أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

ماحب غيري أحد يمشي وياك
أغار اعليك حته من خيالي
كون اصعد واضمك فوگ النجوم
حته الناس جوه وإنته عالي

 

[mohammed.shams]

من گالوا إجه الكل طلعوا ايكرضون
والبيبان طلعت هيه والعتبة
ومن گد ماحلو لزموا سرة ايسألوه
شنهي انته حلاتك صدگ لو چذبة

 

[mohammed.shams]

كون ايصير كلشي بعمري مگلوب
وارضه بكل شي يطلع عن أصوله
كون اول حياتي الكبر والشيب
وآخر لحظة من عمري الطفولة

 

[mohammed.shams]

چنت محتاج اشوفك من چنت
ماشوف
ردتك عين الية بوكت عازة
گزازة انته واضمك بين العيون
وياعين التغمض عالگزازة

 

[mohammed.shams]

كتبت اسمك بصفحة حايط البيت
ومن حس بحنانك صار مسكين
طاح البيت لمن إنته مريت
ولك حبك سطر حته الحياطين

 

[mohammed.shams]

أحس بطعم شوگك وانته زعلان
ومن تبعد جمالك أكثر ايزيد
يجيني العيد أفرح ألبس الوان
وانته من يجيك يلبسك العيد

 

[mohammed.shams]

منهو الگالك بيك آنه مجنون
ومنهو الگالك ماكو مثالك
گبل لتروح خل اتراهن اوياك
من باچر أحب انته بدالك

 

[mohammed.shams]

الگالك إنته حلو ماأنصفاك
وانته شفاف وتموت من اللمس
مغيمة خايب وانته مايع چاشلون
يمكن انته اتموت لوتطلع شمس

 

[mohammed.shams]

سولفلي اعله كيفك حته اعرف البيك
وانته بكيفك احچي امنين ماتبدي
رايد كلمة منك خايب انته اشبيك
وآنه اباب حلگك گاعد امجدي
==============

 

[mohammed.shams]

بحلاتك سيد وينگالك مولاي
ومن گد مادخت گتلك يمولاتي
شفتك غوشت عيني وگمت ماشوف
درت وجهي صفح شافتك اذاناتي