماي

 

[mohammed.shams]

خطية شگد ابويه مصدگ بلير
وعد يبني الوطن ويشغله حارس
عشر اسنين نام وإگعد وشوف
تلگه الدولة بس تصبغ مدارس

 

[mohammed.shams]

چانت دمعتي ابعيني بت بيت
واضن حته الرمش مايدري بيها
هسه الدمعة ضلت كاضة الباب
الرايح واليجي يباوع عليها

 

[mohammed.shams]

كلمن مدلي چفه وكضلي اقليم
وعلى لوح الوطن مارسموا الساس
وهلگد ماتجر اچفوفهم بيه
شگوا خارطتنه وطاحت الناس

 

[mohammed.shams]

گدامك طحت ماشفت وجهك گام
هاك ابسط مثال وشوف وتصور
ولك خشبة بطبر فرگست چف حطاب
من شافت حطب گدامها اتطبر
==============

 

[mohammed.shams]

من گد ما أحبك صرت دايخ بيك
صوتي اتغير ووجهي ونبض گلبي
والساني بعد مدري شجراله النوب
يمكن راح اصيرن أشبه اللمبي

 

[mohammed.shams]

ماگلك أحبك چي صريح اوياك
وانته البية عايش تعرف البية
إذا اگلك أحبك أنحسب چذاب
لأن مو مرة احبك لا900

 

[mohammed.shams]

اتحبني ماتحبني آنه اموت اعليك
ايعجبك مايعجبك هو هذا آنه
آنه من آنه أبطل لو لگيته بيوم
وي غيرك يسولف واگطع السانه

 

[mohammed.shams]

بوسة انطيني گتلك ماكفرت اشصار
گلت لامك علية وگبت الهوسة
حلگك بي اشكال انطيني خدك عاد
وچنك ماشفتني وماخذ البوسة