سوالف اهلنا ( الموروث من الشعر الشعبي )

[رمااد اانسان]

رؤؤؤؤؤؤؤؤؤؤؤؤؤؤعة يسلمووووووو على المجهود والانتقاء

 

[madness man]

منذ خمسين عاما والناس تستمع_ لأغنية "ميحانة" للراحل الكبير ناظم الغزالي ، ولم تعرف معنى هذه الكلمة بالذات ...

يحكى أن شاباً عراقياً من مدينة (المسيّب) العراقية التي يشطرها نهر الفرات نصفين بين مدن بغداد وكربلاء والحلة.. كان يملك قارب صغير يجوب به نهر الفرات يتنقل وينقل فيه الحيوانات، والحبوب وغيرها.
أعتاد هذا الشاب بصوته الجميل الغناء أثناء تنقله بقاربه فكان الناس يقفون على شاطئ النهر مستمعين لصوته الأخّاذ، فنشأت قصة حب شديدة بين الشاب وفتاة ريفية اعتادت نقل الماء من ضفاف النهر إلى منزلها.
لم يكن يعلم بقصة حبهما سوى صديقتها "ميحانة" التي كانت تشجعها على الإفصاح بحبها له رغم أنها تعي جيدآ بأن هذا الشاب كان يبادلها الحب لكنها تخشى أن يعلم الناس بقصتها.
بعد مرور مدة من الزمن حدثت حادثة أودت بحياة هذا الشاب!.. فحزنت محبوبته عليه حزنا شديداً.. وفي إحدى الأيام كانت تلك الفتاة جالسة على ضفة الشاطئ تغسل الأواني قرب جسر المسيب التاريخي، فمر القارب الذي اعتاد محبوبها ركوبه، مروراً صامتا خالياً من حبيبها ومن صوته الجميل، فأحزنها وهيج عليها الذكريات، فالتفتت على صديقتها "ميحانة" وكانت الشمس توشك على الغروب وانشدت هذه الفتاة الريفية منادية صديقتها: ميحانه ميحانه ،
غابت شمسنه َ والحلو ما جانه ،
حياك . حياك بابا حياك ...



من مدونة الطيبة @

جـنـوبـيـة♡​

 

[madness man]

رؤؤؤؤؤؤؤؤؤؤؤؤؤؤعة يسلمووووووو على المجهود والانتقاء

منو رماد
كل الهلا

 

[madness man]

أشرس انتقام لإمرأة عاشقة في التاريخ
والانتقام الذي يعد الأكثر قسوة في صفحات التاريخ جميعها
انتقام أولجا (Revenge of Olga )
تم اغتيال الأمير (ايجور روريك) امير كييف عام 945 م ، علي يد قبيلة تعيش بشرق أوروبا تسمي قبيلة (الدريفليان) فقد قاموا بثني شجرتين حتي تقابلاتا ومن ثم ربطوه بينهما ، ثم أفلتوا الشجرتين والذي أدي الي انشطار جسده نصفين وتناثرت دماؤه
بعد اغتياله ، تولت زوجته الأميرة أولجا الحكم ، وقامت حينها قبيلة الدريفليان بارسال افضل رجالها حتي يتم اقناعها بالزواج من اميرهم ، والذي كان يطمح الي حكم كييف والسيطرة علي عرشها وليس هياما بجمالها
انتقمت أولجا لزوجها ودفنت هؤلاء الرجال الرسل أحياء ،ثم أرسلت رسول من عندها للأمير (مال) زعيم قبيلة الدريفليان لتبلغه أنها وافقت علي الزواج منه .. وادعت أنها احتجزت أفضل رجاله ليتجولوا بين شعبها بالشوارع تمهيدا لخبر زواجها منه وتريد المزيد من رجال الدريفليان الشجعان
وصل رجاله الي مدينتها كييف ، الي قلعة الملكة التي رحبت بهم واكرمتهم ثم حبستهم بقلعتها ، وانهت حياتهم حرقا أحياء .. في هذا الوقت خططت اولجا لعزاء مهيب لزوجها ، والذي دعت فيه الكثير من الدريفليان و جنودهم تارا انقض جنودها علي الدريفليان وذبحوا 5000 جندي من الذين شاركوا في العزاء .
بهذا قضت أولجا علي افضل رجال الدريفليان ، واستعدت بجيوشها لغزو الدريفليان لتقضي علي بقيتهم فقامت بالفعل بحصارهم ، واثناء الحصار توسلها اهل الدريفليان لتتركهم احياء مقابل انتاجهم من العسل
قررت العفو عنهم مقابل 3 من طيور الحمام من كل منزل ، حتي يدوم ذكرها في الدريفليان بما فعلته باسيادهم بعد قتل ايجور زوجها علي يدهم
وافق اهل الدريفليان علي هذا الشرط واندهشوا له .. لكن لم يدم اندهاشهم طويلا ، فبعد تسليمها الطيور قام جنودها بربط قطعة قماش مشتعلة مغطاة بمادة الكبريت مربوط بخيط طويل بعض الشئ في أقدام الطيور وتركتهم ليعودوا لأعشاشهم في بيوت المزارعين بالمدينة لتحرقها بالكامل
وأثناء هروب أهل المدينة أمرت أولجا جنودها بالقبض عليهم، بعضهم قُتل وبعضهم أصبحوا عبيدًا
وبهذا قضت أولجا علي قبيلة كاملة انتقاما لزوجها الذي عشقته كما تروي صفحات التاريخ

 

[madness man]

قالت حمدية لحمد
على لسان الشاعر الكبير مظفر النواب
مرينه بيكم حمد وإحنا بقطار الليل
وسمعنه دگ إكهوَة
وشمينه ريحة هيل.
ثم عادت حمدية تقول لحمد
*فرينا منهم حمد وإحنه بتوالي الليل*
*وسمعنه صوت القصف،،،، ومسمعنه صوت الريل*
*ياحمد فر الگطا والزرع شاف الويل*
*ولگينه كل الفلح ترگص تدگ بالليل*
*لا ظگنه طعم كهوة، ، ولا ظگنه طعم الهيل*
*ياحمد *شنهو الجرى،،،،،*
*ويا حمد وين الحيل.؟*
*فيرد عليها حمد:*
*حمدية شااااال الفرح حمدية شاااال بليل..*
*ولا بينا مر السعد ولا بينا مر الريل*
*حمدية عوفي الفرح،، حمدية مااااظل حيييل*
*شفناالمصايب ترى،،،، ويه القهر والويل..*

 

[madness man]

يكَول كاظم أسماعيل الكَاطع


انه وطرواك طاحونة هوه
يفرنه الهوه العالي
ياشارع يلمني بليل
مامش ّ بيت من اسوالفك خالي...

 

[madness man]

سليمة اللّي تطمــك ..
تداول العراقيون مصطلح في أغلب المناطق الشعبيه خاصة
بغداد القديمه هو : (سليمة أللي تطمك)
وهناك الكثير سمعوها لكن لايعرفون مصدرها وماهو تفسير ذلك :
يفعل الكثير من صغار السن في العوائل العراقيه بعضاً من المخالفات لدى عوائلهم او جيرانهم ،
وتردد النساء كبار السن هذه العباره المتداوله منذ سنين طويله
(وصف سليمة)
سليمه ،هي منطقة في جزيرة مالطا ،
كانت تستخدم للعقاب ايام الدولة العثمانيه ،
فهي عقوبة صارمه الى أن يبقى الشخص منفياً فيها ويدفن هناك
لذا أعقبت كلمة سليمة بكلمة ( تطمك ) وتعني تدفنك او تقبرك ،
وهي من المناطق الرديئه والصعبه في حينه
نتيجة التطور الحضاري ومغادرة الاستعمار العثماني جزيرة مالطا،
أصبحت (سليمة) من المناطق السياحيه الراقيه والتي يرتادها السواح من جميع العالم

 

[madness man]

ايگولــون واصلــة لأبــو مــوزة
من هو أبو موزة؟ وليش انگــول واصله لأبو موزة عند المصائب والشجارات القوية؟
وٲصـل القصـة هئي ...
يُگولون اكو رجُل كنيتهُ (ابو موزة) نسبةً لابنتهِ التي اسمها موزة
وهو من سكنة بغداد وكانَ بيتهُ على نهر دجلة،
وكانَ من اعلى البيوت قياساً ببيوت المنطقة
ومن غرگت بغداد في الخمسينيات،
وصعدَ منسوب الماي ركضت الناس من خوفها
وكُل شخص يسأل: ( شنهو الصار واين وصل الماي ) يگله : واصلة لأبو موزة
يعني بيت ابو موزة غرگ شلون حال بقية البيوت؟!
وبقت هذه الكلمة تتردد لحد الآن، عند المصايب والمشاكل... أي واصلة إلى قمتها...
(واصلــة لٲبــو مــوزة)

 

[madness man]

بزمان گبل جان اكو شيخ عشيرة حيل متعبينه عمامه مشاكل وطلايب وهو حاير يرحل ويعوفهم لو يكت.. لهم لو يتحمل مشاكلهم
و يوم من الايام گعد الشيخ الصبح حيل مغثوث ايدور شخص يشكيله راح يم جرف الشط عنده شيخ صديقه بالجهة الثانية وگف على الجرف وگام ايصيح بصوت عالي شيخ فلان شيخ فلان طلع الگهوچي مال الشيخ شافه رجع للشيخ گله محفوظ هذا رفيجك شيخ فلان ايناديك اعبرله بالبلم اجيبة الشيخ كله لا بابا هذا شيخ و اني اعبرله اجيبه
الشيخ ركب البلم وعبر للصوب الثاني حتى ايعبر الشيخ صعده بالبلم وعبر الشط من وصلو للصوب الثاني كله رجعني رجعه و من وصل للجرف كله لا اخذني يمك وكرر الحاله اكثر من خمس مرات والشيخ متحمل وساكت لحد ما عبرو ودخلو المضيف وقاموله بواجب الضيافه والشيخ ساكت ماحجه الي بي الگهوجي سأل الشيخ كله محفوظ من ركبتو البلم كمت توصل الجرف وترجع ليش
الشيخ ردله كله ابني هذا الشيخ عنده مشكله ومتردد مايكدر يحجيها هذا الشيخ عمامه متعبينه وحاير شيسوي واجاني ايريد يستشيرني دز الكهوچي كاله بابا جيب س. يفي وعباتي وقدمهن للشيخ هدية كاله اخذ هديتك بهاي اللحظه الشيخ فكر وقرر ياخذ العباية وعرف الشيخ شنو يقصد بهديته للسيف والعبايه وعرف شنو النصيحة الي قدمها اله الشيخ وكاله شيخ رجعني لديرتي ورجعه •
بهاي اللحظه الگهوجي رجع سأل الشيخ كاله محفوظ شلون عرفت هذا الشيخ عنده مشكلة ويه عمامه وليش قدمتله سيفك وعباتك وليش اخذ العباية وعاف الس يف .......
رد عليه الشيخ گاله ابني من شفته حاير ومتردد عرفت عنده حجي والمشكلة ويه عمامه لان مايريد يفضح عمامه ويخرب سمعتهم
ومن قدمتله الس. يف والعباية شفته حاير ويفكر بالرحيل عنهم وانطيته حلين لو يقات.. لهم لو يجمعهم ويصبر عليهم
گاله اخذ العبايه وعرف انو لازم يجمعهم
رباط سالفتنه
الي ايريد ايصير شيخ ويصدر المشهد لازم يجمع عمامه ويسمع منهم ويحترمهم ويصبر عليهم ويصلح بينهم مو ايفرقهم ويسلط عليهم ويتكبر عليهم
ويقول الشاعر
السيف لولا الجنايد ثكيل ما ينشال
ويضيع دمه هدرالماوراه ارجال
وسلامتكم

 

[madness man]

قصة صارت في الخمسينات وفي احدى درابين بغداد.
اكو رجال اسمه حجي (حمزة) كاعد في مناطق بغداد الشعبية القديمة طلع الصبح من بيته رايح لمحل رزقه، ب الباب صاحت له زوجته (الحجية) وكلت له انه الدهن الحر خلص من البيت، كللها بس يوصل الى محله يدز لها الصانع وهي تنطيه (الجدرية) النحاسية الچبيرة حتى يأخذها لبياع الدهن في الشورجة يجهزه بـ (حگه) دهن ( دار الكلام بين حجي حمزة وزوجته الحجية عند مرور احد الغرباء والي يمتهن مهنة النصب والاحتيال ) باللغة العامية نسميه اليوم ( قفا.. ص 56 ) .
وفعلا، ورة ربع ساعة اندكت باب الحوش جاوبت (الحجية) من الحوش: منو ..؟ سلم عليها شخص وقال لها:
دزني الحجي عَ الجدرية حتى أجيب الكم دهن حُر
كامت (الحجية) و جابت الجدرية من المطبخ وسلمتها له وكانت الجدرية كلش كبيرة ومن الصفر الخالص النادر.
راح القفا.. ص بها إلى دكان بائع الدهن، و بلغه أن الحاج (حمزة) دزه اله حتى يملأ الجدرية بـ (حگتين) من الدهن الحرّ ومن النوع الجيد، كمل بائع الدهن طلبه بسرعة وملأ الجدرية.
ورة نص ساعة اجه الصانع الأصلي لل (الحجية) وطلب منها الجدرية حتى يمليها بالدهن حسب توصية عمّه، فتفاجأت الحاجة، و گالت له:
يمه.. ليش انته مو أخذت الجدرية قبل شوية ..؟
رجع الصانع وابلغ الحاج (حمزة) فقصد هذا لبايع الدهن الي بلغه أن شخص اجه بجدريتهم نفسها والتي يعرفها وملاها بـحگتين من الدهن الحرّ ومن النوع الزين فدفع الحجي سعر الدهن وراحت الجدرية وهو الممنون ..!
وبعد 3 اسابيع دگ شخص باب دار حجي (حمزة) وهم جاوبته الحجية من ورة الباب مثل ما هي عادتنا قبل
منو انت وشتريد ؟
كللها: حجية.. الحرامي اللي باكـَ الجدرية والدهن، قبضت عليه الشرطة وهو هسه بالسجن وطلبوا من الحجي يحضر حتى يتعرف عليه، والحجي دزني يريد العباية (الچاسبي) وهاي نوع غاليي من العبي الرجالية حتى يروح بيها لمركز الشرطة.
عاد (الحجية) طيبة الگلب راحت جابت العباية الغالية وتسلمها لنفس ( القفا.. ص 56 ) ليأخذها مثل أخذ هو نفسه الجدرية والدهن ودار وجهة واختفى وهو فرحان بالغنيمة

منقول بتصرف