أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[رمااد اانسان]

بالگلب عندي الشوف أقوى من العيون
بإحساسي اشوف أهواي واتصوره شلون

 

[رمااد اانسان]

•وكت ابجي على ابعادك ... وكت ما
•وعهد مايوم اطش سرك ... وكت ما
•تدري اشوكت امل منك ... وكت ما
اموت ويلتهي الدفان بيه

 

[رمااد اانسان]

الدنيه بس عليه اجيب وشيل
لجرحي ما يفيد ازرار وشيل
صفيت وحتى دمع العين وشيل
الوكت والعوز والدنيه عليه

 

[رمااد اانسان]

اتمنه من الكاك مايمنه حاجوز
وشبع شبع جوعان مر بسنة عوز

 

[فواز]

خذت الگلب نصه وياك يوكل
وصديجي وياي الا بطمع ياكل
الاجه خلافي صعد على النخل ياكل
الملك ملكي ويمنعونه عليه

 

[فواز]

اشيلن طن حمل گلبي وحطن
المصايب چلچلن فوگي وحطن
الچنت اخذ من حلكي وبحلكه احطن
تركني ليش وخان بيه

 

[فواز]

الگصب لو مات ماينذب يرد ناي
الهلي تيهت ماواحد يردناي
ابد لاتمسح المدمع يردناي
اريد اعمى وتگود الناس بيه

 

[فواز]

بعد مااريد اعيش ولا يوم
وابد لا تبجين على وج يوم
انا الصاحي عمر ومانمت يوم
تاليها لنايم صفت مو لية

 

[فواز]

بعرس رحنا ويدگ الطبل رد ناي
وعلى ولفي شگگيت اثنين ردناي
ياللهي ابداعت العباس رناي
لبطن امي ويصير اسقاط بية

 

[رمااد اانسان]

خفف يا لهيب جفاك. بي شاب
خويت وحتى رمش العين بي شاب
الكلب بجفاك جن تابوت بي شاب
وحيد أمه وتخيل نوح بيه