أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

جلست والخوف بعينيها
تتأمل وطن ماشايف الشافه
قرت فنجانه طلعت عبوة بالفنجان
طگ فنجانها وماتت العرافة

 

[mohammed.shams]

عليك الناس تحچي اشكال والوان
وتگول انته الذهب والذهب من ساسك
بعد بيمن نقارن لو نحط مقياس
نقيسك بالشمس وانته الگمر قاسك

 

[mohammed.shams]

من تمشي حبيبي تعـوذ الشيطان
بگلوب البشر خليت چـم علـة
جدمك بالأرض ماخلة أي نيشان
ولأن شفاف جسمك ما ترك ضله

 

[mohammed.shams]

إذا اگلك حلو چذاب اصير اوياك
وحلاتك بالوصف غلبت حلاتك
واذا شفافك عسل ومطعمة بنعناع
حظر تجوال لو طلعت لهاتك

 

[mohammed.shams]

أسجد من اشوفك واشكر السواك
خلي بماي شوگك روحي تتوظة
يل من طين واكفر لو گلت من طين
بس طينك ذهب ومطعم بفظة

 

[mohammed.shams]

إندفن كرسي الحكومة وگلنا نرتاح
وانه من الناس گلت ارتاح راسي
وصح زخت مطر بس مطرت سلاح
والكرسي ارتوى وخضر كراسي

 

[mohammed.shams]

يالجمالك غار مـن عنده الجمال
وبجمالك گلي هـم يحصل بشـر
بطن أمك من چنت متنسية بيش
رحمة للعبآس متنسية بشكر

 

[mohammed.shams]

من ماي الورد رب الحسن سواك
ومن جابتك أمك بيك ماحست
ولروعة جمالك عندي بس تفسير
أمـك بالنساوة بيوسف تنست

 

[mohammed.shams]

ما نگدر نوصفك حتى بالأشعار
جبل من نوصفك مانگدر نلوحك
لذلك جبنه ورقة وقلم وانطيناك
وانته براحتك ضل وصف بروحك

 

[mohammed.shams]

يالوصفك مدارس جيل يتبع جيل
وحسنك صار منهج حتى للروضة
خصرك درس اضافي وعالدروس امتاز
عفنه دروسنه وبس درسك نحفضه