أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

إذا بس مرة احبك كلشي ماسويت
واذا مليون احبك يعني ماحبك
يمعود دخفف من جمال البيك
العالم من جمالك گامت اسبك

 

[mohammed.shams]

لأن مشتاگلك قررت احاچيك
وعليك آنه اسألت كل ضني ألگاك
وگفت اباب بيتك عود اتانيك
شفت ضلي طلع يتمشه وياك

 

[mohammed.shams]

اويه غيرك بالحچي من احچي استاد
وافلت بالحچي من احچي وياك
تسواني وتسوى الراح والجاي
وتسوه الكلشي إنته وحته تسواك
==============

 

[mohammed.shams]

اشلعت گلبي واگل الناس مرتاح
واحس آنه صرت بيدك مراجيح
وسلني تمرجحك بيه صرت خيط
وافكر بيك خاف انگطع واطيح

 

[mohammed.shams]

من كثر الحلاة تشرگ لهات الناس
واليشرگ يصيح الماي الحگوني
وآنه شلون بية من حلات البيك
ماشرگت لهاتي شرگت اعيوني
==============

 

[mohammed.shams]

شفتك مشتعل ردت آنه اطفيك
ولأن رجلية ميته ازحوف اجيتك
ومشلولة الإدين وصعبة اشيل الماي
افتحت شريان گلبي وبيه طفيتك

 

[mohammed.shams]

إذا موبيك اسولف يعني ماموجود
لأن بس بيك اسولف كل وكت آنه
تدري انته بمكانك بية وين ايصير
بس شوية اوخر تطلع اهنانه
==============

 

[mohammed.shams]

يبو شعر الذهب لاتمر بالبستان
لأن تصفن بطولك هالنواعير
يوسف من جماله ابير ذبوه
عجب لي هسه اخوتك مالگوا بير

 

[mohammed.shams]

يالكلك حلو وبالحسن ماتنقاس
وتنگط عسل من جدمك لراسك
قيس انته النحل شافك خطف مريت
دنت نفسه عليك من الحلگ باسك

 

[mohammed.shams]

شيرسمون منك إنته مامرسوم
سراب تصير بعيون الينظرونك
رادوا حاولوا بس تدري من رسموك
خيط ومسطرة وماجابوا عيونك