أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

من جمالك كلها وگفت
وآنه گاعد مستريح
مو لأن مامنتبهلك
لأن بس اوگف أطيح

 

[mohammed.shams]

خطار الحزن يومية بالبيت
ولامرة الفرح مر بية خطار
وعزيمة للفرح فد مرة سويت
تيه باب بيتي وراح للجار
==============

 

[mohammed.shams]

أحبك كلمة بس بلساني مانتگال
أتهجاها گوة ويمك انساها
أشوفك أنسه روحي وانسه كل الكون
چا هالكلمة هاي شلون أقراها

 

[mohammed.shams]

ماأدري شيصير بحالي لو مريت
أتراعش أگوم وعيني ماتغفه
ومن الزم چفوفك أبرد بتموز
چا بية شيصير امن الزم الشفة

 

[mohammed.shams]

حاچيت الگمر بالظهر گتله اشبيك
شمالك بالصبح ماتطلع شوية
جاوبني حبيبك للدوام ايروح
وماترهم تلمنه اثنين صبحية

 

[mohammed.shams]

موش اعيون عدنك صدگ اولايات
تفر بيها القوافي والشعر يبحر
ردت مرة أوصف اعيونك احتاريت
بديت برمش منك خلصت دفتر

 

[mohammed.shams]

لبست اسود مثل كل اليلبسون
ونويت احزن مثل كل اليحزون
علية شماله الاسود لعب الروح
وعليك انته شحلاته يجيب العيون

 

[mohammed.shams]

صح انتي جميلة وطولچ شمحلاه
بس عندچ غرور وخمشمچ شعلوه
أنصحچ هالتكبر مايفيدچ يوم
لأن أصل التواضع كمل الحلوة

 

[mohammed.shams]

ردت أكتب شعر بي تفرح العين
وردت غير الحزن والدمعة موضوع
وبديت آنه بقيصدة اتنگط افراح
ومن گد الفرح هم طاحت ادموع

 

[mohammed.shams]

إنحب ياوطن واگضيها آهات
وبعد لاتنخه ولدك مالك احد
صحيح اسلام ونحب الصلاوات
بس للأسف مانعرف محمد