أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[جنـوبـيـة♡]

ماحاب بعدك
وانتَ؟
لحظة ادراك !
حبيت وياية ، ووراية ، وقبلي !
وبوقت بي تتمنى مادزلك شي
اتمنيت اشوفك گاعد بنص اهلي

 

[سارهـ الطائي]

لابد يردون باچر،
سوي نفسك ما شفتهم
بالك يحسون انته تذكرتهم
اثگل شويه يگلبي..
مره خليهم محطه وانتَ سافر
انتَ والدخان وصبرك والمطر..
ادري بيك تريد تبچي ابچي وحدك انه ساكت
بس احلفك يا گلب يكبير لا ينخطف لونك لو شفتهم سلم بسرعه
ولون نشدوك تعرف واحد يگص التذاكر ؟
گلهم الشباچ گصلكم شهر.

مظفر النواب.

 

[زهرة اللـوتس]

رحت لغيـرك وگتلـه الحُمـول ثگال
بس ماشال منهن گام چملهـن
وأجيتـك ياعلي وفرغـت المُـوشلات
وگتلك راح أذبهـن گلت لا خـّلهن
گتلك شيل نصهـن حدبـن مگفـاي
گتلي أحنا الحمـول نشيلهـن كلهن

يامُظهر العجائـب ..

 

[جنـوبـيـة♡]

اداريّ العيّن ، و أنتَ العيّن
والدَم ورفيّف الدَم
اداريّ الآه ، أنتَ الآه
وأنخه الرُوح لا تِهتَم
اداريّ الحيّف ، كُل الحيّف
ظلّ بيك الحِلم يحلَم ..

 

[جنـوبـيـة♡]

ولو عِبرت المِية يمَچ ما أحس بروحِي
شَايب وعَادي أصيرلج وطن وأظفر گصَايب

 

[جنـوبـيـة♡]

الليله كُلش مختنَك ياريت أمُوت
شعَندي عايَش؟
ضَامك بيّه وخَذوك

 

[جنـوبـيـة♡]

واستغرَبت مِثل الجديّد بگبرَة
ومُطرت الدنيَّا ، وگمت غيرَك ماأشوف
هالمرَّة أحِس مِشتاقلك .. فدمرَة .
- أحمد عاشور .

 

[جنـوبـيـة♡]

وأفك الشَبگة من بعيد أعلى شراع
أشبگك شَبگة
النسمات للنعناع
ولك ليش الروح يامدلولّ
يَمك تنشرّه وتِنباع ؟

 

[جنـوبـيـة♡]

انتَ لو شِفت السَواد الجوه عينيّ
ما مشيَّت
لو دريت شگالت الوادِم عليّ مِن فاركتني چا بچيَّت
شگد كِلتلك..
انه لو ما انتَ اضيّع ،
وچي كِلتلك هَلعفتني ،
شگد بُقيت مچلِب بمُكفاك؟
لحَدما ضل قميصك بيّن اِديه وماردتني
انه ذَنبي تعُودت وانتَ ذنبَك تيَّهتني .

 

[جنـوبـيـة♡]

اجيك مِن المَرض مَهزوم
و اشوف العافيّة بلونَك
عليّه مبين الخذلان
بَس ما خيّب ظنونَك
اني المَا عشِت ويّاك
و اني الميّت بدونَك