اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

[✿قہہمہہر✿]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول



ضايع ادور عليك شلون اشوفنك

ادري مكانك وين مو ارد اسمعنك

حب الام الولدها انه احبنك

بعد كل هذا كلي شلون اتركنك

انه مو بس احبك انه اعشكنك

وتسوة كل دنيتي ناسي وهلي واهلك

يا شمعه كليبي لاتظن انه اشعلنك

مو خايف انت اذوب واحتار شلون المنك

يابعد هالروح بدمي تجري احسنك

وتمنيت انت ورده وبس انه اشمنك

اروحلك فدوة لا تظن انه اعوفنك

وذا انت عفتني صدك بيدي اموتنك

يكلي انه بكلمة وحده اشلنك

كتله انه بنظره وحده اضيعنك

غرورك وكبرياءك صدك ماينفعنك

وادري انت تحبني

وخايف انه اعوفنك

بقلمي وكلش قديمه ههههه

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

شنو هاي عيني؟ طلعنا شعراء؟ هههههه

جداً حلووووه وعاش هالقلم

لي عودة

)))

 

[✿قہہمہہر✿]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ههههههه اي شنثوي محاولات هههههه

 

[yara7]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

تعال احبك
تعال احبك واموت بحبك عشكَ
تعال اضمك ضمة تكسر ضلوعك ضلع ضلع
تعال اشمك واشم ريحة هوآآك الي ترد الروح للمختنك
تعال ابوسك واشلع شفافك شلع
تعال بس تعال
وراح احبك حب ماصار ولا بعمره البشر بيه سمع

وشيكرن
شنو بس انتو تكتبون هاي اني بالمطبخ ودااكلي دجاجة فدوة مربربة وسمينة وكتبت

 

[رمااد اانسان]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

عطش صايم عليك الكلب عطشان
يتامل فطوره بصوت الاذان
وانا اتامل اشوفك واكتل الحرمان
ونكعد وسولفلك حكاوي كان ماكان
واضحك وطرز ليلي بالنظرات
واكتب ذكرياتي ابفرح عالحيطان
وشبك خصرك الناحل ويه المتون
وانعل ابو ابليسك والعن الشيطان
رمااد اانسان

 

["شہــاه زنـــان"]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

.
.
.
‏صوتك
مااااي
يالبهداي
من تحجي انحسب مفطر

 

["شہــاه زنـــان"]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

عـاجبنـي البـلـم ..!
ينطـي النهــر مگفــاه ..
يدري بـروحــه ،،
من ينطــي الــوجــه ،،
يغــرگ ..!مو قلمي بس يعجبني أشارك خبااثه يعني

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

خلي نحشش أحسن ههههه

)))

انت يا أجمل أميره
انتي يابدر البدور

كَلبي ولهان بمحبتج
وروحي يمج هالتدور

كلشي بيج آني أحبه
حتى مرات الغرور

من تغيبين وحياتج
يختفي مني السرور

وما تظل بكَلبي فرحة
غير لوعاته التفور

وتبقى عيني يم صفحتج
هناك يم آخر ظهور

وانذر لجيتج صواني
ومني ملت هالنذور

أنذر وأنسى النذرته
وما بقى بعقلي شعور

عقلي ضايع مني ضايع
عقلي محتار بامور

وحده من أكتب خواطر
ابقى ناطر للمرور

ويامرور الدمرتني
يسلموو.. وهذا المرور؟

عمي هو شنكتب احنه
غير الكم يازهور؟؟

يعني نعصر بالكَلوب
حتى نكتب هالشعور

وانتم ابلا رحمه منكم
يسلموو يصير الحضور؟

امشي روحي ولي عني
مو بحاجة هالمرور

يكفي انتي بوسط كَلبي
يكفي وحدج بالصدور

هههههههه

)))

بقلم
تراتيل الآن

 

["شہــاه زنـــان"]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

)))انت يا أجمل أميره انتي يابدر البدور

ههههههه حلؤؤؤ هل التحشيش وقلمك رائع

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

شكراً يسلموو هههه

قلمج الأجمل


)))