أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

بده العام الدراسي وكيفت حيل
حبيبي اليوم راح ايروح مدرسته
أمشط شعري گمت وچلب اوياي
شلعته وبالعجل رحت آنه قابلته

 

[mohammed.shams]

أبيض مثلك ابيض ماكو بالكون
ولايحمل بياضك أيًٍ من كان
من اللبن ماخذ لون الخدود
لذلك من اضوگك ابقه نعسان

 

[mohammed.shams]

أيس لاتضن ابعيني گطرة ماي
أبچيها عليك وتغرگ اخدودي
عنودي وما أحن لو تنزف العينين
وبضنك لاتضن ايحن العنودي
==============

 

[mohammed.shams]

صح آنه چبير وعمري بالعشرين
أول مرة احس بعيد ميلادي
حسيته صدگ من صرتي إنتي وياي
وصارت كلها حلوة اوياچ أعيادي

 

[mohammed.shams]

مركز للحسن وجناتك الحلوات
وشفافك للنحل صارن خلية
تتأثر الوجنة بخطوتك عالگاع
وتهتز كالجلي گد مـا طرية

 

[mohammed.shams]

عندك نور يشبه نور الهلال
يعني انته گمر وهلال تنقاس
إصعد فوگ بيتك باچر وشوف
إذا مو عگب باچر تفطر الناس

 

[mohammed.shams]

آنه من شفتك حبيبي توهميت
نور وجهك هذا لو شمس الظهر
آنه لو بيدي لسويلك مقام
ومو خمس مرات اصليلك عشر

 

[mohammed.shams]

اعيوني ابغير رسمك كرهن الشوف
اوعندي اخلاف عينك مالهن داعي
ولأن بذراعي اشمن ريحتك دوم
تجي ساعات افكر آكل اذراعي

 

[mohammed.shams]

أحذرك لو تريد اسوي عركة اوياي
ماشايفني حقك لمن اتعارك
أشگ حلگك ابوسة ومنك آخذ ثار
بلكي تهد علية وتاخذ بثارك

 

[mohammed.shams]

أحبك حب ولا مر اعله إنسان
تدري شگد احبك راح افهمك
حلمت آنه بالجنة وانته بالنار
أكفر گمت حته انتقل يمك