أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

يالجمالك بالمدارس درسوه
والصفوف انترست بحبك ترس
ورسبوا الطلاب كلهم بالأخير
خلصوها استاد عيدلنه الدرس

 

[mohammed.shams]

لاتطالبني بأمر بي معجزات
لأن ماعندي گلب يتعذرك
تريد مني اذكرك شي مستحيل
غير كون انساك حته اذكرك

 

[mohammed.shams]

من چفك أغار لچفك ايلوح
أگص ايدك إذا لاحتها إيدك
أكتب ما أريدك تنشف الما
ينشگ دفتري وتبقه أريدك

 

[mohammed.shams]

بگلبي اتسابقوا لعبوا الحلوين
خسرت كلها بالدور البدائي
وانته بلا لعب صاعد على الكاس
بحلاتك ربك مصعدك نهائي

 

[mohammed.shams]

آني ماشايف مثل وجهك جميل
وهيچي مثل عيونك آني ماشفت
من گلتلي اهواك مدري شبية صار
هيچي واگف وحدي وبوحدي طحت

 

[mohammed.shams]

أگص الساني خاطر بعد ماحاچيك
خاطر ينتهي البينك وبيني
لگيت النوب عيني اسولف اوياك
گلي أشلون اگص السان عيني

 

[mohammed.shams]

ياباقة ورد أهديلك انته شلون
الورد منك خجل مايدخل السلة
لأن مثلك ورد منوجد في هالكون
إذا إنته الورد في عالمك كله
==============

 

[mohammed.shams]

آنه من ظهرك شفت بيك الجمال
وجيت اشوفك حته اصدگ اضنوني
ومن درت وجهك علي وتبسميت
شكر من وجهك طفر بعيوني

 

[mohammed.shams]

تعال بكل وكت تلگاني موجود
بس كونك تجي مو ما تجيني
واذا ماجيتني هم تنحسب جاي
لأن موجود انته بوسط عيني

 

[mohammed.shams]

ناذر للوطن عمري وانه الممنون
وابيع الروح بارخص لو نزل سوگة
طابوگة اشتريت وماخذت دبدوب
خفت يوم الوطن يحتاج طابوگة
==============