أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

شفتك ماگمتلي بساعة المريت
بية الصوچ وانته من الذنب خالي
خدرانات أدري من التعب رجليك
هلگد ماتروح وترجع ابالي

 

[mohammed.shams]

مدري ليش اعيونك ادوخني بيك
هيه نظرة وينخطف كل لوني
مدري بعيونك سحر يسحرني ليك
مدري هيه مچلبة بيك اعيوني

 

[mohammed.shams]

أسلاك وحواجز واعمدت دخان
مامعقولة يابغداد هاي انتي
گبل چان الورد مالي الشوارع بيچ
هسه بكل متر مزروع تي أن تي

 

[mohammed.shams]

شوف اللعب عدهم شوف الفنون
منو يگدر عليهم برشلونة
يلزم طوبة ميسي ايخوط بالگول
والحارس يموت ويشيعونه
==============

 

[mohammed.shams]

ميت بيك ميت والنفس خلصان
واتشاهد إذا مريت بية
حالي اوياك هيچي وإنته موجود
چا شيصير من تبعد علية

 

[mohammed.shams]

بابك ما أدگه وإنتهى الموضوع
وگلبي اعله البعد گتلك قنعته
واذا مرة لگيت الباب مشلوع
يعني الشوگ الك هزني وشلعته

 

[mohammed.shams]

گلت باچر أجيك وفرحت الروح
وگلبي من الفرح وياي طاير
شفت باچر بعيد وطول اوياي
رحت آنه اعلمودك جبت باچر

 

[mohammed.shams]

خليتك رسم وعيوني ترسم بيك
وغير عيوني ماواحد يرسمك
صاحوني شكثر بسمي وچنت ناسيه
وگلتلهم نعم من صاحوا اسمك

 

[mohammed.shams]

==============
هاك الروح اخذها وآنه ممنون
ماأنطيك عيني وماأعوفك
مو بخلا عليك وشنهي العيون
إذا أنطيك عيني ابيش اشوفك

 

[mohammed.shams]

مثل لهفة سجين ايتاني الافراج
عليك آنه صرت صدگني ملهوف
واذا گتلك أحبك آنه غلطان
لأن حته الأحبك ناقصة حروف
==============