أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

مابدلك لأن ربك أمرني
إذا يخلقلي ثاني ايجوز ابدلك
واذا بدلتك آني افترض فد يوم
هم اكره بديلك حته اردلك

 

[mohammed.shams]

أحبك حب ولامر اعله إنسان
تدري اشگد احبك راح اگلك
لو إنته حبل وتشد رگبتي
واحس بروحي تطلع ماأفلك

 

[mohammed.shams]

گبل چنت آنه احبك چنت دايخ بيك
أحبك حب نظيف وخالي من الغش
بس هسه مااحبك هسه اموت اعليك
مو كلش أحبك زدت عالكلش

 

[mohammed.shams]

من ظيم العلي ظليت ابيع اهموم
واسعار الهموم مسجلة بخدي
الرايد حزن ياخذ حزن ويروح
والرايد فرح يعذرني ماعندي

 

[mohammed.shams]

يومية الصبح أسمع خبر موزين
ويومية العصر أسمع فجيعة
عراق وكلك اسود حته الاخبار
الابيض بيك بس وجه المذيعة

 

[mohammed.shams]

آية من الجمال ويصعب التفسير
وشنو آنه وافسر للخلگ آية
أخذ مره گعد يم الامراية احتار
دنت روحه اعله روحه وباس المراية
==============

 

[mohammed.shams]

ماندگ اعله الخشب لمن تفوت
نضرب اعله الوجه مدري شبينه
تحتيي الموته ولا واحد يموت
لو تجي شفافك اتبوس بينه

 

[mohammed.shams]

اسنين الم بشعرك وشعرك طويل
الله ياشعرك يتعب متوني
ربعه لميته وبعد ماظلي حيل
لو ألمن بعد تعمه عيوني

 

[mohammed.shams]

مرة مدري اشبية جيت امشي وراك
جيت اشوف الناس الي يحبونك
حقها هاي الناس مجنونة بهواك
تغار عينك لو تشوف اعيونك

 

[mohammed.shams]

من تفتح عين تضوي دنيتي
من تفتح ثنين نار وتشتعل
گلت خل اوصف جمالك يالحلو
وانته شيوصفك إذا تكتل كتل