أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

سكرت وگلت بلكي بسكري أنساك
صبيتك هموم بكاسي وشربتك
شربت الكاس كله وللچعب دگيت
حسبالي نسيتك بالچعب شفتك

 

[mohammed.shams]

تريد الناس اسولف وآنه كلي هموم
خانگني الدمع ماأگدر احچي
إذا حته الدمع من شافني بهالحال
لبس أسود علية وگام يبچي

 

[mohammed.shams]

بعيونك سحر يسجدله كل سحار
واليخزرك هلاك والله يستر
إذا برمضان تطلع انته فد يوم
تشوفك عيد كل الناس تفطر

 

[mohammed.shams]

مر بية نهر عطشان الك موت
يمته جروفي يرون بيك يمته
ماطاب الجرح لتشوفه ملموم
من گد الألم عظ اعله شفته
==============

 

[mohammed.shams]

گلناله حلو وبس الله يدري شلون
صرنه عيون كلنه ومنه مانشبع
گلناله الشمس بس تطلع انته تغيب
عله اعناد الشمس كل ساعة ظل يطلع

 

[mohammed.shams]

إنته قمة بكلشي وبكلشي ملاك
وكلشي بيك مرتب وحسب الأصول
إنته غيرك من يمر توگفله ناس
وانته لو مريت توگفلك عقول

 

[mohammed.shams]

امن اعيونك أعرفك وافتهم شتگول
واقره بكل وضوح اشتكتب اعيونك
شلونك من تگلي الدنيه بية تطير
واعوف الدنيه كلها وأشبگ اشلونك

 

[mohammed.shams]

سلم من تمر ماتسوه دنياك
ولاتحمل زعل وتشيل غيضة
مو بيضة أطگ لو سلمت يوم
أطگ بگصتك عشرين بيضة

 

[mohammed.shams]

آنه احبك مو لأن انته حلو
چنت اظن گلبك حلو وحبيتك
ومن شفت گلبك مثل باقي الگلوب
خذت گلبي اوياك هالماجيتك

 

[mohammed.shams]

گتله احبك گال أدري
گتله وانته؟ گال مدري
گتله كون انته بمچاني
ومرة عانيت بكثر ماچنت اعاني
چاگلت اوه امداني
وامده الجابك علية
وامده اليمك خذاني
اشوية وخر
وامده الواگف گبالي
وامده الواگف وراني