أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[جنـوبـيـة♡]

ولك ياگلبي كِلها تروحَلك فِدوة
عَليمَن باقي طُول الليل تتلّوه ؟

 

[اسير الروح]

شمعة انتي وانا دموع للشمعة صاير
عمري جزه تلاثين يا ام الضفاير

 

[جنـوبـيـة♡]

الحلوات ما يخرب كِحلهن دَمعاتهن بَس اعلىٰ خِلهن

 

[سومري]

ابشرك من يمرني الليل
بس انته بطواريه
وعلى كد الشتال مكابل انه وياك
من يخلص طرحنه نكعد شويه
خسارة تعوفني وتروح
خسارة وطن والتحكم حراميه

 

[شَمَّـمْ🤍]

”خليك بمكاني وعيش من دونك
‏وتخيل انسان تصير روحه بكلمة شلونك !“

 

[سُـوْࢪ مـن وࢪد]

أنت تدري الاورده المتفرعة بيدك
ڪلها متفࢪعـة بدمـاغي

 

[سومري]

هلا بعكال اهلنه وشارب الطيبين
هلا باللمع خده ودلَّ المتيهين

 

[جنـوبـيـة♡]

ما أدري أجرحك لو أداويك
حَنيني وثاري گامنلّك سوية

 

[جنـوبـيـة♡]

حنيت أرد لوكت
بيه أنت فد عاطفي
وتلمحلي بأغنية
شو هسة أكتب إلك
وأملي الرسايل حچي
وتردلي بشوية .

 

[جنـوبـيـة♡]

هَويت وَوهدنت رَوحي
بِسموم يفَرهد بِلونيّ
وبچيت وشَاخت عَيوني