أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

أمس روحي بشقة ضلت تسب بيك
أبچيها ردت گمت الچم جروحي
وتعاركت اويه روحي وصارت ازماط
ومن گد ما أحبك طلعت روحي

 

[mohammed.shams]

خطية اعيوني شبگت طيفك بنوم
صحيت وردت افكها مخيطة اخياط
نفط وادموع الك رشيت الهدوم
فرحني تعال بعود شخاط
==============

 

[mohammed.shams]

كلش دخت بيك منين مخلوق
إذا من طين اشكن كلش بهاي
كلها بماي تسبح تنضف الناس
ومن ايلوح جسمك ينضف الماي

 

[mohammed.shams]

نضحك بالچذب ونضمضم الدمعات
ومكابر نشد احزامنه البايد
چم دوب الصبر نگضي العمر صيام
والعيد اليمرنه اتقشمر انعايد

 

[mohammed.shams]

شفت حسنك متت كلش وانتهيت
وگمت افر بيدي ولك خايب شفر
الشامة لبخدك ولك مو شامة هاي
هاي آنه ابوستك ماخذ صفر
==============

 

[mohammed.shams]

يالوجهك بالشمس من وصفوه
والشعر چن الشعاع ونوره
گال خل ناخذ صور للذكريات
گتله وجهك يحرگلنه الصورة

 

[mohammed.shams]

بيه كل التعب من هذا الزمان
تعب أكبر من حدودي وطاقتي
ردت آخذ راحتي مرة ابتليت
طلع واحد غيري ماخذ راحتي
==============

 

[mohammed.shams]

آنه دوم الهج بإسمك مانسيت
وصار حبك بيه أجمل سولة
وحته من گد ماگمت أصفن عليك
وحدة من اعيوني صارت حولة
==============

 

[mohammed.shams]

حلو كلك حلو بس احله مابيك
محد بالحسن شايل صفاتك
العسل بس العسل يتشابه اوياك
لأن شافك حلو صار بحلاتك
==============

 

[mohammed.shams]

عفتك بالشمس حته اسمر اتصير
واعيون الحواسد تگطع النظرة
رديت ارد اشوفك من وصلت الگيت
وجهك ماتغير والشمس سمرة