هنـــآ مــــلآذي آلآمـــــن .. ♡

[باقة ورد]

والدليل ان اغلب مجنوني الحب هم رجال
قيس مجنون ليلى وعنتر بن شداد وغيرهم اخرين

 

[باقة ورد]

 

[باقة ورد]

 

[باقة ورد]

لا تكون عدو لنفسك ولا تكون أكبر سبب لإستهلاك نفسيتك واستنزاف طاقتك هو تصرفاتك الشخصية.

لو دزيت رسالة وما إنرد عليها بسرعة، لا تبقى لازم التلفون وتنتظر، وإذا شافوها وما ردوا عليها لا تدزها مرة ثانية، لو المقابل ما كلك شنو المشكلة بصورة واضحة وصريحة، لا تستهلك قدرات عقلك كلها حتى تتحايل عليه علمود يحجيلك، إنت مو مسؤول تخلي أحد يكون واضح وصريح، روح شوف حياتك.

لا تجبر أحد يحبك ولا تفرض نفسك بالقوة على أحد ما يريدك، ولا تشحذ الإهتمام والإعجاب من الآخرين، لا تحاول مساعدة أحد ما طلب منك المساعدة، وتذكر أنت ما مسؤول تصلح حياة الناس.

لا تدخل نفسك بحوارات ونقاشات مو مسؤوليتك، وما تأثر بصورة مباشرة أو غير مباشرة على حياتك، لا تحرك بنفسك واعصابك على شي فارغ وتحاول تقنع المقابل بفكرة لو مبدأ هو ما مستعد يقتنع بيه.

لا تكون مجرد أداة لسد احتياجات المقابل، كأن يملي بيك وقت فراغه ويحصل منك على الدعم والمديح والمحبة، لو حفرة واسعة يفرغ بيك كل عقده ونرجسيته وانفعالاته وتجاربه الي تقلل من قيمتك وقدرك.

أسوأ عدو للإنسان هو نفسه ومرات هو يسوي تصرفات تتسبب بإستهلاك واستنزاف طاقته ونفسيته بشكل متكرر وبشع، واذا ما فطن على نفسه بالوقت المناسب راح يجي يوم يحس نفسه ما عنده طاقة لو نفس حتى يطلع من غرفته.

فشنو عيشوا حياتكم بطريقه صحيحة و حبوا نفسكم يا مساكين يا ضعفاء.

 

[باقة ورد]

‏"يُريحني جدًا أن الله يعلم ما في القلوب، يعلم ما في النيّات، يُريحني أن الله يعلم ما تُكِن الصدور وما يدور في الخواطر ، يُريحني جدًا أن الحساب بيد الله، والرزق بيد الله ، والرحمة بيد الله.. والفتوح كُلّها بيد الله.. يُريحني أن تدابير البشر ومكائدهم في كفّة وتدابيـر الله في كفّة."

 

[باقة ورد]

صارلـي هواية أنتظر اللحـظة الي أگول بيها
أخيـراً يارب من كل گلبي !♥

 

[باقة ورد]

هذا المكان اسم على مسمى صدگ ملاذي الامن اكدر اسولف افضفض براحتي بدون مااحس واحد مراقب كلامي وياخذه على نفسه .. الحمد لله على وجود هاي الصفحة ... متنفسي

 

[باقة ورد]

‏حين تضطر للكذب على من تحب خوفا من ردة فعله فأنت في الطريق الخاطئ ، لأن هذا الأمر لا يغتفر أبدا ، الحب يعيش في الوضوح فقط ، ولا يمكن للوضوح أن يتسبب يوما في مشكلة ، لأنه رسالة ثقة عميقة ، حين تضطر للكذب لتحافظ على الهدوء بينكما فأنت مع شخص خاطئ لا يناسبك

 

[باقة ورد]

اكو أمنية صارلي 10 سنوات اطلبها من الله وانتظرها تتحقق والبارحة رادت تصير وحسيت راح يتحقق حلمي وصلت مرحلة انتشيت من الفرحة وملئت كل جزء بروحي .. بس هي ساعة ووراها كلشي انسد بوجهي وفقدت الامل ..
وكرهت كلشي بالدنيا الصراحة حتى هاي الامنية كرهتها .. صعبة ان انت تنتظر شغلة تصير بكل جوراحك ويجون يرفعوك فوگ فوگ وبلحظه وحده تطيح بالگاع على وجهك كلش صعب هالاحساس
وراها ضليت ابجي ودخلت حالة اكتئاب فضيعة بس بعدين فكرت بيني وبين نفسي وگلت هسه اني ربي منطيني هواي نِعم .. اهل ماكو منهم وزوج متفهم وحباب وبيت وعائلة واطفال وحياة مستقرة .. لازم اكون ممنونة لرب العالمين باللي عندي وهالشغلة اللي رايدتها اذا الله قاسمها لي تصير واذا ماكو لازم اكول الحمد لله على اللي عندي ..
والحمد لله من بعد هاي المواساة بيني وبين نفسي ارتاحيت واطمأنيت واستقرت روحي والف الحمد لله على اللي عندي ..

 

[باقة ورد]

من انت نفر عايش بالعراق وماعندك واسطة بحزب معين من احزابنا الموقرة .. اذا صحتلك فرصة اطلع من العراق احسلك .. عن تجربة هذا الكلام
عمي احنه عايشين بغابة .. ماعندك واسطه بحزب تروح بالرجلين ..