أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

إذا انته محب وياك عندي اعتاب
واعتبره طلب بس كون مترفضه
ومضت شعر حسنك فتت صحنه الله
صحنه الله غير تعيدها الومضة

 

[mohammed.shams]

غبت أيام عنچ مانشدتي شبيك
ولامرة اتصلتي وگلتي اشلونك
واظن كلبچ تغير وآنه احسن بيچ
أظن الياهو گوگل غير اضنونچ

 

[mohammed.shams]

نيوتن والتجاذب كلها هـاي اسرار
بس لغزچ يحلوة بإيدي مفتاحه
نزلت للأرض خجلانة حقها بهاي
شلون گبال خدچ تبقى تفاحة

 

[mohammed.shams]

يستحي ظلچ يظم روحه وراچ
وحقه ظلچ مـن جمآلچ لو خجل
إنتي لو نحلة عـرفتچ من زمان
آني أعرف النحل بس انتي عسل
==============

 

[mohammed.shams]

سبحانه الجليل شلون من سواك
وانطاك الحسن واللولة ماهيه
ردت شوية منك بيه صار سنين
طابگ عالسرة وماتلتفت ليه

 

[mohammed.shams]

گيمر چنها شفتك والحلگ ماعون
والخد العليك تگول كاهيه
إلمن جاي يمي وآنه الك جوعان
جيتك هاي حرشة لو حسن نية

 

[mohammed.shams]

گالوا وصفوا عنك حچولي هواي
وگآلو كل حلو هم تلگه بي لولة
من شفتك شفت مابيك هلگد لول
بس عين التشوفك تنگلب حولة

 

[mohammed.shams]

چانت ليل يمنه وشفنه شمسين
البشر كلهم احتاروا بالجره وصار
وك چان احترگنه وهاي نارين
الحمد لله حبيبي خدودك صغار

 

[mohammed.shams]

فصلت البشر سويتهم تمثال
وانته الروح بالتمثال خليتك
حجر كل البشر بس گاموا يحنون
قطرة نطيتهم من بحر حنيتك

 

[mohammed.shams]

حبيبي بشفتك ما ابوس انوب
واذا بستك أگضي البوسة خايف
لأن شيكظها روحي وهنه جكليت
وانته شلون تبقه بلا شفايف