أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

آنه لوگتلك أجي معناها جاي
وانته مامرة گلتلي وجيتني
مرة أذكر بالحلم گتلي تعال
واركض بنص الحلم خليتني

 

[mohammed.shams]

انموت فدوة ألمهم عمرك يطول
لخاطرك صار الچفن ملبوسنه
إنته تجرحنه ونگل للناس لا
الوطن مايجرح يريد ايبوسنه
عالسمه مو عالورق نكتب عراق
حته من نقراها نرفع روسنه

 

[mohammed.shams]

أريد اكتب شعر بوصافك ومحتار
شكتب عن اشفافك لو كحل عينك
إذا كلك حلو وبالوجنة نور ونار
يمكن من حليب الله خلق طينك

 

[mohammed.shams]

إذا رايد تسولف سولف بماعون
عسل كلمات ثغرك لاتبديهن
واذا دمعك نزل قارورة حط للعين
دمعاتك شذر مو كفر تبچيهن

 

[mohammed.shams]

اشهل بياض البيك شتسوي تعال
فوگـ هذا ولازم مراية بديك
عمي لو عدنه مثل وجهك حرام
انذب المرايات ونباوع عليك

 

[mohammed.shams]

واجب انبوسك إذا مرينه بيك
ايطبه طوب الخلفك لو مارضه
ايحطك ابيته ويظل قافل عليك
ومن وره الشباچـ ونبوسك قضة
==============

 

[mohammed.shams]

أحبك ثم احبك ثم احبك موت
ماترهم أعوفك وانفرد وحدي
منو بگدي يحبك دور اتحداك
أمك لاچذب متحبك بگدي
==============

 

[mohammed.shams]

لاتروح لأي عرس خايف عليك
ودير بالك لمن يعزمونك
الناس عطشانة شهر شربت بديك
خاف شربت ماكو ويشربونك

 

[mohammed.shams]

إگعد يافرح مارح ينزلوك
كافي من الملامة انفخت راسي
خطتنة هذيچ وحلها مكشوف
دومك إحتياط ومو أساسي
==============

 

[mohammed.shams]

إتحقق حلمنه ورحنه كليات
گلنه نشوف بيها العالم الثاني
بس ماندري بيها تنفجر عبوات
وانحصل شهادة موت رباني