أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

من اجروحك أنه الماچنت امِل مليت
وجبل شوگي تبايد ونهدم سفحه
ومن گد مافتحنه لغلطتك صفحات
بسجل اوراق حبك مابقت صفحة

 

[mohammed.shams]

فدوة اتوسلك لاتزعل اترجاك
ولو أدري بزعلتك آنه راح انذل
خل انذل اولي يطبني مية طوب
بس هيچ ابحلاتك كفر من يزعل

 

[mohammed.shams]

من طبعي امن اشوفك لازم ابچي اعليك
وانته تگلي إسكت حتى احظننك
شلون اسكت واشوفك وانته دمع العين
إذن أبچيك لازم حتى اشوفنك

 

[mohammed.shams]

تريد انساك چا عاوني أنساك
بشرط كون انته تظمن أنسه طاريك
گلت ماأحچي بيك گبال هالناس
گمت چي چذبوني وحلفت بيك

 

[mohammed.shams]

إنته مو مثل البشر لا مستحيل
إنته صح شكلك بشر بس يختلف
إنته أقوى انسان گدامك ضعيف
بنظرة من نظرات عينك يرتجف

 

[mohammed.shams]

شلون تعقلها آنه اعوفنك واروح
يالسكنت بروحي وبوجداني
مرة صاحوا بسمك وگلت آني ها
لو يگولون انته معناها آني

 

[mohammed.shams]

أحبك ماأحبك والله حرت اوياي
بيك آنه حرت وانته ولا چنك
ساعات آنه اگولن آنه احبك ليش
وساعات آنه اگولن ليش احبنك
==============

 

[mohammed.shams]

متواعد اويه الفرح والوعد صار سنين
لامر عليه بحلم ولاشفته شوف العين
ناشدت وين الفرح گالولي متأسفين
ممنوع هسه الفرح عن العراقيين

 

[mohammed.shams]

تصح ومضة شعر تفرش دواوين
ويصح ديوان ما يفرش حصيرة
وتصح كومة زلم ماتسوه فلسين
ويصح مثلك أخو يسوه العشيرة
==============

 

[mohammed.shams]

لاتدنگ عالذهب لو شفته طاح
هوه يخضعلك إذا شافك قنوع
وجوة تمثال الثلج لاتستراح
لأن بس تطلع شمس لازم يموع