أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

إذا من نضرة وحدة رجف گلبي تگول
وحبيتك گلت صرت انته خلاني
آنه من المهد مر علي طيفك گال
لو هذا التحب لو ما تحب ثاني
==============

 

[mohammed.shams]

شفت الشمس غابت مدري شنهي الصار
بظهر الصيف احس الناس بردانه
لن وجهك حبيبي ضوه كل الكون
وغابت هالشمس ثاريها خجلانه

 

[mohammed.shams]

اقبل اي جرح بس جرح الاحساس
يظل ينزف عمر لو بشر داسه
ميضوج الورد لو داسته الناس
بس يضوج اذا الفلاح داسه

 

[mohammed.shams]

من طبعي شرس وتخاف مني الناس
بس منك اخافن من الآگيك
أشرد منك آنه واختل آنه اوياك
وتشرد بية إنته وبية اخليك

 

[mohammed.shams]

من شفت الدمع سايح عله الخدين
أصدگ ماأصدگ دمع بجفونك
طلع گلبك ثلج وانصهر من الشوگ
ذاب من الخجل واستقر بعيونك

 

[mohammed.shams]

من شفتك حبيبي ارتجت اعضاي
ومدري شوگع مني بگد حنيني
دخلت البيت دايخ راسي مسطور
دگ الباب واحد جاب عيني

 

[mohammed.shams]

دوس اعله الورد گام الورد ينداس
بس عطر الورد ماتگدر اتدوسه
يصح واحد جريمة من الوجه ينباس
وواحد عالرجل يستاهل تبوسه

 

[mohammed.shams]

يومية اعله مودك عركة آنه اوياي
واتعارك اوياي وأنذبح دونك
تعال بلا عيون انوب اذا مريت
لأن هاي الطلايب من وره عيونك
==============

 

[mohammed.shams]

يالطعمك عسل ماترحم العطشان
ولو گطرة نده اشوي خاف من ربك
نصبك بستكان الچاي چاي اغروب
من كثرة حلاتك چاينه ايشربك

 

[mohammed.shams]

بعد ماسامحك واعذارك بفلسين
وجحا لتصير املك واكشف اليجره
ولا كل ساعة جاي بحجة البسمار
هاك الباب بيعه وفكني من شره