أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

مايسوه البچي ولاتسوه الاحزان
ولايرهم الهم ودمعة العين
لو يسوه الحزن صدگني والله
چا عاشور رجع إلنه الحسين

 

[mohammed.shams]

من يمر رمضان حاول لاتصوم
إنته مو واجب شهر رمضانك
لأن بشفافك عسل داير عليه
يعني تفطر من تضوگ السانك

 

[mohammed.shams]

گبل الجدري بس اعله الجلد صار
بس هسه الضماير صابهن جدري
بميلاد ابن مريم تدري كلها الناس
وبمولد محمد كلها ماتدري

 

[mohammed.shams]

جميل انته بجمالك دوخيت الناس
وياهو الشاف شخصك صابته الجلطة
يمعود دخيلك روح طب للبيت
شفت دعوة عليك بمركز الشرطة

 

[mohammed.shams]

مرة الگمر شافك من طلعت بليل
ضل يحرگ بروحه وجر ألف حسرة
صفن صفنه اعله نفسه وگال مامعقول
أكو غيري حلو موجود بالبصرة

 

[mohammed.shams]

وين ماألتفت بعيوني تصير
ويمته ماأبچي على خدودي تصب
بعد شلي بعيني يالصرت انته عين
أخذ عيني وخل اشوفك بالگلب

 

[mohammed.shams]

آنه مال انساك أكبر مستحيل
بية كل دگة گلب تحتاجلك
وآنه ما أشتاگلك تدري انته ليش
لأن ماناسيك حته اشتاگلك

 

[mohammed.shams]

من تمشي وتدوس برجلك انته ترات
يطلعلك زمرد صافي من يلمع
هاي برجلك وهيچ التدوسه ايصير
إذا لحت التراب بشفتك شيطلع

 

[mohammed.shams]

مرهون بجمالك بس كسير اجناح
شفتك مرة وحدة وبعد ماعفتك
عينك ليل ظلمة ووجنتك تفاح
وشفتك ياغزال مطعمة بشفتك

 

[mohammed.shams]

كل عيد اليمر واجب أعيد الناس
واسلم عالحبايب واحدا واحد
بس انته سلامك يختلف عالناس
أشگن صدري ولگلبي اعايد