أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[جنـوبـيـة♡]

انتِ يا جَرة كحل بعيون حلوه
و انتِ يا بزر الشكر والروح گهوة
و انتِ يا لفَة الشيلة ..
بمستحة وضحكة عجيز
لون شايبها يگلها بيوم فدوه .
-

 

[جنـوبـيـة♡]

يا أحلى خَاين
يَالمنَشف شَرايينّي
أُمنيتي أنسى الحَصَل
مَا بينَك وبينّي.

 

[سومري]

الحضن يوسعلك ويوسع جثير احباب
يمن دمنه على جدمك لو هدرته
تسقط الاسباب

 

[جنـوبـيـة♡]

لا تمر بخاطري مثل الغَريب
وانت صاحب دار وعيونك وطن.

 

[سومري]

شافوك بدليلي اوصلوها بساع
حلنا القضيه شلون نتعذر
كتلهم عزيز وعثر بالشريان
وعلى طاري السجن سوينه بيه محضر

 

[قمر]

شضايعلك وتلتفت ؟
شمأخوذ من گلبك !
چنك ولا جربت
من تخسر بحربك
من ترجع
بلا حلم ، لا صوت ، لا ذكرى
ماتلگة منك اثر
بس جرحك وعطرة
شگد عايش انتَ چذب وسنين ماتسوة
وايامك الـ (موصدگ)
ماتعرف شتنحسب
من عمرك الـ (مو الك) ؟
لو تنحسب عمرة !
شتريد تخسر بعد ؟
وشعندك تخسرة !
كل ماحظيت بولف
بگلبك حفر گبرة .

 

[فواز]

گبل مانلتقي ياحالي مو حال
ماطاحت جفوفي من الخواصر
ومن گد حيرتي وصفناتي باليل
خلصت الاصابع مو الاضافر

 

[سومري]

ضكت منكم حلاوة موت بالسام
وفيت الكم لما انذليت بالسوم
هويتك مو حبيب اصير بس أم
وشبكك كل صباح وكل مسية

 

[حياتي البصرة]

ريت الكلب بي باب ينطر تشوفه
ولو شفت غيرك بيه حك من تعوفه

 

[قمر]

شفت دفتر حياتي مطرز احــزان
وبــچيت هــواي يوم الـي قـريته
اول صـفحه بـيها اشــكال والوان
قــريت الثانـيه راح الــي هـويـته
ثالث صفحه دوخه وشدهت البال
قــــريت الــــرابعه ومــاكـمـلـيـته
شـمال الـخامسه شـتضملي الايـام
قـريت السـادسـه وبيـدي طـويــته
اذانـي زمـانـي وعـكس ويــاي
وهــمي لغـــير الله ماشـــكيته
انا ادري دنيا بيها هواي طيبين
زرعـت الطـيب ولامـره جـنيته ...