أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

ما أركض واطيح وبية اشمت الگاع
مو آنه اليطيح وكلمن يفوته
أركض بالعكس لو دار بيه الكون
أصير آنه اليهد والناس مشحوته

 

[mohammed.shams]

من گد ما أحبك بس اسولف بيك
وگمت بيك آنه اسولف حتى بالسكته
من سألوني شسمك تعرف شرديت
بسمك جاوبت حتى اسمي تيهته

 

[mohammed.shams]

گمت اغار اهواي من عندي عليك
وأي جزء مني عليك يعاني
ولأن يحچي اهواي وياك اللسان
گمت اسولفلك بدون الساني
==============

 

[mohammed.shams]

شفناك وسكرنه بهاي شتگول
على هذا الأمر نتحاسب هناك
الله يساعد الصيام عالصوم
مفاطير وفطرنه بيوم شفناك

 

[mohammed.shams]

أحير منين ابوسك من الآگيك
ولو بيدي عليك امطر شفايف
أمس سولفت يمي وصار ما صار
مشيت وگمت ابوسن بالسوالف

 

[mohammed.shams]

إنتَه أكبر معجزة ودوّخت كون
ويلّي غصن البان من طولَك خجل
آنه ماشايف صبع ينگط حلاة
ومن يجيس الماي يتحوّل عسل

 

[mohammed.shams]

تگلب بالجريدة اچفوفها الحلوات
وذاك اليوم چانت قاسية اعلينه
مو زينة الاخبار الصادرة و مأساة
وبس كضتها كلها تحولت زينة

 

[mohammed.shams]

كلش مختلف ماتشبه الناس
وجمال البيك ما موجود بالكون
طاحت عيني بيدي بيوم مريت
ما شايف جمال ايطيح العيون

 

[mohammed.shams]

ماشايف جمال بهاي الاوصاف
شو كلك حلو وعيونك اوساع
آنه ادري الگمر بالسمه گاعد
معقولة الگمر نازل عله الگاع

 

[mohammed.shams]

إبعد لاتجي وتتقرب اترجاك
جمالك صاطع انته وخاف يأذيني
شافت شمس عيني وكلشي ما صار
وشفتك من بعيد وغوشت عيني