أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

لا توصل الحينه الناس ضجت بيك
شارعنه اشتكالي وزعلوا الجيران
إنته شعرفك سلمت وتعديت
ماتدري وراك تطلگت نسوان

 

[mohammed.shams]

الدنيا لمت كل دولها
وبالشعر سوت سباق
وبس اجه وگال آنه حاضر
فاز عالدنيا العراق

 

[mohammed.shams]

دگ بابي مرة الفرح كلت شعجب غلطان
لو فاقد الذاكرة لو تيه العنوان
رد وسألني الفرح دليني بيت فلان
مرة بحياتي الفرح جاني وطلع سكران

 

[mohammed.shams]

طعم شفتك عسل والوجنة رمان
وتره روحي بغرامك حيل مجبورة
لأن طعمك حلو والناس حساد
لازم وي حلاتك تخلط مرورة

 

[mohammed.shams]

يالمهدر جمالك مثل چاي وهيل
وزن لامحترگ لافاهي لاشايط
أمس بيتك وگع والصوچ منك چان
اعله شيلة صورتك حايط ردم حايط

 

[mohammed.shams]

أنه بجيبي لحضرتك صورة ماشيل
أشوفك بيها من يشتد حنيني
أنه من اشتاگ امد ايدي على العين
أطلع صورتك من جيب عيني

 

[mohammed.shams]

إكتب ياقلم خل تشهد الايام
والتاريخ شاهد يبقى عالساحة
الثابت بالگلب ماينمسح للدوم
إلا الگلب نفسه يصير مساحة

 

[mohammed.shams]

من تمشي الصبح خل عينك اعله الگاع
لأن نظرات عينك تكتل ابنادم
واذا بالليل تطلع عمي طب بساع
أذا هيه الصبح وادمنه تترادم

 

[mohammed.shams]

عنك لورحت ماطوّل هواي
الرموش فراگهن حسبة ثواني
وامانة لغيري وجهك لاتراويه
واذا تشتاگ سولف وي مكاني

 

[mohammed.shams]

آنه أدري بروحي أسود مو حلو
وانته أبيض والحسن بيك اكتمل
آني صح اسود ولكني بلال
وانته صح ابيض ولكنك هبل