اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

[رمااد اانسان]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

جميل اهواي يعجبني مرورك
احسنك صدك مرتاح وزوينه امورك
اريد اوياك اتغازل واريد اعرف شعورك
احسنك عني مبعد والسبب شنهو ابنفورك
هذا حسيته ابكلامه هذا حسيته بسطورك

 

[yara7]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

شمسوي هالأسمر بية
كَلبي حبه موبيدية
بنظرة وحدة منه إلية
انسى شعور الأذية
واحسه نعمة واجمل هدية
بغيابه اذبل مثل الورد وبحضوره حتى الورد ياخذ تحية
يالأسمر حبك يزيد بداخلي شوية شوية
مثل جرعة عمر تنضاف الية
واحبك اني واكول بعد حبني وخل حبك يكون بس الية
يااسمر حطني بنص الكَلب وخل عينك بس علية
ترى نظرة منك لغيري صدكني تكون أكبر أذية
خلنا نصير انا وياك روحين بجسد ونبقى هيج
العمر كله سوية
العمر كله سوية
وبقلمي بعد شتريدون

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

آم آيه .. قلمج روووعه

عاشووو

لي عودة

))))

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

تعال لخاطري ما احمل فراك
تعال لخاطري وفرح هالعيون

تدريني بدونك عايش الآآآآه
جنني العشك وخلاني مجنون

غالي وانته تعرف شنهو معناك
يهون الكون عندي وانته متهون

انته بداخلي تنبض مع الروح
واسمك جوه كَلبي والله مسكون

تفتني بحضورك وانصهر بيك
واذوبن بيك والله وكلي مفتون

واغركَـ مع انفاسك وانعجن بيك
وعلى غفلة حبيبي نصفى معجون

هيج أحلى العشكَـ من امتزج بيك
لا تزعل حبيبي اليعشكَـ يمون

)))

تراتيل

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

لو ردت تمر ارجوك مر بلاية صوت
اخاف خطواتك تفزز هاي لجروح
لان بعدك سجن يحبس الانفاس
ومخنوكة السوالف ونار لكلب تفوح

احنا روحين بجسد واحد تعيش
شلون تترك ولفك وهيج تروح
بقلمي

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

روووعات تاج

))))


أظل احركَـ بروحي من أشوفك جاي
وتذوب الروح كولهه من أحاجيك

حقهه الروح لو ذابت يغالي اوياك
وانته الرقة بيك بكل معانيك

أظل اتأملك والعقل محتار
حاير بالوصف وبشنهو أسميك

طعم تفاح انته والعطر ياس
ويمكن هالوصف أصغر أساميك

وشفتك والخصر والخد والعيون
والطول الحلو وهمسة محاجيك

يحتار الوصف ياحلو الأوصاف
ولهذا السبب ذاب الكَلب بيك
)))

تراتيل

 

[تراتيل عاشق]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول


للحضور وللغياب
ليمها ممنوع اقتراب
هاي البنيه احبها
والكَلب من حبها ذاب
هي عمري وكل وحياتي
هي أجمل امنياتي
هيج من الله أحبها
وشفت الوان العذاب
ليمها ممنوع اقتراب
)))
جنت احلم من زمان
ببنيه مليانه حنان
والمشكله بس هي تملك
أعذب انهار الحنان
كلشي بيها نبع صافي
الكَلب طيب ودافي
واني تدروني وكيح
وبالغزل جداً صريح
وهي فدوه اشكد خجوله
ويروح من عدهه التكَوله
بأول حجاية غزل
يبدي وياها الخجل
وجانت محضره كلااام
قبل لا نبدي الهيام
هو هم يبقى كلام؟
واحنه باحضان الغرام
العيون البينه تحجي
والشفايف هي تشكي
والايدين الشابجات
والاصابع ذايبات
واحنه باول بوسه ذبنه
وعن وعينه اهوايه غبنه
وما صحينه اله واحنه
كل جزء من عدنه ذاب
آآآآه ياناااار الشباب
ههههه

)))

تراتيل

 

[كناري]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

عله هونك ضعيف مجرح الدلال مروتك لاملخ جر.جره.جره .. اشو گتلك عطش عود اشتكيت الحال نهر وصلك نشف كل يومين ذب گطره .. آنه ابعمري سوالف ماطرت عالبال الملمهن وضمهن وكظم الحسره .. قصتي ويه الوكت كلفه وتهد اجبال اريدك شامخ بعيني، گلبك ماردت كسره .. اضربلك مثل وضاربت لمثال مثل قصتي غرامك چنه انعادت الكره .. موتني هواك،، ونته الصرت چتال چتيل الشوگ مات وما حسب عمره .. ليش اتروح، موتدري آني هواك موتدري بجفاكم همي يكتلني .. موگتلك أحبك ونته بيه تعيش موگتلي هواكم خاطري وضني .. يالوجهك حلووو يشبه حلات صباك يالبطولك الاهي شكثر دللني .. ما اگدر اعوفك هوه انته هم تنعاف هم لحظه نسيتك لو بطل وني .. روح مسامحك بس عندي وحده وياك تريد أنساك. چا خليت ،،ركزه ،،ومره،، زعلني​

 

[نبض الحنين]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

كبرت ابعينهم وبعيني صرت اصغر
وكمت كشايه اشوفن طولك اليسحل
وعلمتك كلتلك بالعشك لتروح
زايد بس رحت من غير ما تسال
وزعلت الورد والتارسك زينات
وبالمايسوه كمت الصلحي تتوسل
وجت من يمي هسه انساك حته ارتاح
كافي بكل زعل بجنازتي اتخيل
جبت عمري اجامل شمس واني ادري
هم تبرد تره وبالغيم تتختل
وعليمن انحرج من شكلي يم اهلي
وعلى يا مال افتح ورده للمنجل
وعليمن لو كمت واكع بعين الناس
وتحمل فشلتي وطولي لمعدل
اريد اليوم احجي وما اغص بجفاك
اريد ارجع حيدر الكشخه لمدلل
اريد ارجع هذاك الصيته عابر غيم
ونده جان الورده من ضحكه يتبلل

بقلمي

 

[كناري]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

اااااه شكثر حسرات مرن على الروح


​