أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

ياورد الأجيبه بمولدك يالون
ويالون اليناسب گلي وي عيدك
من جبت الورد شفت آنه موقف صار
الورد منك خجل دنگ يبوس ايدك

 

[mohammed.shams]

شعرك طار فوگ اعيونك الحلوات
واذا طگه الهوه يتلاعب بخصرك
يمكن ماي شعرك واعتقد شلال
واذا شعرك توصخ تغسله بشعرك

 

[mohammed.shams]

أحبك إنته احبك ماأحب الغير
واگلك غير حبك ماأحبن
كون آنه ببحر واتمنى أغرگ بيك
خاطر من اموتن بيك اموتن

 

[mohammed.shams]

أرد اسألك ياحلو وشهذا الجمال
گلبي من شدة جمالك بي هوس
يصير أمك بيك متنسية بغزال
واني بيه يصير متنسية بعدس

 

[mohammed.shams]

شوصفنك حلو مابيك ذرة عيب
وابدع بالخلق من صورك ربك
من گد ماعذب ماتشرب انته الماي
خاف الماي يطمع بيك ويشربك

 

[mohammed.shams]

صباح الخير اگلك واحنه نص الليل
لأن خدك ضوه وياليل اليسده
تسد عين الشمس لو فتحت تك عين
لاتفتح اثنين عيونك اتهده

 

[mohammed.shams]

عجوز من الصبح حطت جدرها يفور
ومنتظرة إبنها يجيب مسواگه
الساعة العصر دگوا عليها الباب
من لحمات ابنها انطوها علاگة

 

[mohammed.shams]

عذرا ماأمدحك خايف من الناس
وتدري الناس عدها حلوگ مفتوحة
ولأنك إنته روحي وخايف يگولون
شكثر مغرور هذا ويمدح بروحه

 

[mohammed.shams]

عقل عندي شتظن واتسودن اعليك
بقه بس عقلي هذا وجبته بالدين
أمشي بلاوعي واركض بالدروب
إجه مخبل سألني الخبلك وين

 

[mohammed.shams]

يالشفتك بحر وتروي كل عطشان
واليصفن بشفتك ينسبي سباية
الناس من العطش تركض وره الماي
وانته الماي يركض شربك مايه