اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

روووعه لانا


))))

اني مو كَلبي يحبك
آني روحي كولهه بيك
آني مجنون بهواك
وكَلبي هم ميت عليك
والله لو ينطوني دنيه
أترك الدنيا وأجيك
ومهم مهم عندي الكلام
المهم عندي حجيك
يله انسى ياحبيبي
وخلي اديه بين ايديك
وخلي كل الناس تعرف
مالك بكَلبي شريك
انته وحدك ياحبيبي
الكَلب ذايب عليك

)))

قلمي

 

[اسير الضمير]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ماضلت صداقه شبيهه هاي الناس
الكلوب تغيرت والناس مختلفه
جان الصاحب من يغيب لحضات
ياخذ روحنه والعقل يسلبه
ندري الوكت تغير هواي
وانتهت كل المشاعر وراحت اللهفه
وما اعيب الوكت والعن زمنه
ما نعرف نميز ضاعت الصحبه
بقلمي الان
وينك ياصديقي طال الغياب
ماغفت عيني عليك تنطر عله الباب
قلمي
كنت هنا
ع ع ب
تحياتي

 

["شہــاه زنـــان"]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ما اجــرح بـشر لــو كُــلي اصير جروح
ولا اكـره شـخــص فـــد يــوم اذانــي ْ
شكد صعبه البشر ينجرح جرح ألسان
ومــا أكــدر أخــلــي أمواسه بلساني ْ
لان طــبــع أليــسامح كلبه أبيض دوم
والله اليــدري ألــي بكــلبــي على لــساني




مو قلمي .....

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

روحي تصيح كَبلك لو صحتها الآآآه

ونبضات الكَلب تصرخ فديتك

بعت كلشي بحياتي وما خسرت اوياك

وماندمان ياعمري اشتريتك

اشتريتك بالعمر والسهر والآهاات

مو بالمال ياروحي خذيتك

وشلت عنك حزن لا ما تشيله اجبال

وحفظت اسرار كَلبي وما حجيتك

وجنت أكَدر أسوي أشكال وأشكال

وآنه الكاتبك بس ما قريتك

لان شفتك براءة وتسكن الروح

ولهذا السبب والله هويتك

)))

قلمي
تراتيل

 

[madness man]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

يـــ هلبت جيت

يـــ هلبت صابك الشوك وعلي حنيت

يهل الماشي اعلى الدرب الليل

كلي اشلون ماحسيت

خذت مني عمر

مليان كومة اشواق

عجيبة اشلون مارديت





بــ قلمي

 

["شہــاه زنـــان"]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

.
.
.
موصوچهم
صوچي أستحي!
لا والمصيبه شگد چنت
كلش مصدگ بيهم!
المفروض أعاملهم مثل
ماغيري منطيهم ظهر
مو مال عين انطيهم!.
.
.
.حلووو قلمك بلشعبي استمر mάđηέşş mάη

 

[madness man]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

أخ !!!
يـــــا ناعـــور ليلـــي ...
خلصت عمـــرك تفر !!!
الناس تشـــرب من أديك ....
وانت مشروبــــك صبـــر ...




بقلمي






يحلي ايامج بالخير شاه زنان
شكراً ياطيبة

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

أحس حتى الزمن يجرحنا بموس البعد

محسودة علة ضحكتي وياه وهي بس صوت

اشم ريحة فراك وشوك تارسها ريتي

بعده عشكنا طفل يشتم ريحه تابوت

بقلمي

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ما أكتب أبد وتكسرت الأقلام
وإنته ياحبيبي كلشي ما تقره

يله مو مهم المهم انته إوياي
وتعشكَني بعد مو مره الف مره

ونخلصهه الليالي نحجي الاشواق
ووياك الحجي محلاه بالسهره

ونتعارك حبيبي مكامش من الروس
وبحجة شقى انطيك الف دفره

ويعجبني احترامك من تكَولن لا
تدفرني نعم وما ارجع الدفره

هههه

فدوه لاحترامه كلشي بالكون
ويمن فدوه الكَلب لشفافه الحمره

مجنون بغرامه كلش وولهان
وما اصبر عليه وكَلبي شيصبره

من بيه التقي والايد بالايد
وتكون المسافه نص ربع متره

احس انفاسه نار وتشتعل بالروح
ونذوب اثنينه بالحضنه والعصره

وما يبقى أبد محضور بالكون
كلش ننطلق ونمحيهه الحسره

يعني المختصر ماينكتب ياناس
بس ممكن طلاسم نكَدر نذكره

ولك تبقى طلاسم ياحبيبي وياك؟
مبين بالعيون شصار واليجره

من لمعة عيونك والشعر منثور
ومن دكَمة قميصك الانفتح صدره

وانا معدل ثيابك بس اشاقيك
تدريني الغصن لأوراقك الخضره

ابقالك جذر ياعمري للموت
ومن غير الجذر متعيش أبد شجره

))))

قلمي

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

قررت انساك هسه

وقررت أنسى العشكَـ

واكتبت عالقصة تمت

يعني لازم نفتركَـ

ورحت عنك للبعيد

وكَلت أعشكَـ من جديد

طلعت غلطان بظنوني

من كَلتلكَـ نفتركَـ

إنته وسط الكَلب عايش

إنته يا أجمل عشكَـ

)))

قلمي
الآن