سوالف اهلنا ( الموروث من الشعر الشعبي )

[madness man]

رد: رد : سوالف اهلنا ( الموروث من الشعر الشعبي )

موضوع أكثر من رؤؤؤؤؤؤؤؤؤؤؤؤؤؤعه
يستحق ألمتآبعة وألأهتمآم وآلشكر وآلثنآء وآلأعجآب وآلتقييم
ولي عوده
تحيآآآتي

الروعة في وجودك رماد

واكيد ننتظر اطلالتك اخي

نورت ياطيب

 

[madness man]

رد: سوالف اهلنا ( الموروث من الشعر الشعبي )

اكو شاب عندة اكثر من أربعين صديق ...
يومية مسيرين للمضيف من العشة لنص الليل ...
سوالف وهزليات وضحك وشقة ...
وياكلون ويشربون .كل برأس الشاب
وكل أمثالهم ينتقصون بيه الشيوخ المعدلة وأهل كبل والمعدان وأهل العكل
ابو الشاب شيخ وقر وعاقل ومعروف ..جزع من هاي السالفة ...
يوم من الايام اختص بابنه .. وسئلة ..بوية شتكول لو نجرب ربعك ذولة ؟
قبل ابنة واتفقوا على تجربة .....
الجماعة على العادة سيروا ..مثل ناكوط الحب ..ولمن اجة آخر واحد وشربوا الجاي ...
صاحبهم سوة روحة كلش ضايج ومهموم وما يسولف وصافن ..
سألوه ...ها خوية .شبيك اليوم ؟
كاللهم والله اليوم الصبح اتعاركت اني واخوي هناك يم اخوالي بالريف
واتهورنة وجرحنة واحد وقبل ساعة مات بالمستشفى.
وهسة خابروا جايين فزاعة واني تدرون ماعندي غير ابوي رجال شايب واخوي ..
الجماعة كلهم سكتوا واخذولهم صفنة .. وكاموا كل واحد يطلع عذر ويملص ...
اخيرا ضل وحدة ورجع لابوه ...
كال. ها بوية شفت ربعك ؟ جم مرة كتلك ذولة مال ثريد وسوالف وضحك؟
ثاني يوم ..الشايب ودة طارش لصديق قديم شايل قبل عشر سنوات ...
الصبح اجة صديق الشايب على فرس والتفكة بظهرة وبنته راكبة وراه. ..
اول ما وصل طفر من ظهر الفرس وشبك صاحبة ...
كالة .ابشر ابو فلان ..اذا شغلة مضارب اني وتفكتي وفرسي فدوة الك ...
واذا شغلة فصل .هاي بنتي وهاي فلوسي كلهة جبتهة تحت نعالك ...
اتشكر منة والتفت لابنة ...
كالة بوية اني عندي بس هذا الصديق ...كم واحد بربعك الشردوا مثلة ؟
الشاب ظل مهبط راسة ومستحي وطلب السماح وجر اذنة ....
الشاهد ... ا
لمواقف تفضح كثير من اصدقاء
وعلى الإنسان ان يتعظ
ويختار الصديق الذي ينصحه و يستره ويحبه في الله
ولا يخذله اذا تازمت الامور
او يقاطعه لمجرد موقف بسيط او كلمة عادية

 

[madness man]

رد: سوالف اهلنا ( الموروث من الشعر الشعبي )

يكولون اكو واحد بيته احترك وگوه طلع عياله من البيت وظل يباوع بالنار وهي تحرك البيت
الدنيا شته وبارده وهو كلشي ما يكدر يسوي
المهم صاحبه عبور الشط باوع وشاف بيت صديجه يحترك
ما تحمل جيت بالشط وعبر عليه وگله :
خويه فدوه البيت والمال
سلامتك انته والعيال
صاحبنا عاف البيت وعاف النار
باوع عالزلمه صاحبه شافه منكع مي والدنيا ثلج
جاوبه ابيت دارمي :
كون الصديج يكون هيج لصديجه
جيتك نص الليل تسوه الحريجه

 

[madness man]

رد: سوالف اهلنا ( الموروث من الشعر الشعبي )

يسولفون اهلنه عن وحده جانت تحب واحد
وهو يحبها ومتعاهدين وحلفتله بالعباس ماتصير لغيره ..
حبيبها وده مشيات وناس خيره وساده لاهلها ماقبلو ينطونه واخوتها سبعه
هددو الولد اذا فكر باختهم يذبحونه ..
هي ماقبلت بهذا الوضع وكفت بوجه اهلها واخوتها وكلتلهم انه احبه
ومااصير لغيره لو تموتوني !!
اصار راي اخوتها يسجنونها بالسرداب مال البيت.
وتعرفون السرداب مابيه لاشباچ ولا ضوه بس باب.
المهم.سجنو البت وبقت بس مرت اخوها تجيبلها أكل.
البت ودت بيت دارمي وي هاي المره لخوتها گالت بيه.

مايمنع السرداب لو فوگه صبه
أتحدى سبع ازمور لجل الأحبه

ولان مرت اخوها تريدلها الاذيه
خذت الدارمي ابره بخيط ووصلته لاخوتها وكلتلهم اذا بقت اختكم هيج راح تجيبلكم السهبه !!
بعد ماشحنت اخوتها عليها صار رايهم يكتلون اختهم
طلعوها من السرداب علمود يكتلوها. گالت عندي طلب
اريد اشوف حبيبي.المهم وافقو اخوتها تشوفه
دزو على الولد أجه وگف گبالها ويباوعلها من جوه ليجوه لأن يخاف من اخوتها
أجت هي گباله وگالتله..
..
صد راهي للتهواه لاتصد بوگه
الچفن هالجابوه كافوره فوگه

 

[▪ بعثرة حنين ▪]

رد: سوالف اهلنا ( الموروث من الشعر الشعبي )

الله على سوالف اهلنا القديمة فعلا أهل طيبة وعلى فطرتهم

أستاذ مادنس مساحة جميلة حقا استمعت بقراءتها
رغم بعض صعوبة المفردات (بس ترجمتها هههه )
وعجبني هذا الدرامي فعلا حلوووو


خَل أگضي فَرض إهوَاي, فَرضَ اللَّه ألحَگَه!!
أمبَارَك إمن إبعيد بِعيُوني أشبَگَه!!


تحياتي لك أستاذ ولرقي الموضوع ومضمونه

كل الاحترام التقدير ⚘

 

[قمر]

رد: سوالف اهلنا ( الموروث من الشعر الشعبي )

ماكو احلى من سوالف اهلنه قبل
عاشت ايدك استاذ رضا
استمتعت بقراءة كل كلمه
لي عوده ...

 

[▪ بعثرة حنين ▪]

رد: سوالف اهلنا ( الموروث من الشعر الشعبي )

مساء الخير

جويبر ومناتي اخوان عايشين بالريف يشتغلون بالزرع وعايشين على حب الله وعدهم اثنين خوات وعدهم صديج حسبة اخوهم يروح ويرد عليهم ومن عرض الطبه والطلعه انعجب باختهم الزغيره بس شنهي ماجان يكدر يحجي خاف يكولون عليه خان الملح والزاد والبنيه هم كلش حبته بس سكتاوي وجانت تفرح بجيته ليهم بس جويبر زلمه ماتفوت عليه هيج سالفه عرف صديجهم حمود باله عد وحده من خواته بس ماعرف ياهي منهن ..وده على اخوه وتشاور وياه وكله لازم نسوي خطه ونعرف ياهي الرايدها حمود
دخلو للبيت مكظمين ومكدر خاطرهم ..حاجتهم اختهم الجبيره
_ها ياولد امي وابوي شنهي الكدر خاطركم ؟؟
نب عليها مناتي كلها ماعدي من الخبر غير حمود انكتل بعرس بالسلف وصار رمي واجته طلقه تايهه
صرخن البنات اثنينهن ..عمت عيني ياخويه
تعجبو الاخوان كالو مامعقوله اثنينهن يحبنه ..قررو يسوون اختبار ثاني صاح جويبر
خويه هاي طعامات جبناهن من البستان اريدنجن تتكابلن تطحننهن
ومن عادة نساء الريف التطحن تكعد تنعى وتسولف ضيم كلبها للرحى
كعدت الجبيره تطحن وتنعى وجانت نواعيها عاديه مابيها شي يدل على حبها لحمود
وانوب كعدت الزغيره وجانت ملذوبه وكلش حزينه وبدت تطحن وتنعى ودموعها يتجارن وكالت


مرود يبز العيــــــــــن ويحرمني النوم
كالولي ولفج مات ومـــــجذبه العلوم !!


طبعا الاخو الازغر جان يسمع الحجي فــ راح لخوه الجبير الجان نايم وكعده وكله ...


ماتكعد من النـــــــــــوم مالك لوينه
بحجة المتهــــــــــــوم معمع طلينه


وهنا اشاره للمثل الي يكول (الي بعبه صخل يمعمع ) (اجلكم الله)
ومن تاكدو من نظافة حبهم صاحو لرفيجهم وكلوله خويه احنه لمعزتك عدنه قررنه نزوجك اختنه وجان حمود مامصدك الخبر كام وباسهم من روسهم وكلهم خويه عطية المقبوله وصدكو راح احطها بعيوني وتزوجو وعاشو عيشه سعيده

 

[madness man]

رد: سوالف اهلنا ( الموروث من الشعر الشعبي )

الله على سوالف اهلنا القديمة فعلا أهل طيبة وعلى فطرتهم

أستاذ مادنس مساحة جميلة حقا استمعت بقراءتها
رغم بعض صعوبة المفردات (بس ترجمتها هههه )
وعجبني هذا الدرامي فعلا حلوووو


خَل أگضي فَرض إهوَاي, فَرضَ اللَّه ألحَگَه!!
أمبَارَك إمن إبعيد بِعيُوني أشبَگَه!!


تحياتي لك أستاذ ولرقي الموضوع ومضمونه

كل الاحترام التقدير ⚘

اي نعم اهل طيبة وقلوب نظيفة

منورتنا بعثرة الطيبة

 

[madness man]

رد: سوالف اهلنا ( الموروث من الشعر الشعبي )

ماكو احلى من سوالف اهلنه قبل
عاشت ايدك استاذ رضا
استمتعت بقراءة كل كلمه
لي عوده ...

نورتي ياسمين

واكيد ننتظر العودة ياوردة

 

[madness man]

رد: سوالف اهلنا ( الموروث من الشعر الشعبي )

مساء الخير

جويبر ومناتي اخوان عايشين بالريف يشتغلون بالزرع وعايشين على حب الله وعدهم اثنين خوات وعدهم صديج حسبة اخوهم يروح ويرد عليهم ومن عرض الطبه والطلعه انعجب باختهم الزغيره بس شنهي ماجان يكدر يحجي خاف يكولون عليه خان الملح والزاد والبنيه هم كلش حبته بس سكتاوي وجانت تفرح بجيته ليهم بس جويبر زلمه ماتفوت عليه هيج سالفه عرف صديجهم حمود باله عد وحده من خواته بس ماعرف ياهي منهن ..وده على اخوه وتشاور وياه وكله لازم نسوي خطه ونعرف ياهي الرايدها حمود
دخلو للبيت مكظمين ومكدر خاطرهم ..حاجتهم اختهم الجبيره
_ها ياولد امي وابوي شنهي الكدر خاطركم ؟؟
نب عليها مناتي كلها ماعدي من الخبر غير حمود انكتل بعرس بالسلف وصار رمي واجته طلقه تايهه
صرخن البنات اثنينهن ..عمت عيني ياخويه
تعجبو الاخوان كالو مامعقوله اثنينهن يحبنه ..قررو يسوون اختبار ثاني صاح جويبر
خويه هاي طعامات جبناهن من البستان اريدنجن تتكابلن تطحننهن
ومن عادة نساء الريف التطحن تكعد تنعى وتسولف ضيم كلبها للرحى
كعدت الجبيره تطحن وتنعى وجانت نواعيها عاديه مابيها شي يدل على حبها لحمود
وانوب كعدت الزغيره وجانت ملذوبه وكلش حزينه وبدت تطحن وتنعى ودموعها يتجارن وكالت


مرود يبز العيــــــــــن ويحرمني النوم
كالولي ولفج مات ومـــــجذبه العلوم !!


طبعا الاخو الازغر جان يسمع الحجي فــ راح لخوه الجبير الجان نايم وكعده وكله ...


ماتكعد من النـــــــــــوم مالك لوينه
بحجة المتهــــــــــــوم معمع طلينه


وهنا اشاره للمثل الي يكول (الي بعبه صخل يمعمع ) (اجلكم الله)
ومن تاكدو من نظافة حبهم صاحو لرفيجهم وكلوله خويه احنه لمعزتك عدنه قررنه نزوجك اختنه وجان حمود مامصدك الخبر كام وباسهم من روسهم وكلهم خويه عطية المقبوله وصدكو راح احطها بعيوني وتزوجو وعاشو عيشه سعيده

عاشت الايادي بعثرة

قصة جميلة