أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

تالي الليل اگلهم باچر انساك
أفز من غبشة الله واحچي بس بيك
بغيرك فكرت ردت آنه أنساك
طلع غيرك يشبهك فكرت بيك

 

[mohammed.shams]

يالكلچ براءة وكلشي يوصف بيچ
وتشوفچ اعيون الناس المْغمضة
الشارع بي صداع ايصير من تمشين
طوله ايگوم يفتر يردم ابعُرضه

 

[mohammed.shams]

فتت من باب بيتك والدمع سال
بچيت وطاح مني نظر عيني
عميت وردت أوصل عتبة البيت
إجتني العتبة من سمعت ونيني
==============

 

[mohammed.shams]

أشوفچ مومثل ماشوف كل الناس
لأن رقة جمالچ عالأرض تحفة
وحذرچ وحدچ بالغرفة لتگعدين
بس تصفن لحسنچ توگع الغرفة

 

[mohammed.shams]

ردت أبچي بوداعك بس گلت هيهات
ماطخ راس الك يمخيب اضنوني
سيطرت اعله روحي وگلت الله اوياك
ماطاح الدمع بس طاحن اعيوني

 

[mohammed.shams]

كتاب انته انكتب كل شي حلو بيك
وما مليت منك من قريتك
لو أدري المكاتب منك تبيع
بعت الروح لجلك واشتريتك

 

[mohammed.shams]

رحت اعزي بيوم ميتلي قريب
ولو فتت يهواي أشوفنك ردت
وانته لمن جيت آنه بلا شعور
بالعزة آنه بأعلى صوتي هلهلت

 

[mohammed.shams]

يالهمسك غنه ويالصفنتك موال
وصفه لكل مريض يطيب اليسمعه
واظن سنتين واكثر حبلت امك بيك
لأن دقة جمالك مو شغل تسعة

 

[mohammed.shams]

لتگلي اعله مثلك ما أحصل وين
أشگر داخ منك حته كل اشگر
مو كلمن حلو ويلمع تحضنه الناس
هم كلش حلو وهم يلمع الخنجر
==============

 

[mohammed.shams]

أگلك شغلة بس ماتزعل اوياي
گبل ماگول أحلف حتى اگلك
سبيت امة محمد بالجمال البيك
اشايل من جمال اشتعلوا اهلك