أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

سولف گول الك واهس تضل وياي
واذا ماإلك واهس گول لاتخجل
ما أقبل أحبك وانته مامرتاح
وما أرتاح احبك وانته ماتقبل

 

[mohammed.shams]

آنه ماصدگت إنك خابريت
من طلع إسمك نفض جسمي نفض
وايدي مالحگت تفتح إتصال
اتخربطت وضعيتي وانطيتك رفض
==============

 

[mohammed.shams]

شفت إبنك عطش فكيت باب العين
من ماي العيون الغالي شربته
ومن شفتك جعت ماچان عندي اطحين
عجنت ابني الزغير وچيمت بخته

 

[mohammed.shams]

من يوم الهويتك ماأفكر بيك
رغم شوگ البگلبي الصار الك وحدك
مافكر بشخصك مو لأن ناسيك
لأن ابيش افكر والعقل عندك

 

[mohammed.shams]

القناعة اتضيع مني امن التقي اوياك
وعيني لشوفتك ماعاد تكفيني
ولأن يرادلك عين بكبر بغداد
راح بإيدي اوسع خارطة عيني

 

[mohammed.shams]

أحبك مو مثل باقي اليحبون
مجنون وعثرله بخيط مجنون
إذا طيفك يجي أرميله چيلات
واذا إنته تجي شرميلك اعيون

 

[mohammed.shams]

إنته غير الناس عنهم تختلف
وماكو صورة تشبهك بكل الصور
الگمر يصعد للسمه حته يصير
وانته نزلتلك وصرتلها گمر

 

[mohammed.shams]

حبيبي العيد بعيونك والخدود
واذا تضحك شفافك ينچفي العيد
أريد اشرب شعر من هاي الشفاف
واصيح الله عليك وشفتك اتعيد

 

[mohammed.shams]

صحرة ومتانين ماتمطر شجاك
تدري عطشانين الك منذ الأزل
وانته رحمة ونزلت اعله امك وابوك
واعله هاي الفقرة ظيم الله نزل

 

[mohammed.shams]

أتنطر تجي وبس بيك اسولف دوم
والم اسنين عمري وبيك اطشرهن
يالعيونك خضر ورمشومك اتصب ماي
مو طلعت شمس ماتطلع اتشرهن