أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[جنـوبـيـة♡]

الليله كُلش مختنَك ياريت أمُوت
شعَندي عايَش؟
ضَامك بيّه وخَذوك

 

[جنـوبـيـة♡]

واستغرَبت مِثل الجديّد بگبرَة
ومُطرت الدنيَّا ، وگمت غيرَك ماأشوف
هالمرَّة أحِس مِشتاقلك .. فدمرَة .
- أحمد عاشور .

 

[جنـوبـيـة♡]

وأفك الشَبگة من بعيد أعلى شراع
أشبگك شَبگة
النسمات للنعناع
ولك ليش الروح يامدلولّ
يَمك تنشرّه وتِنباع ؟

 

[جنـوبـيـة♡]

انتَ لو شِفت السَواد الجوه عينيّ
ما مشيَّت
لو دريت شگالت الوادِم عليّ مِن فاركتني چا بچيَّت
شگد كِلتلك..
انه لو ما انتَ اضيّع ،
وچي كِلتلك هَلعفتني ،
شگد بُقيت مچلِب بمُكفاك؟
لحَدما ضل قميصك بيّن اِديه وماردتني
انه ذَنبي تعُودت وانتَ ذنبَك تيَّهتني .

 

[جنـوبـيـة♡]

اجيك مِن المَرض مَهزوم
و اشوف العافيّة بلونَك
عليّه مبين الخذلان
بَس ما خيّب ظنونَك
اني المَا عشِت ويّاك
و اني الميّت بدونَك

 

[جنـوبـيـة♡]

حَلفوني بعيني ما گلت الصَحيح
و حلفونِي بعينَك و ما چذبِت

 

[جنـوبـيـة♡]

من ذِكرتَك مَدري شِنهي صار بيه
رِجف گلبي وراد يشلَعلي الضِلع
وصِحت!
شو مَحد سِمعني
وللعِلم لَمَّن ذِكرتَك چان ليل
وصوت دَخان الجكاير ينسِمع.

 

[جنـوبـيـة♡]

شِرد أگول وريح المفارگ خذتنا
أتمنى تحَچين لبناتچ عن عشگنا؟

 

[جنـوبـيـة♡]

والله زَحمة
تذَكر ببالَك سوالِف
تترِس عيونَك دَمعتَك
تركض تعوف اصدقائَك
حَتى ترتاح بغرفتَك
تبقة تبچي
هواي تبچي
تحاوِل تگوم عَلى حيلَك
والنوب تحتار بوگفتَك.

 

[جنـوبـيـة♡]

يَ بَعد خيط النَفس مَيخالف
مُر عليه بغير بَسمه
بلا شلونك يَ حَبيبي
بغير حِس
مرني چَنّك مَا اِلك بيه عِرف
لا معاشرني أَمس
مُرني
بَس عاين إعَليه
وآنتَ ماشي
نَظرة عيونك ضوه يسولف هَمس
نَظرة مِن شاطي الكِحل
تمسح مرايات روحي
تجيسهن بوسة شَمس.