أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

على نار انتظر ومتاني الاحباب
واندگ باب بيتي والگلب ذاب
اطلعت للباب عود الباب افتحه
لگيت الباب طالع فاتح الباب
==============

 

[mohammed.shams]

ابوطنة الضحكة شردت من الحلوگ
والعيدية دوم مزاعله الإيد
يجينه العيد چان ومامش اهدوم
هسه اهدوم عدنه ومايجي العيد

 

[mohammed.shams]

شگد شايف شفايف فوگهن شامات
مثل شفتك أبد ما ملتقي بشفة
تكض اللفة تاكل من تحس بجوع
من كثر الحلاوة تعضك اللفة

 

[mohammed.shams]

يا أول عشگ ياخذني لبعيد
يا أول محب يحتل كياني
زعلت اوياك مرة وخلصت اوياك
وآني اوياك صار وطلگاني
==============

 

[mohammed.shams]

آنه البيت عندي وكلشي حاويه
بالايجار الوكت گعدني بالدار
وگلت بگليبي أسكن مايهمني البيت
طلع حتى الگلب گاعد بالأيجار

 

[mohammed.shams]

كل حلو ينباس بس انته الوحيد
دخنه بيك وعدنه صارت هوسة
خدك ايكهرب واليبوسه يطيح
گمنه من ابعيد ناخذ بوسة
==============

 

[mohammed.shams]

چم محب حاول صدگ ينسه الحبيب
وآنه من انساك اظل دايخ عليك
إنته حبك يختلف فد شي غريب
حته نسيانك حلو يذكرني بيك

 

[mohammed.shams]

عذاب البرزخ آنه تعذبت بيك
ولكن بالگلب ظل حبك ايزيد
واذا گالولي عوفه وجنة ننطيك
أريدن برزخك أي جنة ماريد

 

[mohammed.shams]

أمس اباب بيتك ضاعت الروح
واجيت آنه أدور هم شفتها
أظن لمن گعدنة بعتبة الباب
رحت آنه وبقت يمك عفتها

 

[mohammed.shams]

جبتلي گلب ثاني بلكت انساك
صارتلي مصيبة وحبك الثاني
عليك تعاركوا هذا كتل ذاك
زعل گلبي اعله گلبي وموتاني
==============