رد: ليل الخفسه
الفصل الثالث والعشرون هلا باللى يحبنا
اما عند ليل ما فاتت على الحمام خافت من غياث ياخذها عنجد على الاخصائي النفسي خذت السطل من المطبخ وشتلات الجوري السته اللى حطتهن على شباك المطبخ وطلعت برى وهي تبچي تأملت زرعها گعدت على ركبها والشمس تحرقها حرق مررت ايدها على الأوراق وهي تهمس بألم تشكي همها لزرعها حولت تمسح دموعها بس مابي فايده فتحت السطل وصارت تلعب بالمايه الحمرا حست بضلو فوقها وگرز وراها ومسك كتوفها وباس راسها :اسف حبيبتي سامحيني
ليل مسحت وجهها بزندها وكملت حفر بدون ما ترد على بدا يحفر معها :ليولتي شنو هذي الشتله
ليل بهمس مبحوح:جوري
غياث ابتسم :شنو لونو احمر
ليل :لاء زهري
غياث :كانوا مكانها غلط
ليل طلعت الشتله :شنو الغلط
غياث :عند مدخل الضيوف ولزق الحايط
ليل حطت الشتله:هذي النوعية متسلقه راح تغطي كل الحياط ويصير شكل البيت احلى من زمان نفسي ازرعها بس ما صار
غياث ابتسم وهو يغطيها بالتربة :شوفي من الحز اگولچ اني شريك بالجورية واذا سائلونا ويلادنا بالمستقبل مين زرعها نگولهم نحن الاثنين زرعنها بحب اتفقنا
ليل بدت تحفر حفره ثانية :طبعا لا انته شريك بشنو اذا اني اللى شتلتهن واني اللى راح اهتم بيهن
غياث گعد معها على الأرض وهو يحفر الحفره الثالثه:ترى الأرض باسمي كل شئ عليها ملك ليا حتى الأموره اللى زرعت الوردات وتهتم بيهن ملكي تريدين نكون شركاء ولا اصير المالك
ليل بهدوء :انته متسلط كل شئ تاخذو وتنسبو لنفسك حتى البشر ما سلمم منك
غياث :الله يسامحچ ولي اني شخذيت منچ صح اني أناني بيچ بس اني انسان اخاف الله وما أذي حدا
ليل بعدت ايد غياث ورجعت تراب على الحفره :كبرتها چثير
غياث ضحك :على اساس انتي معلمه بالزراعه
ليل :جدي الله يرحمو چان فلاح ابن فلاح ما ادري ابوي اشلون طلع حلاق
غياث يضحك :اول مره ادري انو عمي حلاق
ليل :اشتغل شئ ثلاثين سنه بالحلاقه حتى جدك عبدالحميد وعمامك وعمي چان يحلقون عندو
غياث :من وين تعرفين هذي السوالف
ليل :من ابوي اسأل عمي راح يحچيلك ابويا الى الان يطرف شعري ويقصلي غرتي
غياث قرب منها :اذا هيچ سويلي واسطه عند عمي مشان احلاق عندو على العيد
ليل :تكرم ليلة العيد اخلي يحلقلك
غياث :الله يكرمچ اي ما گلتيلي ليش اني متسلط شخذيت منچ گوليلي
ليل نزلت راسها:انته تعرف شخذيت مني مابي داعي نحچي بالماضي
غياث ابتسم:اللى خذيتو من حقي
ليل قبضت التراب بگوة: لو تركني اروح بدون ما تسوي اللى سويتو بيا چان اكيد الحز حياتي احسن ما چنت عشت اللى اعيشو اليوم
غياث انتبه انها تحول تسيطر على نفسها :لا تعترضين على قضاء الله وقدره انتي تعرفين مثقال زين لوو موو ماخذچ غصبن عنهم چان مثقال من سابع المستحيلات يرجعچ ليا هذا اخوچ مريض يتمنى الزله حتى ياخذچ مني ويرجعچ للمتحف الوطني >>صورة غياث عن مثقال وخوفو على اختو
ليل ضلت ساكته :غياث
غياث :ها حبيبي
ليل وهي تزرع معه:اريد اروح على حلب
غياث :عليش تروحين موو نحن اتفقنا قبل العيد بأسبوع اخذ امي وسلوى صبا وثاني يوم انتي وحسوني
ليل :موو مشان هدوم العيد
غياث :مشان شنو
ليل :تعبانه اريد نطلع نغير جو وفرد مره نروح على الدكتوره نطمن على البيبي
غياث مسك حالو حتى ما يضحك لان ليل خايفه من سلوى :دخيل البيبي وامو افكر واشوف لان الجو حاليا ما يسمح نروح
ليل رمت على تراب :تريد تمنني بالطلعه كل شئ ممنوع عنك
غياث وايدو على غيونو :كل شئ إلا التراب بعيوني اموتچ
ليل مدت بوزها وهي عاقده حواجبها : اذا ما تاخذي اروح مع مثقال وبلا مانيتك
غياث گام جاب الخرطوم :اصبر اقلع سلوى على أهلها ونروح
ليل :سبحانك يا الله
صار يضحك :حرام تشمتين بيها
ليل :ماني شمتانه ولا يهمني أمرها
غياث :انعمى شگدچ گوية امووت واعرف على مين طالعه
ليل :ما تربيت على ايد نسوان اني تربية زلم
غياث صار يضحك : على راسي ام حسن
ليل :تسلم انته وراسك
غياث لملم علب الشتلات وهو يغسلهن :تدرين اني مستغرب كل عصبيتچ وحملچ ثابت ما صار بي شئ
ليل تغسل ايدينها وهي تضحك :اذكر الله لا يصير بي شئ ساعتها اني اللى اموتك
غياث ضرب راسها بخفه :ما شاء الله تبارك الله مثل الحصان خزيتي العين
ليل :تعرف ليش ما صار بي شئ
غياث بمزح :تعلفين زين وتسوين رياضه
ليل زاد ضحكها :لا موو بسبب العلف والرياضه شوف رشاقتي
غياث وعيونو راح تاكل ابدا موو مبين عليها حامل :اي والله جسمچ يجنن ولا كانچ حامل
ليل صارت تلعب بالماي الحمرا :ادري ان شاء الله چم يوم وتبين كروشتي
غياث يضحك :متحمس اشوف شكلچ مع الكرشه
ليل ابتسمت :لا تشغل بالك اضمن لكا شكلي راح يكون مغري جدا مع الكروشه
غياث :انتي بكل حالتچ مغرية
ليل :ما صار شئ بيو لاني استودعتو الله ودائع الله ما تضيع
غياث بفضول :سبحان الله الله يحفظه من كل شر ليل شنو هذا
ليل صارت تسقى الشتلات اللى زرعتهن :سماد سائل
غياث حط ايدو بالماي اللى لونها أحمر :من وين جبتي
ليل :اني سويتو بالبيت
غياث :ما شاء الله عليچ ذكية
ليل ابتسمت وبمرح :دكتور موو بگد ذكائك
غياث :شكرا على المجاملات
ليل :اليوم عمتي تموتنا على البلاط والطين خربنا الدنيا
غياث :جيبي المساحه تنشطف
ليل:اوكي
ودت السطل وجابت المساحه وجت :خذ انته تمسح واني ارش ماي
غياث شطف مع ليل بعد ما نقعتو بالماي جا يفوت وراها ليل :وقف
غياث :شنو
ليل ما تريد غياث وصخ البيت بالماي اللى تنقط منو مسكت قميصو ورمتو القميص :اشلح البيجامه
غياث شلح البيجامه ليل شالتها فاتم ام غياث ابتسمت على شكل غياث :شنو صاير معاكم
غياث رجع شعرو على ورا :چنت اشطفلكم الحوش
ام غياث : حبيبي يعطيكم العافية
ليل ضمت حسن وباست راسو : حسوني البطل اشلونك حبيبي
حسن بأس خدود ليل وهو يضحك على غياث :ماما زين لوله ليش بابا مصلخ يا عيب الشوم
غياث لمس سروالو الداخلي من وصف حسن :ماني مصلخ هدومي مبلولات ماي وين بوسات بابا
حسن ركض على غياث وشالو ليل :عمه شتسوين
ام غياث : اقرض بصل لحشوة السمبوسك والشيش برك
ليل :احط هدوم غياث بالغسالة واجي اسوي معاچ
ام غياث :لا يا ماما انتي ارتاحي صبا الحز تصلي الظهر وتجي
ليل :لا عمه اني صرت زينه عجنتي العجينه ولا اعجن اني
ام غياث :بصراحه عجينتچ احسن من عجينتي
غياث نزل حسن بلط امو :ليل اتركي عنچ العجن والحقني
ليل هزت راسها :حاضر
غياث خذا حمام دافي لبس دشداشه بيضاء بنقش رصاصي مريحه وسروال ابيض لم ذهب ليل من السرير ورجعو مكانو صلى الظهر وتمدد ما حس الا على ليل تحچي وتهز كتفو :ها شبي شصاير
ليل :حبيبي مابي شئ
غياث يحول يسحب ليل:تعالي نامي
ليل :ما عيفني
غياث :ليش مگعدتني
ليل تغطي غياث زين :گعدتك مشان ما تگول ما چيتي ارجع نام
هز راسو ورجع نام لان من البارح موو نايم بعد ما عجنة العجينه گعدت مع صبا وعمتها صبا تحرك اللبن بملل :ليل تعالي سوطي اللبن عني واني رايحه اگعد الخانم سلوى
ام غياث :حبيبتي خلصي بعدين اني اروح اگعدها
ليل تثرم بقدونس للحشوة ولا على بالها صبا :ليل انتي چنتي گاعدة لمُن سلوى تكونت مع غياث الصبح
ليل :شدخلني بيهم فخار يكسر بعضو
صبا صارت تضحك :اي حبيبتي يطلعلچ ام حسن على سن ورمح
ليل ما ردت عليها
ام غياث :ليل شنو أكثر اچله يجبها اخوچ مثقال
ليل :مثقال
ام غياث ابتسمت : عمچ عزم مثقال والياس وابوچ على الفطور بس الياس اعتذر لانو معزم ببيت خالو
ليل :لا عمه مابي داعي اطبخ انوب طبخه مثقال يحب كل شئ نعمة كريم
ام غياث تنقي الفريچه :طيب حبيبتي العصر جهزي المعروك
صبا :يوم دقي على عمي جابر يجي يفطر معنا
ام غياث رفعت جوالها :يلا االحز ادق علي
بعد الفطور غياث فات على المطبخ :ليولتي
ليل لفت علي غياث قرب من عندها :ممكن تحطيلي فطور لسلوى
ليل :عمتي راحتها لغرفتها بس ما تريد تاكل
غياث :حبيبتي اذا ما تحطين اني احط يوم اطلعي برا مثقال يريدچ
ام غياث نشفت ايدينها :يلا الحز اطلع علي
طلعت من باب المطبخ غياث :ها يا حلو شگلت
ليل هزت راسها :حاضرين تامر امر
غياث :صبصب خفي ايدچ وحطي الحلو بسرعه جابر يريد يروح
ليل حطت الاكل غياث جا ياخذ منها الصينية :وخر عني اني اودي الصينية >>مسكينه تخاف غياث يراضي سلوى
غياث ابتسم :لا حبيبي انتي ارتاحي واني أوديها عنچ
ليل :غياث بعد احسن لك
غياث خذا الصينية منها بعصبيه :ليولتي اعقلي عن المره مالچ شغل معها لا من قريب ولا من بعيد
ليل :شسويت اني
غياث :ما سويت شئ روحي شوفي عمي
اما عند ام غياث وهي تسولف مع مثقال :والله يا ابني انته تستاهل كل خير ماضل الا نجيبلك العروس
مثقال :هههههه الله يبارك بعمرچ العروس ما أريدها الا منچ
ام غياث :حبيبي تكرم انته بس اختار بنت الحلال واني ازفها لكا بأيدي
مثقال :ان شاء الله
بعد سكوت :ابني شبيك اليوم موو على بعضك
مثقال دحق بالافق :عمه اريد افتح معاچ موضوع وخجلان منچ
ام غياث ابتسمت :وليش خجلان مني موو نحن اتفقنا نكون اصدقاء
مثقال دحق عليها : عمه بصراحه اني...
******
اما عند ليل گاعده بلط ابوها وهي ضامه ذراع ابوها وحاطه راسها على كتف ابوها
:وايمت تروحون
ابو ليل :بنتي ان شاء الله الاثنين الجاي تروحين معنا
ليل :لا ما اروح معاكم اريد اروح مع غياث هو وعدني ياخذني
ابو ليل مسح على رأسها :ليوله اروحه معنا احسن لجا
ليل ابتسمت :لا موو احسن
گعد بلطها مثقال :شنو تگولين
ليل بكذب :ما اگول شئ
مثقال بهمس:بعدين نتفاهم
ليل :نتفاهم على شنو
مثقال بنفس الهمس :انتي ادرى
ليل :بابه ليلة العيد أريدك تحلق لابو حسن
مثقال حط ايدو بشعرو:ابوي تعبان ما يفعل يحلقني
ليل :مثقال لا تدخل
ابو ليل ابتسم :يكرم ابو حسن من هالعين هاي قبل هاي
غياث ابتسم وهو يبوس راس ابو ليل:الله يكرمك( دحق على مثقال وبنذاله) مثقال مووت حره
مثقال :ليش اموت حره الحجي ما يحلقلك الا يحلقلي
جابر يضحك عليهم:ام حسن من وين طلعتيلنا بالحلاقه
مثقال:اي والله ليش فتحتي باب الحلاقة وهو ما يفعل يحلق لحدا بس يقص لچا ولياسمين بنت مسعود
غياث :ليل تگول عمي اسطوره بالحلاقة فطلبت منها تتوسط ليا عندو
مثقال :ما شاء الله واسطه گويه
ابو غياث :اكيد گوية البنية تضل أغلى من الابن واللى تريدو يصير بكلمه منها
مثقال :ما شاء الله غياث غير اشياء چثيره بليل اول مره تقول لأبوي اريد
غياث :لأنكم علمتوها ما تطلب كل شئ يجي لعندها وهي ساكته
ابوي غياث :ياريت صبا مثلها بنتي كل اليوم طلبات
ابو ليل :الله يصلحها ويهديها
الكل آمين
مثقال : جابر تمشي
ابو غياث :وين لسع وگت ما شفناكم
جابر يراسل :اي مشينا
مثقال :عمي عندي شغل من الشفاق
ليل :اجل شغلك لبعد العيد المكتبة موو طايره
مثقال :لا ما يتأجل بإذن الله تعالى على العيد الچبير ننتقل على حلب وافتتح المكتبة
ليل تضحك :ما شاء الله بساع
ابو غياث :ما شاء الله تبارك الله والله نيالك يا ابو عبدالله بمثقال يذكرني يجيلنا
غياث :منى عيني يطلع حسوني على خالو مثقال ويأخذ منو كل الأخلاق الحسنه
جابر :لا تخاف اللى مضيع مثقال يلقى حسن حبه ومفشوقه بالنص انته شفت اشلون گاعد على الفطور اليوم مثل مثقال
ليل :يقلد مثقال بكل شئ
غياث فتح جوالو وأعطى الجوال لمثقال :عمي شوف حفيدك شلون يقلد مثقال ههههه
مثقال نصدم حسن بالگاع متمدد على بطنو وتحتو مخده وفاتح كتاب وحاط كاست حليب وقطعة حلويات بالصحن ويقلب بصفحات الكتاب ابو ليل صار يضحك لان لان مثقال قبل النوم يقرأ الكتاب بهذي الطريقة
مثقال رجع الجوال لغياث :دزلي الفيديو
جابر :واني دزلي الفيديو
غياث :من عيوني
ابو غياث :مثقال حبيبي شنو ما تحتاج منا ما يردك الا لسانك
مثقال :عمي تسلم انتم ما تقصرون من صديق ابوليث (يقصد جابر) يمشيلي المعاملة تصير كل اموري زينه
جابر وگف:شغلتك اعتبرها خالصه
غياث طلع معاهم برا وودعهم
اما عند ليل تسولف مع صبا وعمتها بالمطبخ فات عليهم ابو غياث :ها حبيبتي خلصتي
ام غياث قربت منو :يلا حبيبي جايه يلا بنات تصبحون على خير
اما ليل راحت على غرفتها گعدت ترقص مع حسن على الاغاني عراقية انفتح الباب :هاي شنو صاير
ليل ضمت غياث وهي تگول : هلا باللى يحبنا هلا بحبيبي ونور عيوني
غياث سكر الباب بحده :طفي الزفت الدنيا رمضان وراسي يوجعني
ليل طفت التلفزيون حسن هز كتف غياث اللى گعد على السرير :بابا بابا
غياث :ها حبيبي
حسن گعد بحضن غياث :بابا تشوفها ما تحاليني أروح عند امي وابويا
غياث :ابني بس يصير وگت السحور تروح عندهم
حسن هز راسو :طيب
ليل تعرف انو غياث وضعوا زفت مع سلوى ومحتاجها :غياث حبيبي تشرب شئ
غياث بهدوء:ماي
ليل :حاضر حبيبي
راحت على المطبخ وشافت سلوى تاكل لحالها بالمطبخ وكل جسمها مزورق من الضرب غياث چاتلها انصدمت صح غياث چم مره يمد ايدو عليها من قبل بس ولا مره سوا بيها هيچ عبت ماي وحطت فواكه ورجعت صبت لغياث ماي وخذت منو الكأس گعدت على السجاده مع حسن تاكل فواكه :حبيبي تعال شاركنا
غياث نزل لعندهم ليل اكلت غياث حبة كرز وابتسمت :ابو حسن الورد اذا ما تعرف تاكل اني اطعميك بأيدي (وغمزتلو)
غياث ابتسم لها :موو جوعان
ليل :الجارنك اليوم طيب ما يتفوت
غياث خذا وحده :شهيتچ اليوم مفتوحه
ليل تضحك :بالحيل مفتوحه..هههه تنفتح نفسي من اشوفك انته ومثقال مع بعض ههههههههه چانكم نسوان علي
غياث :يووه على التشبيه
ليل ضربت ايد حسن :حسن لا توصخ قميصك
حسن :بابا توفها تضربني
غياث :ليش ضربتي حسن
ليل بمزح :شيخ حسن اسفين لا تأكل كرز مشان ما اضربك
حسن وحالتو حاله وجهو احمر وايدينو من الكرز :ماما اني احبو (رفع حبه لغياث) بابا هم كرز
ليل تضحك وهي تشوف غياث ياكل من ايد حسن :حبيبي صحتين وهنا بس من توصخ القميص ازعل منك
حسن : ماما عادي يتوصخ نغسلو بصابون
غياث :ما شاء الله يا حسن كل شئ لوا حل عندك
ضلم يمزحون حسن لحد ما خلص اكل ليل غيرت لحسن ونام بحضن غياث ليل وهي ورا غياث قربت منو وبهمس :شلونك
غياث :زين الحمد لله وانتي
ليل ضمت غياث وبنفس الهمس :اذا انته زين اني اصير زينه
غياث ضل ساكت ليل كسرت السكوت :صاير تعاني مثلي والتفكير ياكل بيك
غياث ابتسم:من ايش اعاني بالضبط
ليل :سكوت تراكم مشاعر تراكم الوجع حيره حرمان
غياث :عشت الحرمان مره وحده وموو مستعده اعيشو انوب مره ليل من بعدچ كرهت حالي
ليل شبكت اصبعها بأصابع غياث :غيوثي احبك
غياث ضل ساكت كملت : انته صديقي الوحيد اللى احبو واوثق بيو غياث نومتك معاي تسوى عندي الدنيا واللى بيها
غياث بهدوء :ما اتوقع لان بي چثير امور تغبينها عني للحز
ليل :لسى كل ما ببال يقال غياث موو كل شئ ينحچى
غياث :بي چثير اشياء ما اعرفها عنچ كل شئ يخص حياتچ قبلي علي علامة استفهام صح اني اعرف شنو انتي وشنو تربيتچ بس ما اعرف شئ عنچ
ليل صارت تضحك :دكتور غياث اي حياة تحچي عنها اذا مابي ولا واحد قبلك حبيبي حياتي ابتدت بيك
غياث بأس ايدها :ليل الحياة موو بس حبيبي عشرين سنه من عمرچ شسويت بيها ما اعرف عنچ الا حچم معلومه بالصدفه اعرفتهن من الناس موو منچ
ليل باست خدو :حياتي قبلك چنت طفولة ما عندي الا الدراسه وأهلي وشغلي ما چان عندي اي احتكاك بالناس
غياث :اممم ما عندچ صديقات ما اشوفچ تتواصلين مع حدا حتى مع اخوتچ و ويلاد اخوتچ علاقتچ سطحية محور حياتچ يدور على حياتنا وعلى مثقال
ليل ضحكت بالم : لو امي عايشه چنت شورتها بكل شئ يخصني بدال ما أشاور مثقال
غياث حس بالندم :حبيبتي اكسري حاجز الخجل بينچ وبين امي موو كل شئ ينگال لمثقال بي أمور مثقال ما يفهم بيها مثل النسوان امي مره مثلها مثلچ وتفهم عليچ
ليل :لاتخاف ماني غبية لهذي الدرجه اعرف حدودي مع مثقال
غياث لف عليها شاف دموعها باس راسها :هووص انتي موو غبية لا تبچين امي تحبچ مثل ما تحب صبا تحول تتقرب منچ عليش تصدينها
ليل :ما صديتها شتريد اگوللها ما عندي شئ ينحچى
غياث :اي شئ تريدينو لا تخجلين منها امي امچ اساليها تعلمي منها استشاريه فضفضيلها اشكيلها مني
ليل : غياث اريد انعزل وابعد عن كل شئ يأذي روحي بس لخاطرك اتودد لكل شخص غالي عليك واعزهم مثل ما اعزك
غياث بهمس وهو يبعد خصلات شعرها :واني اقدر هذي الشئ
ليل ضمت غياث:لا تخاف منو هو نسى الماضي تماما مثقال اكثر شهص يهمو استقراري معك
غياث :حبيبي ادري انو يتمنى لجا كل الخير
ليل :تعرف المفروض تفرح لاني ما عندي صديقات
غياث :ليل اذا ما عنچ صديقات عرس مين حضرتي بحلب ولبسه هذاك الفستان المفضوح
ليل : ما تنسى
غياث ببرود :لا ما انسى اعترفي
ليل : چان عرس الدكتوره ندى من الاستاذ هادي مدير المعهد اللى بفضلو اشتغلت مع الدكتوره ندى فچانت الدعوة من الطرفين
غياث :ليل اكثر شئ اكرهو بالدنيا المره الچذابة
ليل بعدت عنو:ما اچذب انته شفت بعينك علاقتي بالدكتوره ندى علاقتي بيها اكثر من دكتوره ومساعدتها القديمه
غياث تعدل :ليل تعاي هين اني ما گلت چذابه
ليل لبست روب القميص:الا گلت بس بشكل غير مباشر
غياث :ليل تعوذي من الشيطان ولا تسويلنا قصه تالي الليل
ليل اشوي وتبچي :انته شفت مني شئ موو زين بشنو اغلطت معك حتى تگول اني چذابة
غياث :لا حبيبي ما شفت انتي موو چذابه
ليل بعصبية :غياث انته موو من حقك ابدا تحاسبني على ماضي قبلك
غياث سحبها وبعصبية : والله العظيم تحچين كلمه زيادة اترك الغرفه لنكدچ واروح انام عندها
ليل مررت اصابعها الإبهام والسبابه على شفايفها بمعنى ساكته
غياث ابتسم وتركها
ليل دنقت غياث بعد سكوت :هديتي
ليل ضلت ساكته غياث رفع راسها :اشبي الحلو زعلان
نزلت عيونها وبعدت ايد غياث بالقوة ماسك حالو حتى ما يضحك عليها شغلها طفولي من زعل وتمد بوزها :يا عصفورتي الحلوه غردي سمعنا صوتچ الشجي
ليل گامت طفت الضو وخذت وضعية النوم
غياث تمدد ونام معها ثاني يوم الظهر ليل گاعدة مع عمتها وعمها تفطر حسن فات عليهم غياث :مساء الخير
ليل وعمتها :مساء النور
غياث گعد بلط ابو وباس راسو سكر المصحف :غياث اشلونك يا ابني
غياث ابتسم :الحمد لله زين انته اشلونك
ابو غياث :الحمدلله يا ابني بأحسن حال
غياث دحق على ليل :ليل تهيري اخوچ عزمنا على الفطور
ليل باستغراب :اي واحد بيهم
غياث : عبدالله دق علي الساعه سبعه عزمنا وعاتبني لانچ ما رحتي سلمتي علي
أم غياث ابتسمت :ليوله ليش ما رحتي سلمتي على بيت اخوچ الفروض نحن اللى نعزمهم موو هم يعزمونكم
ليل :موو فاضية اطلع على حدا
غياث أعطى ليل نظره :الحدا اخوچ يوم هذي جنتچ عندچ ما تعرف بالاصول علميها وفهمها والله عيب
ام غياث استحيت من ليل :غيوثي اشبيك حبه حبه عليها لسعها زغيرة
غياث :اخوتها ما راح يگولون أختنا ازغيرة موو فاضية تزورنا يگولون غياث ما يخليها تزورنا
ليل وگفت بهدوء وعيونها مدمعه:يفكرون اللى يفكرونو رأيهم بيك ما يهمني اني مره متجوزة عندي مسوؤليات اني تعبانه ماني فاضية الواجبات اللى بيني مكفيني
ام غياث :ليوله يا بنتي الله يرضى عليچ صلة الرحم واجبة علينا
ليل :عمه تعبانه ليش محد يحس بيا الحز ادق علي واعتذر منو
غياث عصب عليها:موو على كيفچ تعتذرين منو الحز الزلمه شيگول عني يگول انو اني اللى ما اريد اجي ولحالهم ماخذين صورة موو حلوه عني
ليل ما ردت علي راحت على غرفتها غياث وگف بعصبية :يا ربي هذي اشبيها راح تجنني موو طبيعية
ام غياث مسكت ايد غياث وسحبتو :حبيبي وحد الله
غياث گعد:لا اله الا الله
ام غياث باست ايد غياث :اهدى يا روحي المره حامل وتعبانه
غياث :استغفرالله
ام غياث :اسألها ليش ما اريد تروح يمكن عندها سبب مقنع
ابو غياث :حبيبي يمكن بي حدا مسمعها حچي موو زين
غياث :لا كل اخوتها زينين معها بس هي نفسية ما تريد حدا منهم ولا تحب تخطلت بالناس
ام غياث :حبيبي لا تعصب عليها وتزعلها حرام عليك اللى مر عليها موو قليل اللى أكبر منها لسعهن طايشات وما يحترمن حدا >>تقصد سلوى
غياث :هذا اللى مصبرتي عليها
ابو غياث صار يضحك : غيوثي روح راضي مرتك كل شئ بالتفاهم ينحل لا تخلي بينكم طرف ثالث
غياث وگف :ان شاء الله
فات عليها شاف الجوال بايدها :دقيتي
ليل على نفس الوضع :لا راح اروح
غياث خذا ربطه بلاستك مطاطية من التسريحة وربط شعرو وهو يسألها ليش غيرت رأيها
ليل :لزم أحول اغير من نفسي
غياث گعد عندها وهو مبتسم :شنو قررتي تلبسين
ليل وهي قالبها وجهها:ما فكرت
غياث ابتسم :كل اخوتچ هناك لزم تلبسين شئ يناسب المناسبة
ليل غلست
غياث :ليوله ألبسي فستان حلو او گلبيه فخمه يعني مثل النسوان المتجوزات
ليل هزت راسها :ان شاء الله الحز اشوف شعندي
غياث :ترى رايح اوصل سلوى معنا على بيت أهلها
ليل بصدمه :شنو
غياث عصب عليها:وجع شنو الشنو ما اريد مشاكل فهمتي تفتحين اثمچ بكلمه اموتچ
ليل سكتت غياث بعصبيه :افهمتي ولا افهمچ
ليل تهز رجلها بتوتر:ما اني وهي ما نركب بنفس السيارة
غياث :ليل بلا سوالفچ اللى تقصر العمر
ليل صدت عنو :الحز انته شتريد مني
غياث :سلامتچ
ليل رجعت دحقت علي:انته روح وديها الله معكم اني أدق على الياس يچي ياخذني
غياث مسك شعرها وفكها: ليل حبيبت امچ بهذا البيت اني الزلمه والمره اللى تريد تحكمني وتسوين مسخره ما تلزمني
ليل صارت ترجف من الخوف وعيونها تدمع
غياث ودفشها عنو:ليل لا تطلعيلي بالعالي أبدا موو من مصلحتج تعانديني وتسكرين كلمتي
ليل بچت وهي منفعله وجسمها يرجف :انته اشبيك اللى بيا موو عناد ولا تكبر غياث انته تعرف زين شگد وجودها يأذيني ويحرقني ورغم كل هذا ساكته لخاطرك(باست رايدو) غياث الله يخليك لا تأذيني اكثر من هيچ ارحم عجزي والله ما اتحمل
غياث حط راسها بحضنو :هوص
ليل ضلت تبچي وهو يقرأ عليها الرقية الشرعية ويمسح على راسها لحد ما غفت
وهو يطلع مع اللاب توب واغراضو شاف صبا واگف :ماما تگول تكونت مع ليل
غياث :لا ما تكونا اني رايح اشتغل بغرفة امي بس تصير الساعة الساعه خمسه تعالي گوليلي
صبا تلحق غياث :عليش
غياث :معزم ببيت اهل ليل
صبا فتحت باب غرفة امها لغياث وشغلة المكيف :اي بيت
غياث :اخوها الچبير عبدالله
صبا :اها تريد اساعدك بالترجمة
غياث ينزل الأغراض على المكتب البسيط اللى بغرفة امو وابو :لا انتي اهتمي بحسوني بس احتاجچ اني اصيحلچ
صبا فتحت البرداية حتى تفوت الشمس للغرفة :ان شاء الله
******
ليل فزت من النوم بخوف :شبيك شصير
غياث بصوت عالي:للحز مندفسه گومي جهزي حالچ
ليل تحك راسها بتعب :يلا الحز اگوم لا تعصب
غياث :ضيعتي صلاة الظهر
ليل نزلت من التخت :چنت نايمه
غياث گعد على حفت التخت :بسرعه قبل ما تسوين اي شئ تصلين العصر وبعدها الظهر
طلع مع ليل شافت سلوى راكبه ورا ونضرات كلها كره وحقد ركبت ليل وغياث حط حسن النايم بحضنها وسكر الباب
طول الطريق ساكتين محد حچى ولا حرف ما ينسمع بالسيارة الا صوت أنفسهم وصوت القرآن بصوت القارئ عبدالباسط عبدالصمد رحمه الله
وصلم قبل الفطور بساعه فتحتلهم بنيه عشرينية بيضه بالحيل وعيونها عسلي باخضر لبسه گلبية خليجية عنابية وملفع من نفس اللون :ليوله
ضمتها ليل :رحمه
رحمه :يولي اشتقتلچ مووت
ليل بفرح :واني اشتقتلچ الحمدلله على السلامه نورتم الخفسه
رحمه بعدت عن ليل بخجل :الله يسلمچ النور نوركم اهلا وسهلا ابو حسن اسمعنا عنك چثير
غياث ابتسم :اهلين ان شاء الله سمعانه عني كل خير
رحمه ابتسمت :طبعا تشرفنا
غياث ابتسم :اختي الشرف ليا
رحمه شالت حسن اللى ياكل مصيص وبوستو :ياااي دخيل گلبو حسوني يمه شگد يشبه عمي مثقال قص لصق
ليل :موو مخلي ولا شئ من مثقال
حسن عصب على رحمه اللى تبوس بي وهو مالو خلق ليها نونو گاعد من النوم :يععع لا تبوسيني ماما توفيها
ليل صارت تضحك مع غياث غياث بمزح :خلاص يا رحمه لا تبوسين حسوني اذا ضليتي تبوسينو نخطبچ لوا
رحمه بفرح:واني موافقه ما القى احسن من ابن عمتي الورد
ليل خذت حسن منها :ولچ استحي وحاچ تبوسين بابني عيب عليچ
حسن :يا عيب الشوم انتي فلتانه
رحمه أشرت على الباب وهي تتصنع الزعل:انتم فوتم واني الحز اعلم ابوي وعمامي واخوتي عليك تگولي فلتانه والله اخليهم يگتلونك انته وابوك
غياث :شيخ حسن ارضيت راح يگتلونا بسببك بابا عيب عليك يلا گول لرحمه اسف
حسن يأشر عليها وهو معصب:اني زلمه وهي تبوسني عيب
رحمه قرصة خدو:لا موو عيب انته حبيبي
حسن بعد ايدها:اووف خلاص روحي عنا
غياث خذا حسن من ليل :يولي خلاص استحي جننتني ابني
رحمه ضحكت :يا اهلا وسهلا بيكم تفضلم
طلعت مره عشرينية بوجهم شايله طفل والحوش كلو عجاين يلعبون :يا هلا تو ما نور البيت
ليل بهدوء وبرود :اهلين سماح
سماح :يووه هذا ابنچ ابدا ما يشبه ابو طالع عليكم اشلونك خيو
غياث حس على ليل مسك ايدها :الحمدلله زين ام حسوني يلا نفوت
ليل مشت مع غياث وهي ساكته
*******
بعد أيام
ليل وهي متركه على صدر غياث :غياث اشبيك اليوم لكا فتره موو على بعضك
غياث :ما بيني شيا
ليل لمست لحيتو بدلع :الا بيك شيا كل اشوي تعصب علي بدون سبب
غياث :حبيبي تحمليني هذي الفترة
ليل ابتسمت :بشرط
غياث :لا تتشرطين
ليل صارت تضحك :بلا راح اتشرط موو اني ليولتك الحلوه
غياث :اخ منچ ومن هالضحكه اللى ترد روحي
ليل باست غياث :اذا اجيب بنيه اني اسميها موافق
غياث :شتسمينها
ليل :اول شئ وافق مشان اعلمك
غياث :هههههههه يا مجنونه انتي الام ولچا حق تسمينها
ليل بفرح :يعني مواقف
غياث لمس خدها بحب :اذا الاسم حلو موافق ليش لا
ليل :اريد اسميها فرح
غياث حرك اصبعو على خدها:اسم ماما
ليل هزت راسها :اي اسمها موافق صح
غياث ترحم عليها وبجدية :اول شئ اسالچ چم سؤال وبعدين اقرر
ليل ضلت ساكته غياث :تحبينها
ليل :بي حدا ما يحب امو
غياث :وعيتي عليها
ليل عيونها دمعت :حبيبتي إذا تضيقين لا تجاوبين
ليل صارت بچي :تعرف شلون ماتت
غياث :لا بس اللى فهمتو انو موت طبيعي
ليل :بهذاك اليوم چنا بس اني وهي بالبيت نظفت البيت معها وطبخنا الغذاء لليوم اتذكر اخر اچله چليتها من ايدها رز ابيض وفروج مسلوگ ومرقة فاصوليا باللحمه تغدينا انا وياها لاني ما اصبر اعشق المرك تمددنا حتى تنومني على صدرها بس هي اللى نامت وما گعدت يا حسرتي عليها ماتت وهي بعز شبابها
غياث مسح دموعو :الله يرحمها ويغفر لها ويسكنها فسيح جناته
ليل حطت راسها على صدر غياث :آمين يارب
غياث بأس راسها :نسمي اول بنيه فرح بس بشرط
ليل تمسح دموعها:ليش چم واحد تريد نخلف
غياث صار يضحك :بما انچ عاجبچ دور الام وعحبتچ الگعده بالبيت وما تريدين تدرسين قررت نعبي البيت عچيان اني اصرف عليكم وانتي وامي تربونهم
ليل صارت تضحك ورفعت راسها :تمزح موو
غياث قرص خدها :والله العظيم ما امزح اريد كومة عچيان منچ
ليل :يشبهوني ولا يشبهونك
غياث :طبعا يشبهونچ أريده كلهم دباديب على حسوني
ليل :ههههه دبدوبي ما اتوقع اجيب مثلو ان شاء الله الإنتاج الجاي كلو ماكس فرنسي سوري عالي الجوده
غياث صار يضحك من قلبو :الا ولد عبدالله ليش طالعين عيونهم ملونه
ليل :ليش تسأل
غياث :لان كلكم عيونكم سود
ليل :بسبب الجينات بس نروح على بيت اهلي اشوفك صورة امي عيونها عسلية
غياث :ان شاء الله نرجع لشرطنا
ليل سبلت عيونها وبنعومها :حرام عليك لا تصير استغلالي اني مسكينه لا حول ولا قوة
غياث :يا حلوه شرطي كل ما تصلين تدعين لعمتي اكيد كلهم مشغولين بالحياة ونسوها الرسول صلى الله عليه وسلم قال: "إذا مات ابن آدم انقطع عمله إلا من ثلاث: صدقة جارية، أو علم يُنتفع به أو ولد صالح يدعو له"
ليل :عليه الصلاة والسلام
غياث :اريدچ توعديني من اليوم ما تنسين هذا الحديث
ليل تعدلت :اوعدك
غياث تعدل :وين
ليل بسرعة جابت دفترها من السحاب وقلم غياث وأعطت غياث :اكتب ليا الحديث مشان ما انسى
غياث كتب بالفرنسي
ليل بفضول :غياث شكتبت
غياث :الحديث
ليل خذت الدفتر :الله يسامحك تضحك عليا
غياث سحب الدفتر مشان ما تزعل وكتب الحديث بالعربي
ليل تضحك على غياث :خطك بالعربي موو حلو كانو خرابيش دجاج
غياث ابتسم :لغتي الام فرنسي لمُن چنت اجي اصيف هين كلها تنتقد حچي كلمه عربي وعشرة فرنسي
ليل :شنو رايك نرجع نكمل دروس الفرنسي
غياث تمدد :باچر اليوم مالي نفس
ليل مسكت ايد غياث :شكلك اليوم تعبان
غياث :اشوي
ليل باست ايد غياث :انته نام واني رايحه اغسل
غياث :لا تروحين
ليل انحنت علي :ما راح أطول عليك ربع ساعه واكون عندك
غياث ضاع بعيونها:وعد
ليل خجلت من نظراتو :وعد
غياث سحب راسها وباسها :يلا روحي
*****
ام غياث حچت مع صبا بموضوع مثقال :حبيبتي فكري زين مثقال يريدچ ومشتريچ
صبا : ماما اني ما اريدو
ام غياث :صبصب تعرفين زين ابوچ مستحيل يجوزچ لحدا غريب وانتي ما تتحملين عيشت العمام والريف انتي عشتي طول عمرچ مدلله ببيت ابوچ مثقال فرصه ذهبية مكون نفسو ويعيشچ بحلب ما راح يگون عندچ عمه ترى العمات موو مثل امچ انتي تذكرين حبابتچ الله يرحمها شچانت تسوي بيا
صبا :ماما الله يخليچ گوليلو اني ما اريد اتجوز اني شايله فكرة الجيزه من راسي
ام غياث :صبا شغلي عقلچ مثقال زلمه ينشهد باخلقو صايم ومصلي ومثقف راح تحبينو مع الايام ترى ابو زلمه چبير بحالو ما يتدخل بحدا ولا لوا سلطه على مثقال وليل مرت اخوچ تحبچ و تعتبرچ اختها
صبا :ماما المشكله موو بعمي جاسم ولا بليل المشكله بمثقال ذاتو ما ينبلع
ام غياث ضمت صبا :يولي شبي مثقال من شنو يشكي شب مثل الورده الله يحفظو كل ام تتمنى واحد مثل مثقال لبنتها
صبا :ما احبو اني وهو ما نناسب بعض
ام غياث ابتسمت :صبا تكوني مجنونه اذا تضيعين مثقال من ايدچ ترى الزلمه شايفچ وموو مصدگ على الله يا ماما اريد اشوفچ بيبتچ مرتاحه مع زلمه يحبچ ويقدرچ
صبا :ماما لا تضغطين علي
ام غياث تلعب بشعر صبا :طيب انتي صلي استخارة واتركيها على الله
صبا رفعت رجهها :ماما هذا مثقال چذاب ابو وجهين كلكم مخدوعين بيو مصلحتو فوگ كل شيا يريد يمسك غياث من ايدو اللى توجعو
ام غياث : يا ماما لا تحكمين من المظاهر اني تعرفت على مثقال وعاشرتو صح هو عصبي اشوي مع الناس بس قلبو نظيف موو شايل علينا انتي ما شفتي الحنان اللى بعيونو اللى يحب اختو مثل مثقال راح يداري مرتو بعيونو ويصير اخو مرتو (يعني يصير مثل اخوها بخوفو وغيرتو عليها وما يردلها طلب ) يا بخت اللى تاخذو
********
ليل تضحك :طيب خليني ارجع اكتبها
غياث :لا اول شئ انطقها صح
ليل رجعت تنطقها بس بفشل :لا تضحكين خذي نفس عميق وقوليها بثقه
وكرر الكلمه لليل
ليل حطت راسها بحضن غياث وهي تضحك من قلبها
غياث ابتسم : يا ولي شبيچ اليوم
ليل خلصت الضحك راحت ورا غياث ومسكت كتوفو وحچت بالمصري :حبيبي النهارده حسه نفسي اسعد انسانه بالدنيا كلها
غياث بفرح:دخيلو گلبو اللى قلب مصري
ليل صارت تدلك كتوف غياث :شنو رايك اگوم اشغللك فيلم مصري من زمان ما تفرجت
غياث :لا حبيبتي بلا التلفزيون
ليل ضمت غياث وباست خدو :الأسبرين خلصان موو بعدين تگول وجعت راسك
غياث :لا ما اگول سوالفچ تجيب العافية
ليل بعدت عنو:انجضع على بطنك
غياث سوى مثل ما گالت ليل بدأت تدلك ظهر غياث برحمه:گاعد تتعب چثير بالترجمه
غياث :الترجمه تطلب جهد عقلي وگعده طول اليوم على المكتب
ليل :يعطيك العافيه موو تنام اريد نتسحر سوا
غياث :الله يعافيچ اذا نمت گعديني
*****
اما عند صبا حسن يتثوب :سبا حلاص اريد اروح انام عند ماما
صبا ابتسمت وطفت التلفزيون :اوكي تعال اوديك
راحت مع حسن ودقت الباب :ماما افتحيلي الباب
ليل وهي ترتب خزينة غياث وتعطرها هدومو :حسوني فوت الباب مفتوح
حسن فتح الباب وفات مع صبا :ماما اني نعسان
صبا ابتسمت وقربت من التخت :نام غياث
ليل طلعت حسن على التخت :اي نايم حبيبي انومك بحضني
حسن رمى نفسو بحضن ليل :اي ماما
صبا :ليل
أشرت لليل تلحقها
وطلعت حسن لف وجه ليل لوا :ماما اني احبچ كومه
ليل بفرح :حبيبي واني احبك مووت
ضمتو بصدرها :تريد احچيلك قصه مثل ماما ساره
حسن هز راسو :اي ماما قصة الوحش الشرير والامير
ليل دقت باب صبا :ليوله فوتي
فاتت وگعدت بلط صبا بعد سكوت طال:صبصب اشبيچ اليوم
صبا تمددت :ليل انتي اختي وتعرفين زين اني ما احب اقبي شيا عنچ
ليل بخوف على صبا :اي شصاير معچ لا تخوفيني عليچ
صبا :ليل انتي تعرفين انو مثقال معجب بيا
ليل مثل اللى انكب عليه مايه بارده :مثقال من ايمت
صبا عرفت انو ليل مالها خبر بالموضوع :اي مثقال من يوم العزيمه هو حچا مع ماما ويريدني
ليل :وانتي شنو رايچ
صبا بخجل من ليل :ليل والنعم منكم ونسبكم يشرفني
ليل :والنعم منچ
صبا :ليل اني ومثقال نختلف عن بعض تمام رغم انو امي فرحانه ومواقفه علي تگول ما تلگين احسن منو
شافت ليل ساكته :ليل اني موو قصدي انو مثقال بيو عيب بالعكس الف وحده تتمنى مثقال زلمه مابي منو ويستاهل احسن بنيه
ليل عيونها دمعت : ممكن اسالچ سؤال
صبا :تفضلي
ليل :صبا اسالچ بالله نسيتي جاسم
صبا دنقت ما تريد تشوف دموع ليل بانكسرار:ليل اني
انتهى الفصل
الفصل الثالث والعشرون هلا باللى يحبنا
اما عند ليل ما فاتت على الحمام خافت من غياث ياخذها عنجد على الاخصائي النفسي خذت السطل من المطبخ وشتلات الجوري السته اللى حطتهن على شباك المطبخ وطلعت برى وهي تبچي تأملت زرعها گعدت على ركبها والشمس تحرقها حرق مررت ايدها على الأوراق وهي تهمس بألم تشكي همها لزرعها حولت تمسح دموعها بس مابي فايده فتحت السطل وصارت تلعب بالمايه الحمرا حست بضلو فوقها وگرز وراها ومسك كتوفها وباس راسها :اسف حبيبتي سامحيني
ليل مسحت وجهها بزندها وكملت حفر بدون ما ترد على بدا يحفر معها :ليولتي شنو هذي الشتله
ليل بهمس مبحوح:جوري
غياث ابتسم :شنو لونو احمر
ليل :لاء زهري
غياث :كانوا مكانها غلط
ليل طلعت الشتله :شنو الغلط
غياث :عند مدخل الضيوف ولزق الحايط
ليل حطت الشتله:هذي النوعية متسلقه راح تغطي كل الحياط ويصير شكل البيت احلى من زمان نفسي ازرعها بس ما صار
غياث ابتسم وهو يغطيها بالتربة :شوفي من الحز اگولچ اني شريك بالجورية واذا سائلونا ويلادنا بالمستقبل مين زرعها نگولهم نحن الاثنين زرعنها بحب اتفقنا
ليل بدت تحفر حفره ثانية :طبعا لا انته شريك بشنو اذا اني اللى شتلتهن واني اللى راح اهتم بيهن
غياث گعد معها على الأرض وهو يحفر الحفره الثالثه:ترى الأرض باسمي كل شئ عليها ملك ليا حتى الأموره اللى زرعت الوردات وتهتم بيهن ملكي تريدين نكون شركاء ولا اصير المالك
ليل بهدوء :انته متسلط كل شئ تاخذو وتنسبو لنفسك حتى البشر ما سلمم منك
غياث :الله يسامحچ ولي اني شخذيت منچ صح اني أناني بيچ بس اني انسان اخاف الله وما أذي حدا
ليل بعدت ايد غياث ورجعت تراب على الحفره :كبرتها چثير
غياث ضحك :على اساس انتي معلمه بالزراعه
ليل :جدي الله يرحمو چان فلاح ابن فلاح ما ادري ابوي اشلون طلع حلاق
غياث يضحك :اول مره ادري انو عمي حلاق
ليل :اشتغل شئ ثلاثين سنه بالحلاقه حتى جدك عبدالحميد وعمامك وعمي چان يحلقون عندو
غياث :من وين تعرفين هذي السوالف
ليل :من ابوي اسأل عمي راح يحچيلك ابويا الى الان يطرف شعري ويقصلي غرتي
غياث قرب منها :اذا هيچ سويلي واسطه عند عمي مشان احلاق عندو على العيد
ليل :تكرم ليلة العيد اخلي يحلقلك
غياث :الله يكرمچ اي ما گلتيلي ليش اني متسلط شخذيت منچ گوليلي
ليل نزلت راسها:انته تعرف شخذيت مني مابي داعي نحچي بالماضي
غياث ابتسم:اللى خذيتو من حقي
ليل قبضت التراب بگوة: لو تركني اروح بدون ما تسوي اللى سويتو بيا چان اكيد الحز حياتي احسن ما چنت عشت اللى اعيشو اليوم
غياث انتبه انها تحول تسيطر على نفسها :لا تعترضين على قضاء الله وقدره انتي تعرفين مثقال زين لوو موو ماخذچ غصبن عنهم چان مثقال من سابع المستحيلات يرجعچ ليا هذا اخوچ مريض يتمنى الزله حتى ياخذچ مني ويرجعچ للمتحف الوطني >>صورة غياث عن مثقال وخوفو على اختو
ليل ضلت ساكته :غياث
غياث :ها حبيبي
ليل وهي تزرع معه:اريد اروح على حلب
غياث :عليش تروحين موو نحن اتفقنا قبل العيد بأسبوع اخذ امي وسلوى صبا وثاني يوم انتي وحسوني
ليل :موو مشان هدوم العيد
غياث :مشان شنو
ليل :تعبانه اريد نطلع نغير جو وفرد مره نروح على الدكتوره نطمن على البيبي
غياث مسك حالو حتى ما يضحك لان ليل خايفه من سلوى :دخيل البيبي وامو افكر واشوف لان الجو حاليا ما يسمح نروح
ليل رمت على تراب :تريد تمنني بالطلعه كل شئ ممنوع عنك
غياث وايدو على غيونو :كل شئ إلا التراب بعيوني اموتچ
ليل مدت بوزها وهي عاقده حواجبها : اذا ما تاخذي اروح مع مثقال وبلا مانيتك
غياث گام جاب الخرطوم :اصبر اقلع سلوى على أهلها ونروح
ليل :سبحانك يا الله
صار يضحك :حرام تشمتين بيها
ليل :ماني شمتانه ولا يهمني أمرها
غياث :انعمى شگدچ گوية امووت واعرف على مين طالعه
ليل :ما تربيت على ايد نسوان اني تربية زلم
غياث صار يضحك : على راسي ام حسن
ليل :تسلم انته وراسك
غياث لملم علب الشتلات وهو يغسلهن :تدرين اني مستغرب كل عصبيتچ وحملچ ثابت ما صار بي شئ
ليل تغسل ايدينها وهي تضحك :اذكر الله لا يصير بي شئ ساعتها اني اللى اموتك
غياث ضرب راسها بخفه :ما شاء الله تبارك الله مثل الحصان خزيتي العين
ليل :تعرف ليش ما صار بي شئ
غياث بمزح :تعلفين زين وتسوين رياضه
ليل زاد ضحكها :لا موو بسبب العلف والرياضه شوف رشاقتي
غياث وعيونو راح تاكل ابدا موو مبين عليها حامل :اي والله جسمچ يجنن ولا كانچ حامل
ليل صارت تلعب بالماي الحمرا :ادري ان شاء الله چم يوم وتبين كروشتي
غياث يضحك :متحمس اشوف شكلچ مع الكرشه
ليل ابتسمت :لا تشغل بالك اضمن لكا شكلي راح يكون مغري جدا مع الكروشه
غياث :انتي بكل حالتچ مغرية
ليل :ما صار شئ بيو لاني استودعتو الله ودائع الله ما تضيع
غياث بفضول :سبحان الله الله يحفظه من كل شر ليل شنو هذا
ليل صارت تسقى الشتلات اللى زرعتهن :سماد سائل
غياث حط ايدو بالماي اللى لونها أحمر :من وين جبتي
ليل :اني سويتو بالبيت
غياث :ما شاء الله عليچ ذكية
ليل ابتسمت وبمرح :دكتور موو بگد ذكائك
غياث :شكرا على المجاملات
ليل :اليوم عمتي تموتنا على البلاط والطين خربنا الدنيا
غياث :جيبي المساحه تنشطف
ليل:اوكي
ودت السطل وجابت المساحه وجت :خذ انته تمسح واني ارش ماي
غياث شطف مع ليل بعد ما نقعتو بالماي جا يفوت وراها ليل :وقف
غياث :شنو
ليل ما تريد غياث وصخ البيت بالماي اللى تنقط منو مسكت قميصو ورمتو القميص :اشلح البيجامه
غياث شلح البيجامه ليل شالتها فاتم ام غياث ابتسمت على شكل غياث :شنو صاير معاكم
غياث رجع شعرو على ورا :چنت اشطفلكم الحوش
ام غياث : حبيبي يعطيكم العافية
ليل ضمت حسن وباست راسو : حسوني البطل اشلونك حبيبي
حسن بأس خدود ليل وهو يضحك على غياث :ماما زين لوله ليش بابا مصلخ يا عيب الشوم
غياث لمس سروالو الداخلي من وصف حسن :ماني مصلخ هدومي مبلولات ماي وين بوسات بابا
حسن ركض على غياث وشالو ليل :عمه شتسوين
ام غياث : اقرض بصل لحشوة السمبوسك والشيش برك
ليل :احط هدوم غياث بالغسالة واجي اسوي معاچ
ام غياث :لا يا ماما انتي ارتاحي صبا الحز تصلي الظهر وتجي
ليل :لا عمه اني صرت زينه عجنتي العجينه ولا اعجن اني
ام غياث :بصراحه عجينتچ احسن من عجينتي
غياث نزل حسن بلط امو :ليل اتركي عنچ العجن والحقني
ليل هزت راسها :حاضر
غياث خذا حمام دافي لبس دشداشه بيضاء بنقش رصاصي مريحه وسروال ابيض لم ذهب ليل من السرير ورجعو مكانو صلى الظهر وتمدد ما حس الا على ليل تحچي وتهز كتفو :ها شبي شصاير
ليل :حبيبي مابي شئ
غياث يحول يسحب ليل:تعالي نامي
ليل :ما عيفني
غياث :ليش مگعدتني
ليل تغطي غياث زين :گعدتك مشان ما تگول ما چيتي ارجع نام
هز راسو ورجع نام لان من البارح موو نايم بعد ما عجنة العجينه گعدت مع صبا وعمتها صبا تحرك اللبن بملل :ليل تعالي سوطي اللبن عني واني رايحه اگعد الخانم سلوى
ام غياث :حبيبتي خلصي بعدين اني اروح اگعدها
ليل تثرم بقدونس للحشوة ولا على بالها صبا :ليل انتي چنتي گاعدة لمُن سلوى تكونت مع غياث الصبح
ليل :شدخلني بيهم فخار يكسر بعضو
صبا صارت تضحك :اي حبيبتي يطلعلچ ام حسن على سن ورمح
ليل ما ردت عليها
ام غياث :ليل شنو أكثر اچله يجبها اخوچ مثقال
ليل :مثقال
ام غياث ابتسمت : عمچ عزم مثقال والياس وابوچ على الفطور بس الياس اعتذر لانو معزم ببيت خالو
ليل :لا عمه مابي داعي اطبخ انوب طبخه مثقال يحب كل شئ نعمة كريم
ام غياث تنقي الفريچه :طيب حبيبتي العصر جهزي المعروك
صبا :يوم دقي على عمي جابر يجي يفطر معنا
ام غياث رفعت جوالها :يلا االحز ادق علي
بعد الفطور غياث فات على المطبخ :ليولتي
ليل لفت علي غياث قرب من عندها :ممكن تحطيلي فطور لسلوى
ليل :عمتي راحتها لغرفتها بس ما تريد تاكل
غياث :حبيبتي اذا ما تحطين اني احط يوم اطلعي برا مثقال يريدچ
ام غياث نشفت ايدينها :يلا الحز اطلع علي
طلعت من باب المطبخ غياث :ها يا حلو شگلت
ليل هزت راسها :حاضرين تامر امر
غياث :صبصب خفي ايدچ وحطي الحلو بسرعه جابر يريد يروح
ليل حطت الاكل غياث جا ياخذ منها الصينية :وخر عني اني اودي الصينية >>مسكينه تخاف غياث يراضي سلوى
غياث ابتسم :لا حبيبي انتي ارتاحي واني أوديها عنچ
ليل :غياث بعد احسن لك
غياث خذا الصينية منها بعصبيه :ليولتي اعقلي عن المره مالچ شغل معها لا من قريب ولا من بعيد
ليل :شسويت اني
غياث :ما سويت شئ روحي شوفي عمي
اما عند ام غياث وهي تسولف مع مثقال :والله يا ابني انته تستاهل كل خير ماضل الا نجيبلك العروس
مثقال :هههههه الله يبارك بعمرچ العروس ما أريدها الا منچ
ام غياث :حبيبي تكرم انته بس اختار بنت الحلال واني ازفها لكا بأيدي
مثقال :ان شاء الله
بعد سكوت :ابني شبيك اليوم موو على بعضك
مثقال دحق بالافق :عمه اريد افتح معاچ موضوع وخجلان منچ
ام غياث ابتسمت :وليش خجلان مني موو نحن اتفقنا نكون اصدقاء
مثقال دحق عليها : عمه بصراحه اني...
******
اما عند ليل گاعده بلط ابوها وهي ضامه ذراع ابوها وحاطه راسها على كتف ابوها
:وايمت تروحون
ابو ليل :بنتي ان شاء الله الاثنين الجاي تروحين معنا
ليل :لا ما اروح معاكم اريد اروح مع غياث هو وعدني ياخذني
ابو ليل مسح على رأسها :ليوله اروحه معنا احسن لجا
ليل ابتسمت :لا موو احسن
گعد بلطها مثقال :شنو تگولين
ليل بكذب :ما اگول شئ
مثقال بهمس:بعدين نتفاهم
ليل :نتفاهم على شنو
مثقال بنفس الهمس :انتي ادرى
ليل :بابه ليلة العيد أريدك تحلق لابو حسن
مثقال حط ايدو بشعرو:ابوي تعبان ما يفعل يحلقني
ليل :مثقال لا تدخل
ابو ليل ابتسم :يكرم ابو حسن من هالعين هاي قبل هاي
غياث ابتسم وهو يبوس راس ابو ليل:الله يكرمك( دحق على مثقال وبنذاله) مثقال مووت حره
مثقال :ليش اموت حره الحجي ما يحلقلك الا يحلقلي
جابر يضحك عليهم:ام حسن من وين طلعتيلنا بالحلاقه
مثقال:اي والله ليش فتحتي باب الحلاقة وهو ما يفعل يحلق لحدا بس يقص لچا ولياسمين بنت مسعود
غياث :ليل تگول عمي اسطوره بالحلاقة فطلبت منها تتوسط ليا عندو
مثقال :ما شاء الله واسطه گويه
ابو غياث :اكيد گوية البنية تضل أغلى من الابن واللى تريدو يصير بكلمه منها
مثقال :ما شاء الله غياث غير اشياء چثيره بليل اول مره تقول لأبوي اريد
غياث :لأنكم علمتوها ما تطلب كل شئ يجي لعندها وهي ساكته
ابوي غياث :ياريت صبا مثلها بنتي كل اليوم طلبات
ابو ليل :الله يصلحها ويهديها
الكل آمين
مثقال : جابر تمشي
ابو غياث :وين لسع وگت ما شفناكم
جابر يراسل :اي مشينا
مثقال :عمي عندي شغل من الشفاق
ليل :اجل شغلك لبعد العيد المكتبة موو طايره
مثقال :لا ما يتأجل بإذن الله تعالى على العيد الچبير ننتقل على حلب وافتتح المكتبة
ليل تضحك :ما شاء الله بساع
ابو غياث :ما شاء الله تبارك الله والله نيالك يا ابو عبدالله بمثقال يذكرني يجيلنا
غياث :منى عيني يطلع حسوني على خالو مثقال ويأخذ منو كل الأخلاق الحسنه
جابر :لا تخاف اللى مضيع مثقال يلقى حسن حبه ومفشوقه بالنص انته شفت اشلون گاعد على الفطور اليوم مثل مثقال
ليل :يقلد مثقال بكل شئ
غياث فتح جوالو وأعطى الجوال لمثقال :عمي شوف حفيدك شلون يقلد مثقال ههههه
مثقال نصدم حسن بالگاع متمدد على بطنو وتحتو مخده وفاتح كتاب وحاط كاست حليب وقطعة حلويات بالصحن ويقلب بصفحات الكتاب ابو ليل صار يضحك لان لان مثقال قبل النوم يقرأ الكتاب بهذي الطريقة
مثقال رجع الجوال لغياث :دزلي الفيديو
جابر :واني دزلي الفيديو
غياث :من عيوني
ابو غياث :مثقال حبيبي شنو ما تحتاج منا ما يردك الا لسانك
مثقال :عمي تسلم انتم ما تقصرون من صديق ابوليث (يقصد جابر) يمشيلي المعاملة تصير كل اموري زينه
جابر وگف:شغلتك اعتبرها خالصه
غياث طلع معاهم برا وودعهم
اما عند ليل تسولف مع صبا وعمتها بالمطبخ فات عليهم ابو غياث :ها حبيبتي خلصتي
ام غياث قربت منو :يلا حبيبي جايه يلا بنات تصبحون على خير
اما ليل راحت على غرفتها گعدت ترقص مع حسن على الاغاني عراقية انفتح الباب :هاي شنو صاير
ليل ضمت غياث وهي تگول : هلا باللى يحبنا هلا بحبيبي ونور عيوني
غياث سكر الباب بحده :طفي الزفت الدنيا رمضان وراسي يوجعني
ليل طفت التلفزيون حسن هز كتف غياث اللى گعد على السرير :بابا بابا
غياث :ها حبيبي
حسن گعد بحضن غياث :بابا تشوفها ما تحاليني أروح عند امي وابويا
غياث :ابني بس يصير وگت السحور تروح عندهم
حسن هز راسو :طيب
ليل تعرف انو غياث وضعوا زفت مع سلوى ومحتاجها :غياث حبيبي تشرب شئ
غياث بهدوء:ماي
ليل :حاضر حبيبي
راحت على المطبخ وشافت سلوى تاكل لحالها بالمطبخ وكل جسمها مزورق من الضرب غياث چاتلها انصدمت صح غياث چم مره يمد ايدو عليها من قبل بس ولا مره سوا بيها هيچ عبت ماي وحطت فواكه ورجعت صبت لغياث ماي وخذت منو الكأس گعدت على السجاده مع حسن تاكل فواكه :حبيبي تعال شاركنا
غياث نزل لعندهم ليل اكلت غياث حبة كرز وابتسمت :ابو حسن الورد اذا ما تعرف تاكل اني اطعميك بأيدي (وغمزتلو)
غياث ابتسم لها :موو جوعان
ليل :الجارنك اليوم طيب ما يتفوت
غياث خذا وحده :شهيتچ اليوم مفتوحه
ليل تضحك :بالحيل مفتوحه..هههه تنفتح نفسي من اشوفك انته ومثقال مع بعض ههههههههه چانكم نسوان علي
غياث :يووه على التشبيه
ليل ضربت ايد حسن :حسن لا توصخ قميصك
حسن :بابا توفها تضربني
غياث :ليش ضربتي حسن
ليل بمزح :شيخ حسن اسفين لا تأكل كرز مشان ما اضربك
حسن وحالتو حاله وجهو احمر وايدينو من الكرز :ماما اني احبو (رفع حبه لغياث) بابا هم كرز
ليل تضحك وهي تشوف غياث ياكل من ايد حسن :حبيبي صحتين وهنا بس من توصخ القميص ازعل منك
حسن : ماما عادي يتوصخ نغسلو بصابون
غياث :ما شاء الله يا حسن كل شئ لوا حل عندك
ضلم يمزحون حسن لحد ما خلص اكل ليل غيرت لحسن ونام بحضن غياث ليل وهي ورا غياث قربت منو وبهمس :شلونك
غياث :زين الحمد لله وانتي
ليل ضمت غياث وبنفس الهمس :اذا انته زين اني اصير زينه
غياث ضل ساكت ليل كسرت السكوت :صاير تعاني مثلي والتفكير ياكل بيك
غياث ابتسم:من ايش اعاني بالضبط
ليل :سكوت تراكم مشاعر تراكم الوجع حيره حرمان
غياث :عشت الحرمان مره وحده وموو مستعده اعيشو انوب مره ليل من بعدچ كرهت حالي
ليل شبكت اصبعها بأصابع غياث :غيوثي احبك
غياث ضل ساكت كملت : انته صديقي الوحيد اللى احبو واوثق بيو غياث نومتك معاي تسوى عندي الدنيا واللى بيها
غياث بهدوء :ما اتوقع لان بي چثير امور تغبينها عني للحز
ليل :لسى كل ما ببال يقال غياث موو كل شئ ينحچى
غياث :بي چثير اشياء ما اعرفها عنچ كل شئ يخص حياتچ قبلي علي علامة استفهام صح اني اعرف شنو انتي وشنو تربيتچ بس ما اعرف شئ عنچ
ليل صارت تضحك :دكتور غياث اي حياة تحچي عنها اذا مابي ولا واحد قبلك حبيبي حياتي ابتدت بيك
غياث بأس ايدها :ليل الحياة موو بس حبيبي عشرين سنه من عمرچ شسويت بيها ما اعرف عنچ الا حچم معلومه بالصدفه اعرفتهن من الناس موو منچ
ليل باست خدو :حياتي قبلك چنت طفولة ما عندي الا الدراسه وأهلي وشغلي ما چان عندي اي احتكاك بالناس
غياث :اممم ما عندچ صديقات ما اشوفچ تتواصلين مع حدا حتى مع اخوتچ و ويلاد اخوتچ علاقتچ سطحية محور حياتچ يدور على حياتنا وعلى مثقال
ليل ضحكت بالم : لو امي عايشه چنت شورتها بكل شئ يخصني بدال ما أشاور مثقال
غياث حس بالندم :حبيبتي اكسري حاجز الخجل بينچ وبين امي موو كل شئ ينگال لمثقال بي أمور مثقال ما يفهم بيها مثل النسوان امي مره مثلها مثلچ وتفهم عليچ
ليل :لاتخاف ماني غبية لهذي الدرجه اعرف حدودي مع مثقال
غياث لف عليها شاف دموعها باس راسها :هووص انتي موو غبية لا تبچين امي تحبچ مثل ما تحب صبا تحول تتقرب منچ عليش تصدينها
ليل :ما صديتها شتريد اگوللها ما عندي شئ ينحچى
غياث :اي شئ تريدينو لا تخجلين منها امي امچ اساليها تعلمي منها استشاريه فضفضيلها اشكيلها مني
ليل : غياث اريد انعزل وابعد عن كل شئ يأذي روحي بس لخاطرك اتودد لكل شخص غالي عليك واعزهم مثل ما اعزك
غياث بهمس وهو يبعد خصلات شعرها :واني اقدر هذي الشئ
ليل ضمت غياث:لا تخاف منو هو نسى الماضي تماما مثقال اكثر شهص يهمو استقراري معك
غياث :حبيبي ادري انو يتمنى لجا كل الخير
ليل :تعرف المفروض تفرح لاني ما عندي صديقات
غياث :ليل اذا ما عنچ صديقات عرس مين حضرتي بحلب ولبسه هذاك الفستان المفضوح
ليل : ما تنسى
غياث ببرود :لا ما انسى اعترفي
ليل : چان عرس الدكتوره ندى من الاستاذ هادي مدير المعهد اللى بفضلو اشتغلت مع الدكتوره ندى فچانت الدعوة من الطرفين
غياث :ليل اكثر شئ اكرهو بالدنيا المره الچذابة
ليل بعدت عنو:ما اچذب انته شفت بعينك علاقتي بالدكتوره ندى علاقتي بيها اكثر من دكتوره ومساعدتها القديمه
غياث تعدل :ليل تعاي هين اني ما گلت چذابه
ليل لبست روب القميص:الا گلت بس بشكل غير مباشر
غياث :ليل تعوذي من الشيطان ولا تسويلنا قصه تالي الليل
ليل اشوي وتبچي :انته شفت مني شئ موو زين بشنو اغلطت معك حتى تگول اني چذابة
غياث :لا حبيبي ما شفت انتي موو چذابه
ليل بعصبية :غياث انته موو من حقك ابدا تحاسبني على ماضي قبلك
غياث سحبها وبعصبية : والله العظيم تحچين كلمه زيادة اترك الغرفه لنكدچ واروح انام عندها
ليل مررت اصابعها الإبهام والسبابه على شفايفها بمعنى ساكته
غياث ابتسم وتركها
ليل دنقت غياث بعد سكوت :هديتي
ليل ضلت ساكته غياث رفع راسها :اشبي الحلو زعلان
نزلت عيونها وبعدت ايد غياث بالقوة ماسك حالو حتى ما يضحك عليها شغلها طفولي من زعل وتمد بوزها :يا عصفورتي الحلوه غردي سمعنا صوتچ الشجي
ليل گامت طفت الضو وخذت وضعية النوم
غياث تمدد ونام معها ثاني يوم الظهر ليل گاعدة مع عمتها وعمها تفطر حسن فات عليهم غياث :مساء الخير
ليل وعمتها :مساء النور
غياث گعد بلط ابو وباس راسو سكر المصحف :غياث اشلونك يا ابني
غياث ابتسم :الحمد لله زين انته اشلونك
ابو غياث :الحمدلله يا ابني بأحسن حال
غياث دحق على ليل :ليل تهيري اخوچ عزمنا على الفطور
ليل باستغراب :اي واحد بيهم
غياث : عبدالله دق علي الساعه سبعه عزمنا وعاتبني لانچ ما رحتي سلمتي علي
أم غياث ابتسمت :ليوله ليش ما رحتي سلمتي على بيت اخوچ الفروض نحن اللى نعزمهم موو هم يعزمونكم
ليل :موو فاضية اطلع على حدا
غياث أعطى ليل نظره :الحدا اخوچ يوم هذي جنتچ عندچ ما تعرف بالاصول علميها وفهمها والله عيب
ام غياث استحيت من ليل :غيوثي اشبيك حبه حبه عليها لسعها زغيرة
غياث :اخوتها ما راح يگولون أختنا ازغيرة موو فاضية تزورنا يگولون غياث ما يخليها تزورنا
ليل وگفت بهدوء وعيونها مدمعه:يفكرون اللى يفكرونو رأيهم بيك ما يهمني اني مره متجوزة عندي مسوؤليات اني تعبانه ماني فاضية الواجبات اللى بيني مكفيني
ام غياث :ليوله يا بنتي الله يرضى عليچ صلة الرحم واجبة علينا
ليل :عمه تعبانه ليش محد يحس بيا الحز ادق علي واعتذر منو
غياث عصب عليها:موو على كيفچ تعتذرين منو الحز الزلمه شيگول عني يگول انو اني اللى ما اريد اجي ولحالهم ماخذين صورة موو حلوه عني
ليل ما ردت علي راحت على غرفتها غياث وگف بعصبية :يا ربي هذي اشبيها راح تجنني موو طبيعية
ام غياث مسكت ايد غياث وسحبتو :حبيبي وحد الله
غياث گعد:لا اله الا الله
ام غياث باست ايد غياث :اهدى يا روحي المره حامل وتعبانه
غياث :استغفرالله
ام غياث :اسألها ليش ما اريد تروح يمكن عندها سبب مقنع
ابو غياث :حبيبي يمكن بي حدا مسمعها حچي موو زين
غياث :لا كل اخوتها زينين معها بس هي نفسية ما تريد حدا منهم ولا تحب تخطلت بالناس
ام غياث :حبيبي لا تعصب عليها وتزعلها حرام عليك اللى مر عليها موو قليل اللى أكبر منها لسعهن طايشات وما يحترمن حدا >>تقصد سلوى
غياث :هذا اللى مصبرتي عليها
ابو غياث صار يضحك : غيوثي روح راضي مرتك كل شئ بالتفاهم ينحل لا تخلي بينكم طرف ثالث
غياث وگف :ان شاء الله
فات عليها شاف الجوال بايدها :دقيتي
ليل على نفس الوضع :لا راح اروح
غياث خذا ربطه بلاستك مطاطية من التسريحة وربط شعرو وهو يسألها ليش غيرت رأيها
ليل :لزم أحول اغير من نفسي
غياث گعد عندها وهو مبتسم :شنو قررتي تلبسين
ليل وهي قالبها وجهها:ما فكرت
غياث ابتسم :كل اخوتچ هناك لزم تلبسين شئ يناسب المناسبة
ليل غلست
غياث :ليوله ألبسي فستان حلو او گلبيه فخمه يعني مثل النسوان المتجوزات
ليل هزت راسها :ان شاء الله الحز اشوف شعندي
غياث :ترى رايح اوصل سلوى معنا على بيت أهلها
ليل بصدمه :شنو
غياث عصب عليها:وجع شنو الشنو ما اريد مشاكل فهمتي تفتحين اثمچ بكلمه اموتچ
ليل سكتت غياث بعصبيه :افهمتي ولا افهمچ
ليل تهز رجلها بتوتر:ما اني وهي ما نركب بنفس السيارة
غياث :ليل بلا سوالفچ اللى تقصر العمر
ليل صدت عنو :الحز انته شتريد مني
غياث :سلامتچ
ليل رجعت دحقت علي:انته روح وديها الله معكم اني أدق على الياس يچي ياخذني
غياث مسك شعرها وفكها: ليل حبيبت امچ بهذا البيت اني الزلمه والمره اللى تريد تحكمني وتسوين مسخره ما تلزمني
ليل صارت ترجف من الخوف وعيونها تدمع
غياث ودفشها عنو:ليل لا تطلعيلي بالعالي أبدا موو من مصلحتج تعانديني وتسكرين كلمتي
ليل بچت وهي منفعله وجسمها يرجف :انته اشبيك اللى بيا موو عناد ولا تكبر غياث انته تعرف زين شگد وجودها يأذيني ويحرقني ورغم كل هذا ساكته لخاطرك(باست رايدو) غياث الله يخليك لا تأذيني اكثر من هيچ ارحم عجزي والله ما اتحمل
غياث حط راسها بحضنو :هوص
ليل ضلت تبچي وهو يقرأ عليها الرقية الشرعية ويمسح على راسها لحد ما غفت
وهو يطلع مع اللاب توب واغراضو شاف صبا واگف :ماما تگول تكونت مع ليل
غياث :لا ما تكونا اني رايح اشتغل بغرفة امي بس تصير الساعة الساعه خمسه تعالي گوليلي
صبا تلحق غياث :عليش
غياث :معزم ببيت اهل ليل
صبا فتحت باب غرفة امها لغياث وشغلة المكيف :اي بيت
غياث :اخوها الچبير عبدالله
صبا :اها تريد اساعدك بالترجمة
غياث ينزل الأغراض على المكتب البسيط اللى بغرفة امو وابو :لا انتي اهتمي بحسوني بس احتاجچ اني اصيحلچ
صبا فتحت البرداية حتى تفوت الشمس للغرفة :ان شاء الله
******
ليل فزت من النوم بخوف :شبيك شصير
غياث بصوت عالي:للحز مندفسه گومي جهزي حالچ
ليل تحك راسها بتعب :يلا الحز اگوم لا تعصب
غياث :ضيعتي صلاة الظهر
ليل نزلت من التخت :چنت نايمه
غياث گعد على حفت التخت :بسرعه قبل ما تسوين اي شئ تصلين العصر وبعدها الظهر
طلع مع ليل شافت سلوى راكبه ورا ونضرات كلها كره وحقد ركبت ليل وغياث حط حسن النايم بحضنها وسكر الباب
طول الطريق ساكتين محد حچى ولا حرف ما ينسمع بالسيارة الا صوت أنفسهم وصوت القرآن بصوت القارئ عبدالباسط عبدالصمد رحمه الله
وصلم قبل الفطور بساعه فتحتلهم بنيه عشرينية بيضه بالحيل وعيونها عسلي باخضر لبسه گلبية خليجية عنابية وملفع من نفس اللون :ليوله
ضمتها ليل :رحمه
رحمه :يولي اشتقتلچ مووت
ليل بفرح :واني اشتقتلچ الحمدلله على السلامه نورتم الخفسه
رحمه بعدت عن ليل بخجل :الله يسلمچ النور نوركم اهلا وسهلا ابو حسن اسمعنا عنك چثير
غياث ابتسم :اهلين ان شاء الله سمعانه عني كل خير
رحمه ابتسمت :طبعا تشرفنا
غياث ابتسم :اختي الشرف ليا
رحمه شالت حسن اللى ياكل مصيص وبوستو :ياااي دخيل گلبو حسوني يمه شگد يشبه عمي مثقال قص لصق
ليل :موو مخلي ولا شئ من مثقال
حسن عصب على رحمه اللى تبوس بي وهو مالو خلق ليها نونو گاعد من النوم :يععع لا تبوسيني ماما توفيها
ليل صارت تضحك مع غياث غياث بمزح :خلاص يا رحمه لا تبوسين حسوني اذا ضليتي تبوسينو نخطبچ لوا
رحمه بفرح:واني موافقه ما القى احسن من ابن عمتي الورد
ليل خذت حسن منها :ولچ استحي وحاچ تبوسين بابني عيب عليچ
حسن :يا عيب الشوم انتي فلتانه
رحمه أشرت على الباب وهي تتصنع الزعل:انتم فوتم واني الحز اعلم ابوي وعمامي واخوتي عليك تگولي فلتانه والله اخليهم يگتلونك انته وابوك
غياث :شيخ حسن ارضيت راح يگتلونا بسببك بابا عيب عليك يلا گول لرحمه اسف
حسن يأشر عليها وهو معصب:اني زلمه وهي تبوسني عيب
رحمه قرصة خدو:لا موو عيب انته حبيبي
حسن بعد ايدها:اووف خلاص روحي عنا
غياث خذا حسن من ليل :يولي خلاص استحي جننتني ابني
رحمه ضحكت :يا اهلا وسهلا بيكم تفضلم
طلعت مره عشرينية بوجهم شايله طفل والحوش كلو عجاين يلعبون :يا هلا تو ما نور البيت
ليل بهدوء وبرود :اهلين سماح
سماح :يووه هذا ابنچ ابدا ما يشبه ابو طالع عليكم اشلونك خيو
غياث حس على ليل مسك ايدها :الحمدلله زين ام حسوني يلا نفوت
ليل مشت مع غياث وهي ساكته
*******
بعد أيام
ليل وهي متركه على صدر غياث :غياث اشبيك اليوم لكا فتره موو على بعضك
غياث :ما بيني شيا
ليل لمست لحيتو بدلع :الا بيك شيا كل اشوي تعصب علي بدون سبب
غياث :حبيبي تحمليني هذي الفترة
ليل ابتسمت :بشرط
غياث :لا تتشرطين
ليل صارت تضحك :بلا راح اتشرط موو اني ليولتك الحلوه
غياث :اخ منچ ومن هالضحكه اللى ترد روحي
ليل باست غياث :اذا اجيب بنيه اني اسميها موافق
غياث :شتسمينها
ليل :اول شئ وافق مشان اعلمك
غياث :هههههههه يا مجنونه انتي الام ولچا حق تسمينها
ليل بفرح :يعني مواقف
غياث لمس خدها بحب :اذا الاسم حلو موافق ليش لا
ليل :اريد اسميها فرح
غياث حرك اصبعو على خدها:اسم ماما
ليل هزت راسها :اي اسمها موافق صح
غياث ترحم عليها وبجدية :اول شئ اسالچ چم سؤال وبعدين اقرر
ليل ضلت ساكته غياث :تحبينها
ليل :بي حدا ما يحب امو
غياث :وعيتي عليها
ليل عيونها دمعت :حبيبتي إذا تضيقين لا تجاوبين
ليل صارت بچي :تعرف شلون ماتت
غياث :لا بس اللى فهمتو انو موت طبيعي
ليل :بهذاك اليوم چنا بس اني وهي بالبيت نظفت البيت معها وطبخنا الغذاء لليوم اتذكر اخر اچله چليتها من ايدها رز ابيض وفروج مسلوگ ومرقة فاصوليا باللحمه تغدينا انا وياها لاني ما اصبر اعشق المرك تمددنا حتى تنومني على صدرها بس هي اللى نامت وما گعدت يا حسرتي عليها ماتت وهي بعز شبابها
غياث مسح دموعو :الله يرحمها ويغفر لها ويسكنها فسيح جناته
ليل حطت راسها على صدر غياث :آمين يارب
غياث بأس راسها :نسمي اول بنيه فرح بس بشرط
ليل تمسح دموعها:ليش چم واحد تريد نخلف
غياث صار يضحك :بما انچ عاجبچ دور الام وعحبتچ الگعده بالبيت وما تريدين تدرسين قررت نعبي البيت عچيان اني اصرف عليكم وانتي وامي تربونهم
ليل صارت تضحك ورفعت راسها :تمزح موو
غياث قرص خدها :والله العظيم ما امزح اريد كومة عچيان منچ
ليل :يشبهوني ولا يشبهونك
غياث :طبعا يشبهونچ أريده كلهم دباديب على حسوني
ليل :ههههه دبدوبي ما اتوقع اجيب مثلو ان شاء الله الإنتاج الجاي كلو ماكس فرنسي سوري عالي الجوده
غياث صار يضحك من قلبو :الا ولد عبدالله ليش طالعين عيونهم ملونه
ليل :ليش تسأل
غياث :لان كلكم عيونكم سود
ليل :بسبب الجينات بس نروح على بيت اهلي اشوفك صورة امي عيونها عسلية
غياث :ان شاء الله نرجع لشرطنا
ليل سبلت عيونها وبنعومها :حرام عليك لا تصير استغلالي اني مسكينه لا حول ولا قوة
غياث :يا حلوه شرطي كل ما تصلين تدعين لعمتي اكيد كلهم مشغولين بالحياة ونسوها الرسول صلى الله عليه وسلم قال: "إذا مات ابن آدم انقطع عمله إلا من ثلاث: صدقة جارية، أو علم يُنتفع به أو ولد صالح يدعو له"
ليل :عليه الصلاة والسلام
غياث :اريدچ توعديني من اليوم ما تنسين هذا الحديث
ليل تعدلت :اوعدك
غياث تعدل :وين
ليل بسرعة جابت دفترها من السحاب وقلم غياث وأعطت غياث :اكتب ليا الحديث مشان ما انسى
غياث كتب بالفرنسي
ليل بفضول :غياث شكتبت
غياث :الحديث
ليل خذت الدفتر :الله يسامحك تضحك عليا
غياث سحب الدفتر مشان ما تزعل وكتب الحديث بالعربي
ليل تضحك على غياث :خطك بالعربي موو حلو كانو خرابيش دجاج
غياث ابتسم :لغتي الام فرنسي لمُن چنت اجي اصيف هين كلها تنتقد حچي كلمه عربي وعشرة فرنسي
ليل :شنو رايك نرجع نكمل دروس الفرنسي
غياث تمدد :باچر اليوم مالي نفس
ليل مسكت ايد غياث :شكلك اليوم تعبان
غياث :اشوي
ليل باست ايد غياث :انته نام واني رايحه اغسل
غياث :لا تروحين
ليل انحنت علي :ما راح أطول عليك ربع ساعه واكون عندك
غياث ضاع بعيونها:وعد
ليل خجلت من نظراتو :وعد
غياث سحب راسها وباسها :يلا روحي
*****
ام غياث حچت مع صبا بموضوع مثقال :حبيبتي فكري زين مثقال يريدچ ومشتريچ
صبا : ماما اني ما اريدو
ام غياث :صبصب تعرفين زين ابوچ مستحيل يجوزچ لحدا غريب وانتي ما تتحملين عيشت العمام والريف انتي عشتي طول عمرچ مدلله ببيت ابوچ مثقال فرصه ذهبية مكون نفسو ويعيشچ بحلب ما راح يگون عندچ عمه ترى العمات موو مثل امچ انتي تذكرين حبابتچ الله يرحمها شچانت تسوي بيا
صبا :ماما الله يخليچ گوليلو اني ما اريد اتجوز اني شايله فكرة الجيزه من راسي
ام غياث :صبا شغلي عقلچ مثقال زلمه ينشهد باخلقو صايم ومصلي ومثقف راح تحبينو مع الايام ترى ابو زلمه چبير بحالو ما يتدخل بحدا ولا لوا سلطه على مثقال وليل مرت اخوچ تحبچ و تعتبرچ اختها
صبا :ماما المشكله موو بعمي جاسم ولا بليل المشكله بمثقال ذاتو ما ينبلع
ام غياث ضمت صبا :يولي شبي مثقال من شنو يشكي شب مثل الورده الله يحفظو كل ام تتمنى واحد مثل مثقال لبنتها
صبا :ما احبو اني وهو ما نناسب بعض
ام غياث ابتسمت :صبا تكوني مجنونه اذا تضيعين مثقال من ايدچ ترى الزلمه شايفچ وموو مصدگ على الله يا ماما اريد اشوفچ بيبتچ مرتاحه مع زلمه يحبچ ويقدرچ
صبا :ماما لا تضغطين علي
ام غياث تلعب بشعر صبا :طيب انتي صلي استخارة واتركيها على الله
صبا رفعت رجهها :ماما هذا مثقال چذاب ابو وجهين كلكم مخدوعين بيو مصلحتو فوگ كل شيا يريد يمسك غياث من ايدو اللى توجعو
ام غياث : يا ماما لا تحكمين من المظاهر اني تعرفت على مثقال وعاشرتو صح هو عصبي اشوي مع الناس بس قلبو نظيف موو شايل علينا انتي ما شفتي الحنان اللى بعيونو اللى يحب اختو مثل مثقال راح يداري مرتو بعيونو ويصير اخو مرتو (يعني يصير مثل اخوها بخوفو وغيرتو عليها وما يردلها طلب ) يا بخت اللى تاخذو
********
ليل تضحك :طيب خليني ارجع اكتبها
غياث :لا اول شئ انطقها صح
ليل رجعت تنطقها بس بفشل :لا تضحكين خذي نفس عميق وقوليها بثقه
وكرر الكلمه لليل
ليل حطت راسها بحضن غياث وهي تضحك من قلبها
غياث ابتسم : يا ولي شبيچ اليوم
ليل خلصت الضحك راحت ورا غياث ومسكت كتوفو وحچت بالمصري :حبيبي النهارده حسه نفسي اسعد انسانه بالدنيا كلها
غياث بفرح:دخيلو گلبو اللى قلب مصري
ليل صارت تدلك كتوف غياث :شنو رايك اگوم اشغللك فيلم مصري من زمان ما تفرجت
غياث :لا حبيبتي بلا التلفزيون
ليل ضمت غياث وباست خدو :الأسبرين خلصان موو بعدين تگول وجعت راسك
غياث :لا ما اگول سوالفچ تجيب العافية
ليل بعدت عنو:انجضع على بطنك
غياث سوى مثل ما گالت ليل بدأت تدلك ظهر غياث برحمه:گاعد تتعب چثير بالترجمه
غياث :الترجمه تطلب جهد عقلي وگعده طول اليوم على المكتب
ليل :يعطيك العافيه موو تنام اريد نتسحر سوا
غياث :الله يعافيچ اذا نمت گعديني
*****
اما عند صبا حسن يتثوب :سبا حلاص اريد اروح انام عند ماما
صبا ابتسمت وطفت التلفزيون :اوكي تعال اوديك
راحت مع حسن ودقت الباب :ماما افتحيلي الباب
ليل وهي ترتب خزينة غياث وتعطرها هدومو :حسوني فوت الباب مفتوح
حسن فتح الباب وفات مع صبا :ماما اني نعسان
صبا ابتسمت وقربت من التخت :نام غياث
ليل طلعت حسن على التخت :اي نايم حبيبي انومك بحضني
حسن رمى نفسو بحضن ليل :اي ماما
صبا :ليل
أشرت لليل تلحقها
وطلعت حسن لف وجه ليل لوا :ماما اني احبچ كومه
ليل بفرح :حبيبي واني احبك مووت
ضمتو بصدرها :تريد احچيلك قصه مثل ماما ساره
حسن هز راسو :اي ماما قصة الوحش الشرير والامير
ليل دقت باب صبا :ليوله فوتي
فاتت وگعدت بلط صبا بعد سكوت طال:صبصب اشبيچ اليوم
صبا تمددت :ليل انتي اختي وتعرفين زين اني ما احب اقبي شيا عنچ
ليل بخوف على صبا :اي شصاير معچ لا تخوفيني عليچ
صبا :ليل انتي تعرفين انو مثقال معجب بيا
ليل مثل اللى انكب عليه مايه بارده :مثقال من ايمت
صبا عرفت انو ليل مالها خبر بالموضوع :اي مثقال من يوم العزيمه هو حچا مع ماما ويريدني
ليل :وانتي شنو رايچ
صبا بخجل من ليل :ليل والنعم منكم ونسبكم يشرفني
ليل :والنعم منچ
صبا :ليل اني ومثقال نختلف عن بعض تمام رغم انو امي فرحانه ومواقفه علي تگول ما تلگين احسن منو
شافت ليل ساكته :ليل اني موو قصدي انو مثقال بيو عيب بالعكس الف وحده تتمنى مثقال زلمه مابي منو ويستاهل احسن بنيه
ليل عيونها دمعت : ممكن اسالچ سؤال
صبا :تفضلي
ليل :صبا اسالچ بالله نسيتي جاسم
صبا دنقت ما تريد تشوف دموع ليل بانكسرار:ليل اني
انتهى الفصل
