أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

تعبت اوياك آنه وحيل مليت
وگتله لگلبي كافي وماأريده
بديت بصفحة بيضة وگلت أنساك
طويت الصفحة شفتك بالجديدة

 

[mohammed.shams]

أغار اعليك من گلبي والعيون
لذلك آنه حاير وين اشيلك
وحقي ماأجيلك آنه معذور
أغار اعليك مني وماأجيلك

 

[mohammed.shams]

ابطولة أحله واحد إحنه فوزناك
بطل تستاهل انته الكاس چاگوه
لأن ياهو اليشوفك گال هذا ايفوز
والماشايفك هم گال إي هوه

 

[mohammed.shams]

إنته بعيوني وبعدني ابچي عليك
شلون لو يوم اطلعت من عيني
من كثر حبك دخت كلش بحيث
إنته أندلك وادور ويني

 

[mohammed.shams]

ردت احبك واستحيت وبطلت
خايف اشما أوفي ماترضالي
لأن لجل اهواي مرة اتخبلت
وگال موشي ومارضه اعله اخبالي

 

[mohammed.shams]

گلبت بوراقي بس اسمك لگيت
وماكو غير اسمك إسم بوراقي
كلها گالت راقي عنك من اجيت
وكلها گالت ماكو غيرك راقي
==============

 

[mohammed.shams]

ماأشوف شگد علي مروا ألوف
گلها مو بالبال وانته ابالي
انته بس اشما ردت عنك ألوف
اشما أفر راسي تصير اگبالي

 

[mohammed.shams]

غيري ماشافك وغيرك ماأشوف
إنته كل الكون تتراوالي
إنته لو مو آنه مالك كل وجود
وآنه لو مو إنته أعمه شحالي

 

[mohammed.shams]

آنه لو جيتك أجيلك جاري ماي
واشيكضه الماي گلي لو جره
وعنك آنه اشما رحت تلگاني جاي
من كثر ماحبك ارجع لي وره
==============

 

[mohammed.shams]

آنه مدري اشلون ظلت بية روح
من خذنك بالحلم ذرعاني
أحچي بيك الساني ماسمعني صوت
ضل عليك ايغار مني لساني
==============