سوالف اهلنا ( الموروث من الشعر الشعبي )

[madness man]

اكو شايب گال لأولاده اليريد يزوج ومستحي
خل يخلي اعگاله عالدرج واني افتهمه
گعد الصبح لگه
3 عگل وقراصة

مدري عليمن جبناها
شني نايمن كاعدين

 

[madness man]

قصة اغنية الريل وحمد
‎كان مظفر النواب مسافرا بالدرجة الثالثة في القطار ..
وكانت تجلس امامه امراة اربعينية جميلة الملامح كانت المراة متعبه وتجافي عيونها النوم ..
فتحدث معها وحكت له قصتها
‎كان القطار يمر بقرية تسمى ام الشامات .
فكان يبطيء وﻻ يتوقف ..
وفي هذه القرية احبت هذه المراة ابن عمها ..
واشتهر حبهما ..
وحسب العادات واﻻعراف القبلية .. ﻻ يجوز تزويجهما فاضطرت المراة للهرب الى بغداد ..
وعاشت حياتها هناك
‎وكلما صعدت قطار الجنوب ومر القطار بهذه القرية ..
يمر بمضيف حبيبها ..
فتعود الذكريات وهكذا تراءت الصور الشعرية امام شاعرنا ليصف مشاعرها فيبتدءها بالمطلع ..
‎مرينا بيكم حمد واحنا بقطار الليل ..
‎واسمعنا دك اكهوة وشمينا ريحة هيل .
‎وتنتقل لمخاطبة القطار وتطلب منه انه يمشي ببطئ
حتى تظل اطول فترة ممكنة بقرب حبيبها بحجة انها خائفة من القطار لايكعد ( الكطه )
وهو طير بري يشبه الدجاج الي عايش تحت( حدر ) السنابل من النوم
‎وتكله ... ياريل صيح بقهر
‎صيحة عشك ياريل
‎هودر هواهم ولك
‎حدر السنابل كطة ...
‎ وتشكي للقطار من حبها الي طلع كذاب ( دغش )
وحبيبها الي تركها تتحمل ثمن حبهم لوحدها طول العمر
‎( ياريل طلعوا دغش والعشك جذابي .
‎دگ بيه طول العمر مايطفة عطابي
‎تتوالف وية الدرب وترابك ترابي
‎هودر هواهم ولك حدر السنابل گطه

 

[madness man]

يلا نرجع نفعل هذا الموضوع

 

[madness man]

كان السلاح في زمن الطيبين
ام اعريف
برنو
باشيه
مطموسه
برشوت
صليب
ام الدلعه
طليعه
تنبل
وكثير منهن لم يذكرني اسمائهن

 

[madness man]

سؤال
الدوسه مال المسحاه يسرى لو يمنى،،

 

[madness man]

ليش ....
من گتلك بساتين البروحي تريد فيك عاندتني..؟
وليش ....
من گتلك تعال نصير للدنيه ورد ما طاوعتني ..؟
وليش ....
من بعت الاحبهم واشتريتك ...
أنته أول ما حچوا عني بعتني ..؟

 

[madness man]

عفيه خشم شگد شايل

 

[madness man]

من هور الاگرع للوصول الى العديل .......
يذكر الكاتب سلمان كيوش :
شقت طرادة الشيخ جاسم محمد العريبي طريقها باصرار ،
اوقفته سرب الغربان وتحليق الططوة ،قال احد الدوافيع السمران : محفوظ خلنا نرد ......هاي عرضة ....اوما الشيخ جاسم باصبعه مشيرا بالرفض ، وغربت الطرادة بالرغم من عذوبة الهواء وصفو السماء الموشك ان يكون فردوسيا في صباح عام 1943 تسلل طاري الموت الى قلب الشيخ جاسم ،فقال : انا راح اودعكم .....فرد عليه بعض الحوشية : اغديلك فدوة محفوظ خلنا نرد ترى گلبي نغزني !!!!!!
كرر رفضة جاسم ،وحين وصل الشيخ جاسم مضيفة طلب من احدى زوجاتة ان تاتي بقاطة الابيض ارتداه بسرعة ووضع على صدره حزامين عريضين للعتاد وركز بصره على بندقيتة اسمها ماسورة الانگريزية وامر حاشيتة باحضار المغانية ،وبأقل من ساعة حضر سيد فالح بن سيد جثير الناجي وجويسم بن كاظم الهليچي ومعهما گريري السلمان ؛قالوا له عونك محفوظ
قال الشيخ جاسم عندي عتبة وي الموت ؟؟؟؟؟؟
قال جويسم : وينة الموت محفوظ ماالنة حيلة ؟
ركب الشيخ طرادتة وحده وركب المغانية الثلاثة في طرادة اخرى ....قال احد الدوافيع : محفوظ وين النية
قال الشيخ :لمسيعيدة ؟
فقال سيد فالح مازحا :ايه .....عزرايبن بمسيعيدة يو يگضينة يو گاضينة ؟
غربت الطراريد عن مضيفة قال الشيخ جاسم : انا سويعة واموت اريدكم تغنون علية ،بالله احلفكم شتگولون من اموت ؟؟؟
قال جويسم : محفوظ انت طايف عليك طيف ؟؟
رد عليه الباشا : لا وروح ابوك سويعة واموت ....دأب الحزن على وجوه محبيه والدوافيع كانوا يبحلگون في وجهه ....
قال احد مرافقيه : محفوظ گول غيرها
قال الشيخ : خايبين لحگوا علية عزرايين يتراوالي ؟؟؟؟
فطلب الشيخ من المغانية ان يغنوا ؟؟؟
قال جويسم لسيد فالح : سيد انت ون اول هيل
نظر سيد فالح باتجاه السماء وانزل طرف عينة على الشيخ وادنى طرادتة من الشيخ جاسم وغنى ابو اذية حتى الطيور حنت عليه والبجع والجهاليل واللقالق يودعن باجنحتهن
زمانك خلبص الصافي وشرباك
عبن مابيك عيلة وشرباك
يجاسم لويصح بيدي وشرباك
دوه لعلتك لچن مايصح بدية
بكى الدوافيع بحرگة وطلب جاسم منهم الكف وقال لهم :تلحگون عالبواچي ........
مسح عينة الشيخ جاسم ونشغ نشغة لكي يعيد صوتة ،وقال لجويسم وانت ياجويسم شتگول ؟
قال جويسم : انت وي الگمر طالع ويهلك
وعساه الغيظك يمرض ويهلك
الشيخة تلوگلك انت ويهلك
منك مااجت للناس اذية .......
زحفت الصفرة الى بياض عينة وزاد وهنة ،فثغب بلوعة يايابة ياروحي ؟؟؟؟ حين تعالى الثغيب الجماعي .....
تلاح للدوافيع نخلات مسيعيدة واسرعوا الدوافيع بمجاديفهم ،لفت نظر الشيخ الى گريري وقال له :وانت شو خانس ،عند ذلك نهض گريري السلمان بفزعة واخذ يطگ بكفة على دفة الطرادة بايقاع منسجم مع اغنيتة :
لاتگولونش مات يشمت عدوه .....فرد عليه الجميع :مامات عدل ؟
موش بيدي الموت بيد الله گوة
مامات عدل .....مامات عدل
حين وصلوا الى سوق مسيعيدة تجمهر عليهم الناس وهناك قال الشيخ للناس : ابروني الذمة ....فتعالى الصياح واللطم والثغيب وهناك سلم الشيخ روحه الى طيور الفخاتي فاخذن الروح حزنانة .....مرن فخاتي الچحلة نشدني وين جاسم سمعني چلمة حزن وبمشيتهن بهداي ....عطشان گلبي شكثر وانت العطش والماي چاوين اودي الحچي واتعاتب ويامن.......رحم الله الاموات

 

[madness man]

يكَولون اكو واحد عنده حلال ويرعى بيهن وياخذ وياه متاعه وسلاحه كان برنو ويطلع من الصبح و قبل لاتغرب يرجع لهله
هذاك اليوم يمشي بجزيره ومن تعب كعد وحلاله كدامه اجته حيه وعضته وفرغت سمها بيه بعد شيسوي وهو بجزيره وماكو واحد يمه حتى يساعده ظل يعالج بروحه وماكوا فايده الى أن مات وحلاله طش بعيد وهو ميت لهناك اجو اثنين يمشون
ويشوفون هذا الزلمه متمدد ظلو واحد يكل للثاني اكلك هذا الزلمه غريب مانعرفه هذوله حفرو حفره ودفنوه واخذو البرنو مالته وراحو اخوه ظل يدور عليه مالكاله اثر مر على وفاة اخوه ثلاث سنين
واخوه يدور هذاك اليوم طلع بمكان بعيد عن اهله وبالصدفه اجو ذوله الي دفنو اخوه
وسلمو عليه رد السلام عليهم وجان يشوف البرنو مال اخوه كاللهم انتم وين ديرتكم كالوله احنه بفلان ديره طلع وياهم وعرف مكان سكنهم وجان يعت البرنو منهم وياخذها
وكاللهم هايه البرنو مال اخوي وانتم الكتلتوه
كالوله احنه ماكتلنا اخوك وحجوله السالفه
وما صدكهم وكال الهم هذا حجي يفيدكم
كالوله خويه انت هسه تهمتنه فوك زينيتنه
تعال ويانه ندليك المجان الي دفنه بيه اخوك دلوه على المكان وكاللهم اني رايح ويصير خير كالوله خويه انت شنهي التريده احنه حاضرين بس مو احنه الكتلنه اخوك
مافاد الحجي وياه آخر شي صار رايهم يرحون للفريضه اتفقوا على يوم وحضرو كلهم وراحو للفريضه من وصلو سولفو هذوله المتهومين الثنين وكالولوه بكل السالفه
واخوه امجلب بيهم ماكو غيرهم الكتلو اخوي
الفريضه معدل وفاهم كاللهم هسه انتم من افرض عليكم تقبلون بفراضتي لوعدكم راي آخر
كلهم كالو شيخ انت صاحب بخت ومعروف وقابلين شتفرض علينا
كاللهم خوش هسه اني اريد تجيبولي عظام من جسم الميت وتجون جابوله عظام الميت
وطلب الفريضه يجيبلوله طاسه وخله العظام بالطاسه وفورهن على النار ونزل الطاسه ومن شاف الفريضه برد الماي طلب انوب يجيبوله كلب - اجلكم الله - جابو الكلب وهايه الناس تباوع شراح ايسوي الفريضه
الفريضه كام وشرب الكلب من الطاسه البيها الماي مال اعظام الميت
وكاللهم من يوكع الكلب كلولي ظلت الناس تراقب وصدك وجان الكلب يطيح ويموت هاي الناس تعجبت
وجان الفريضه كام على حيله وكال لخو المكتول اخوك مامكتول اخوك مسموم بسم حيه
وسلامتكم
شاهد سالفتنه ورباطها
خويه تردون الصدك اني دخت بهاي السالفه
شنهي من عقل عنده وهيج علم وتره هيه موهبه من ربك ومن تكون صادق وصاحب بخت ومن تكون عندك مخافة لله سبحانه وتعالى يزيدك علم اكثر لخدمة الناس
وهسه وين الكاه هذا الفريضه المعدل

 

[madness man]

الي يحتاج ترجمة اني بالخدمة