أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

صح مرات اضيع بيتي والعنوان
بس هيهات اضيع يوم عنوانه
قوس القزح ولفي وفوگة ثمن الوان
يعني اخمصطعش مجموع الوانه

 

[mohammed.shams]

الساني شگد طويل يخورس الشيطان
ما وزني بحياتي ولاگدرلي بليس
بس وياك اصير حجارة عدها عيون
واخجل كالعروس بدخلت العريس

 

[mohammed.shams]

ليشوفك عمت عينه من ضواك
والمشافك عمت عينه شگد خسر
فدوة لاتطلع أخاف يفرهدوك
لأن مامنطين بالحصة شكر
==============

 

[mohammed.shams]

مو من طين ذني خدود من جام
وطبع الجام يبقه شما تعب يلمع
أخاف من ارد ابوسك تطبع شفاي
وتظل شفتي اعله خدك بعد ماتطلع

 

[mohammed.shams]

ماشبهك گمر هو ايتشبه بيك
أم الگمر چانت بيك تتنسه
ومن گد ماحلو لمن تمر بالناس
تگوم تغني حته الوادم الخرسة

 

[mohammed.shams]

أكلني العوز اكل بس ماگلت جوعان
واكلت الساني كله ولاچته سنوني
صح اخرس صرت بس المهم مرتاح
ماكوا السان عدي يگلكم اطوني

 

[mohammed.shams]

بذاكرتي مسحتك واسمك انته انزال
وانسيت الغرام وتيهت دربي
وفجأة اذكرت وگليبي ظل يهواك
ثاري اسمك طلع مستنسخه بگلبي

 

[mohammed.shams]

حقي امن اختصر وياك بالشوگ
مو سهلة القضية وحيل خطرة
ضامي وخاف اخلصك من اصد ليك
لذلك گمت اشوفك گطرة گطرة

 

[mohammed.shams]

==============
إجيت وغير گلبي البية موجود
دخيلك صحت ياستار ربي
من گد ماتشابگنه بالاوداع
أثاري تبادلن گلبك وگلبي

 

[mohammed.shams]

مانحمل شمس هنوب شمسين
صدگ نحترگ ونموت سكته
من هسه اتفق ويه السماوات
لو تطلع شمس لو تطلع انته